¿Myëdäjttëbë Jyobaa tyestiigëty tuˈugë listë mä tnigajpxy diˈibë pelikula kubojkp, ëy o liibrë?
Kyaj. Kyaj yaˈˈanëëmëdë diˈibë pelikula, ëy etsë liibrë mbäät tˈixtë o tkaˈixtë. ¿Tiko?
Biiblyë jyënaˈany ko këˈëm mbäät dyajtundë jyot wyinmäˈäny parë tnijawëdët diˈibë oy ets diˈibë axëëk (Ebreeʉsʉty 5:14).
Diosë jyaaybyajtën myëmiimbyë käjpxwijën diˈib mbäät xypyudëjkëm parë nwinˈijxëm ixy jawë diˈib oy. a Xëmë nguytyunäˈänëm mä jukyˈäjtënë tyäˈädë käjpxwijën diˈib yajpatp mä Éfesʉ 5:10 mä jyënaˈany: “[Naybyayoˈoyëdë] es miits mjikyˈattët extëm ja Dios ttseky”.
Dios të tmoˈoyë kutujkën pënaty nyigëbäjkˈäjttëbë fyamilyë, pääty tmëdattë madakën parë dyajkuboktët jyënoty tyëgoty diˈib kyaj yˈoyëty (1 Korintʉ 11:3; Éfesʉ 6:1-4). Per mä tuˈukmujkën, kyaj pën tmëdatyë kutujkën parë jyënäˈänët diˈibë pelikula o ëy yaˈaxy kyaj yˈoyëty parë tuˈugë Jyobaa tyestiigë (Galasyʉ 6:5).
a Extëm nˈokpëjtakëm, Biiblyë yajkubojkypy tëgokyë diˈib tsoˈomp mä jäˈäy bryujëˈaty, ko jäˈäy axëëk yˈity tsyëënë ets ko nyaytsyiik nyaygyoxëdë (Deuteronomio 18:10-13; Éfesʉ 5:3; Kolosʉ 3:8).
You May Also Like
TIJATYË BIIBLYË TUKNIˈˈIJXËP
Nijawë wiˈixëtsë jäˈäy nyaˈëxpëktë
Mbäädë Jyobaa tyestiigë myaˈëxpëkyëty nnamayˈäjtën.