MPAL 7
Idjou I Zembe o dji?
1. Idjou I Zembe o dji?
Dji I sa ne Yessous beug djong Ndjou me kouaga?—MARC 1:40-42.
Idjou I Zembe djisse idjou ya gouaw. I ba ze tsend bilga idjou biez ne sa yiane me Zembe gouaw ne chi de. Djong mekeul o me ni ! Yiane boud beu ne nde chou djong idjou, I wal ba ze louendli ne Idjou I Zembe. I ba lade boud bez wa chi.—Longue Daniel 2:44; Mathieu 6:9, 10; 24:14.
Idjou I djalane beu ne Ndjou. Johova gna teul Mouane ye, Yessous Christ, ne a beug Ndjou a Idjou biey.—Longue Mi Ndeiguia mi Jan 11:15.
2. Ne tsie dji Yessous djisse Ndjou me djala yi?
Mouane me Zembe djisse Ndjou me djala yi ne tsie a dji ne djong lame, a de chougale o teuteli. (Jan 1:14) A dji neme boul beu ne nkoul chou kouindele boud, ne tsie tai neung gouaw o a ba ngue djou ne chi. Mpesse me goumchi mey, gna bade gouaw ke dji mbouo me ntsoume me Johova nguele bouand ne a beug Ndjou. (O Hebreu 10:12, 13) Me chinai de, Zembe gna yeu gne nkoul taidele nguele djou.—Longue Daniel 7:13, 14.
3. Yessous ba ne o ze beu ba djou?
Samba boud beu djaw ne “mi ngouagwa” beu ne Yessous beu ba djou gouaw. (Daniel 7:27) Mi ngouagwa mia chouchouogou ba taide tsouab ya beu wa apostel o Yessous. Johova ngue ke chouog fez boudoum ne bouda o bougue koume mousse. Neme nda Yessous, beu de goume ne gnoul a chichim.—Longue Jan 14:1-3; O Corinthien 1 15:42-44.
Mpoumbi boud dayai beu ba ke gouaw? Yessous me tsi ne “balai I ntsouembey.” (Lukas 12:32) Beu ba koume 144 000. Beu ba djou chi gniez de ne Yessous.—Longue Mi Ndeiguia mi Jan 14:1.
4. Dji ya wouosse dja Yessous gna taide djoule?
Idjou I Zembe ya taide mbou 1914. * Solgou me Yessous a chouchouogou ya beu wingle Satane ne mi mbia mi chichim miey kil bouo ka chi de. Ne chicha mpimbe Satane mou louandle mebaw chi gniez de. (Mi Ndeiguia mi Jan 12:7-10, 12) Taide wala dongue, tsig me moud I me ngue bawbawougue. Me domb, me jaa, me bouasse, me fouagsa me chi messe “ndeum” ne Idjou I wal ze kouamble I sa ya chi.—Longue Lukas 21:7, 10, 11, 31.
5. Dji Idjou I Zembe I ngue sa?
Nkante I ngue seiy chi gniez de I louo ne, Idjou I Zembe I ngue lade a ntsountsouma boud wa meyong mez. Mi nteud mi togchine mi boud beu ne idjouad gnoul wa beu mousse Idjou I Yessous de. Idjou I Zembe ye kaime bouo dja I ze ba tsame bawbaw I sa ya chi ga. Boud bez beu tsiel deug megnoua ma Idjou I Zembe wa beu djalane djigli beule ne megouag ne Yessous.—Longue Mi Ndeiguia mi Jan 7:9, 14, 16, 17.
Tang mi mbou 1000, Idjou I ba louandle teiguia me Zembe a metedele chou mpouong boud. Chi gniez I ba beu paradis. Me jougla de, Yessous me ba gning Songue ye Idjou. (O Corinthien 1 15:24-26) Ye wo dji ne moud wo tsiel teigne I sa ya Idjou I Zembe ye?—Longue O Sam 37:10, 11, 29.
^ par. 6 Mpoule vale Bible gna koulai i sa ya mbou 1914, degueg me feub 217-220 ma kalad Que nous enseigne la Bible ?
