10. Baa—Yana me Zembe
1 BAA DJISSE IBOUADANE I JOHOVA
“Kouolou ne mi mbouobou mi lool ya dey leile tsig.”—Ecclesiaste 4:12
Ne tsie dji boud beu de beiya?
-
Metedele 2:18; O Sam 127:3; Mi Kane 5:18; Ecclesiaste 4:9, 10
Baâ I nkoul sa djong wongo, ngouol chougale ngouol, ne djong komb beu wouile bouane.
2 FEZEG NGOUME NGUE MOUDA WOUO NE FEUG
“Mey ba . . . djigli wo jii wo djalane kiey.”—O Sam 32:8
Dji seu me djalane mpou ngue seu me tsiel beiya?
-
O Corinthien 1 7:39; O Corinthien 2 6:14
Dji beule ne feug ngue wo song bale moud me wa tsig djie chieyale ne Johova.
-
I boul gnoua bouandle bale beiya wo me fo tsong fouala I yiesse I kele ne moudoum ngue mouda I ndoul ki yaag.
-
Beug ne ndeiguia I kouaga chou baâ. Me baâ mez messe ne mekouawoula ntongle.
3 BOUDOUM NDA BOUDA BESSE NE MI MBAGLE NDJAW BOUD DE
“I tsougai mpouegai ne moudoum ngueg ke chouog dji gnemefouo. Me ze sa kouinda chou dey, kouinda I kouaga chou dey.”—Metedele 2:18
Dji Johova ngue bouand chou moudoum ne mouda?
-
O Ephesien 5:23; Timothee 1 3:1-7; 5:8
Moudoum dji lou chou sa I deiguia ne bougue ndjaw boud de a nwa nkow ne mouda ye ne bouane bey komb a mebi ne chichim. Gne o dji lou djiglile ne seugle bouane.
-
Mi Kane 31:10-31; O Romain 7:2
Mouda dji djong chouo ne komb ntsindi me moudoum. A chougale mi tsigla miey ne nwa nkow ne ndjaw boud. A kouind ngoume ye wouilele bouane bang.
-
O Ephesien 5:33; O Philippien 2:4
Bez o ba beu djalane de kouinda nwa nkow ne bolga tsong beumefouo.
4 JOHOVA NKOUL SA NE BAA DJISSOU I BOULEG BOUEIGNE
“Bey ba beu choune ngoud.”—Metedele 2:24
Ntedele baâ djissou I nkoul dji mpouegai?
-
Johova me tsiel ne baâ I beug ilade ya tai tsig. A yeu djong metsoung chou baâ.
-
Mi mbeiya mi djalane beu ne djissaw dja ngouol me kouab. Beu djalane beu ne I idjouga mpadga bouo ne de deug ndji sa dji ki gnoua o ngouol.