11. Mpesse djouawle zang baa
1 BA DJISSOU I NKOUL YEU JOHOVA GOUMEU
“Tsieli I tsougai ne nkoul boualai djimb.”—O Corinthien 1 13:8
Dji I nkoul kouind seu kouamblele mekouawoula ba de?
-
Ecclesiaste 5:4; Mathieu 19:4-6
Baâ dez I de bouama ne mekouawoula. Veda kou leile deug ne wo djalane miasse ba.
-
O Sam 25:4; Izai 48:17, 18; Mathieu 6:33, 34
Dja moudoum ba mouda besse koune koune ne Johova, baâ dang I nkoul beu djong sa.
2 SA SEU TSI NGUE SA I NKOUL YIA BA DE
“Bey beu choune ngoud.”—Metedele 2:24
Ntedele mi mbeiya mi nkoul sa ne beu kou beu ne I tsouombe?
-
Beug ne goumeu chou ngoume ngue mouda wouo tog mi tadgad de. Mpoug mi tadga miey. Ngue wo deug ne wo me sa gne goul sa ya kouagayai, leileg song tsendle.
-
Sa tsielai sa ngoume ngue mouda woussou metsiey gnoul gniey de ngue mi tadga miey de. Baw baw I tsia i wa mekouawoula baâ de.
-
Johova me nwa minomb nda mama seum. Seu me djalane nwa tsigla beule ne afidi ne ngoume ngue mouda woussou ne nwa baâ ne dji ne nfi. Sa tsielai bieche Johova ngue ngoume woussou ngue mouda woussou.
3 WO NKOUL SA NE BAA DOUO I BEUG DJONG SA
“Feug de o ndjaw I de louongya.”—Mi Kane 24:3
Dji wo nkoul sa chou ne ba douo I beug mintague de?
-
Mi Kane 24:4; Mathieu 6:14, 15; O Romain 12:2; Pierre 1 3:1
Nwag fouala me de leicha ne ngoume ngue mouda wouo. Nwag ngoume ngue mouda wouo ne tsieli, djini, ne ossessa. Djiglig dele leile djou.
-
Mi Kane 14:1; 31:29; O Philippien 1:9; 2:4; Pierre 1 3:7
Djaglag ne Johova ne a kouindeg wo beule djong ngoume ngue djong mouda. Song beule moud me de mpou nwa I sa ne mpou faz I sa.
-
Ngue wo sa mi mbi miez louole ne wo tsiel ne goumale ngoume ngue mouda wouo, bi nkoul beu ne djong baâ ye yeu Johova mintague.
