Tëjëts nˈixtë ko mayë jäˈäy diˈib myëdäjttëbë ryelijyonk myaytyäˈägandëp tijatyë Biiblyë tukniˈˈijxëp. Per ëëtsëty nwintsëˈkëdëbëtsë jäˈäy, pes këˈëm pyäädëdë parë twinˈixtët tijaty myëbëkandëp ets kyajts pën ndukˈaguanëˈattë parë tkupëkët ja ää ayuk diˈibëts ngäjpxwäˈkxtëp.

 Kojëts nmaytyäˈäktë relijyonk, nduundëbëtsë mëjää parëts nguytyundë extëmë Biiblyë dyakyë käjpxwijën “mëdë yuunkˈat naxypyˈat ets mëdë wintsëˈkën” (1 Pedro 3:15, Traducción del Nuevo Mundo). Nnijäˈäwëdëpts ko jaˈˈatäämbë jäˈäy diˈib kyaj tkupëkäˈäny tijatyëts ngäjpxwäˈkxtëp (Matewʉ 10:14). Per pën kyajtsë jäˈäy nmëtmaytyäˈäktë, kyajts mbäät nnijawëdë wiˈix yˈatsoojëmbitäˈändë, ets nan mbäät tyëgatsy wiˈix ja jäˈäy yaˈixy yajpääty.

 Extëm nˈokpëjtakëm, mbäädëts ninëjkxtë tuˈugë jäˈäy mä meerë jyantsy tyuny ets kyaj myaytyäˈägäˈänët, per kojëts ninëjkxtët wiink xëë, mbäät tmëdooˈity. Nan wiˈixëmë amay jotmay tpäättë ets mbäädë net tˈëxtäˈäyäˈändë naybyudëkë mä Biiblyë. Pääty kanäkˈokëtsë jäˈäy ninëjkxtë.