Yëˈë. Tyää tuˈuk majtsk diˈib yajnigëxëˈkypy:

•   Nduundëbëtsë mëjää parëts nbanëjkxëdë Jesukristë yˈijxpajtën etsëts njukyˈattë extëm tyukniˈˈijxë (1 Peedrʉ 2:21).

•   Nmëbëjktëbëts ko mët yëˈëgyëjxmë Jesus nitsoˈogäˈändëts, pes “mä tëgekyë naxwinyëdë jeˈeyë ja Jesus tiˈigyë mbäät xyajnitsokëm” (Apostʉlʉty 4:12).

•   Jawyiinëts nnëbattë xyëëgyëjxmë Jesus parëts njäˈttë Jyobaa tyestiigëty (Matewʉ 28:18, 19).

•   Nuˈkxtäˈäktëts xyëëgyëjxmë Jesus (Fwank 15:16).

•   Nmëbëjktëbëts ko Jesus yëˈë nyigëbäjkˈäjtypy niˈamukë yetyëjk (1 Korintʉ 11:3).

 Per ta diˈibëts xyajnigëxëˈktëp ko kyajts nduˈunˈattë extëmë wiink grupë diˈib naytyijëdëp ko tpanëjkxtë Kristë. Extëm nˈokpëjtakëm, tëjëts njaygyukëdë ko Biiblyë tyukniˈˈixë ko Jesus yëˈë Uˈunkˈäjtëbë Dios ets kyaj yëˈëjëtyë Trinidad (Markʉs 12:29). Nan kyajts nmëbëktë ko nmëdäjtëm tuˈugë anmë diˈib kyaj yˈooky ets nan kyaj myiny Biiblyë ko Dios ttëytyuny jäˈäy mä ayoodakn winë xëë winë tiempë o parë yajxëëmoˈoytyët pënaty nyiwintsënˈäjttëbë relijyonk diˈib yajmëjpëtsëmëdëp (Eclesiastés 9:5; Ezequiel 18:4; Matewʉ 23:8-10).