DIˈIB MIIMP MÄ NYIˈAK: ¿PËNËN YAJTIJTËP JYOBAA TYESTIIGËTY?
¿Ti myëbëjktëp?
Nmëbëjktëbëts ko “Dios wyinmäˈänymyooy ja jyaˈayëty es tkëxjäˈäyët tëgekyë ja Diosë jyaaybyajtën” (2 Timotee 3:16). Pääty, yëˈëjëts nyajtuundëbë Biiblyë parëts niˈigyë nˈixyˈattë Dios, ets nan yëˈëjëts xytyuˈumooytyëp parëts oy njukyˈattë.
Biiblyë jyënaˈany: “Waˈanë jäˈäy tnijawëdë ko mijts, mxëˈaty Jyobaa, mijts jeˈeyë naytyuˈuk diˈib mˈijtp Jantsy Këjxm abëtsemy nyaxwinyëdë” (Salmo 83:18). Päätyëts yëˈëyë nˈawdattë Jyobaa Dios. Nan nduundëbëtsë mëjää parëtsë jäˈäy nduknijawëdë Diosë xyëë, pes yëˈëjëts niDestiigëˈäjttëp (Isaías 43:10-12).
Yëˈëjëts nbanëjkxtëbë Jesus ets nmëbëjktëbëts ko yëˈë “Diosë yˈUˈunk”, * ja Kristë diˈib yajwinˈijx diˈib miin yä Naxwiiny (Fwank 1:34, 41; 4:25, 26). Ko Jesus yˈoˈky, ta jyukypyejky ets ta jyëmbijty tsäjpotm (1 Korintʉ 15:3, 4). Ko tiempë nyajxy, ta Dios pyëjtakë Rey mä yˈAnaˈam Kyutujkën (Diˈibʉ Jatanʉp o Apocalipsis 11:15). Diosë yˈAnaˈam Kyutujkën, yëˈë tuˈugë gobiernë diˈib të tyëjkënë tuumbë ets yëˈë diˈib yajjëmbitaambyë Naxwinyëdë jantsy tsuj (Daniel 2:44). Biiblyë twandaˈaky: “Diˈib yujy tudaˈaky, yëˈë jyaˈˈatandëbë naxwinyëdë, ets ttukxondäˈägäˈändë mëjwiin kajaa ja tuˈugyëˈäjtën diˈib jaˈˈatäämp” (Salmo 37:11, 29).
“Ko tkäjpxtë Biiblyë duˈunxyëp extëmë Dios myëgäjpxëdë. Tëgok tëgok tpäättë jotmay, japë naybyudëkë tˈëxtäˈäytyë mä Diosë yˈAyuk. [...] Parë yëˈëjëty, Diosë yˈAyuk juukynyëm yˈakˈyajpääty.” (Saserdotë katolikë Benjamin Cherayath, jyënany mä perioodikë Münsterländische Volkszeitung, Alemania)
Nan nmëbëjktëbëts ko tijatyë Biiblyë myaytyakypy mbäät tyamë jäˈäy pyudëkëty (Isaías 48:17, 18). Päätyëts ndundë mëjää parëts nmëmëdowdë yˈanaˈamën. Extëm nˈokpëjtakëm, Biiblyë xyˈanmäˈäyëm ko kyaj yˈoyëty nyaˈˈaxëˈkëmë niniˈkx këbäjk etsë jot winmäˈäny, päätyëts kyaj njuˈuktë ets kyajts njëˈxtë droogë (2 Korintʉ 7:1). Nan kyajts ndundë diˈibë Biiblyë yajkubojkypy, extëm ko jäˈäy nyayajmuktëgoyëty, ko yˈity tsyëënë oypyënëty mëët ets ko myeetsy (1 Korintʉ 6:9-11).
^ parr. 5 Biiblyë nanduˈun ttijˈyë Jesus ko yëˈë “Dios ja tyuˈukˈUˈunk”, yëˈko mä tukëˈëyë tijatyë Dios yajkoj, yëˈë këˈëm ojts dyajkojˈyë Jesus. Nan yëˈë tim jawyiin ojts dyajkojy (Fwank 3:18; Kolosʉ 1:13-15).