Mayë jäˈäy yëˈë tyukˈijxwëˈëmdëbë kruus pënaty myëbëjktëbë Jesus. Per ëëtsëty, Jyobaa tyestiigëty kyajts nyajtundë kruus ets ni ngaˈˈawdattëts oyëts njamëbëktë Jesus. ¿Tiko?

 Tim jawyiin, yëˈë ko Biiblyë kyaj jyënaˈany ko Jesus yˈoˈky mä tuˈugë kruus, jyënaˈany ko yˈoˈky mä tuˈugë kepy. Nanduˈun yajtukˈanaˈamdë pënaty pyanëjkxtëbë Kristë: “Katë xymyayˈat xywyintsëˈëgëdë agojwinnaxëty”. Ko jäˈäy dyajtundë kruus, duˈunxyëp extëm tˈawdatyë agojwinax (1 Korintʉ 10:14; 1 Fwank 5:​21).

 Jesus ojts tnigajpxy ja tuk pëky ti yajtukˈëxkapandëp pënaty jantsy panëjkxëdëp ko jyënany: “Pën mnaytsyojkëdëp miitsëty nixim niyam, net nidëgekyë ja jäˈäy tnijawëdët kots ëj miits nˈëxpëjkpëˈattë” (Fwank 13:34, 35). Duˈunë duˈun, pënaty jyantsy pyanëjkxtëbë Kristë, yëˈë yajtukˈëxkäjptëp ko ttsoktë myëguˈuk, kyaj yëˈëjëtyë kruus o wiinkpë awinax.