Zembe ngue djaw mi mbi mi boud miez ne beu seusse gnede kegou jii a medjagla de. (O Sam 65:2) Veda, gna dey gouag, ngue magle, medjagla mez. Nda youg, gna magleyai medjagla me moud me de djag bagle mouda ye. (Pierre 1 3:7) Ndo neme, dja koul boud a Israel ya de dji me baw de, Zembe gna chigai de gouag medjagla mang. I mpou gnine ne, djaglale dji mama sa. Veda, Zembe me magle medjagla me boud beu ngue chile idjouga chou mi seum miang.​—Longue Izai 1:15; 55:7.

Djaglale djisse lougle, gouo I ke ne seu me de djagla ndji Mbouendai woussou, Johova. (Mathieu 4:10; 6:9) Nda, sa biele seum de, seu djalane de djagla mpesse djineu me Yessous ne tsie gna yeu tsig djie chou mi seum missou. (Jan 14:6) Johova gna tsielai ne seu deug bassele medjagla ngue de long mouo. A tsiel medjagla me wou seude mi lame de.​—Longue Mathieu 6:7; O Philippien 4:6, 7.

Mbouendai woussou me de gouag medjagla taime beu ne seu ngue lasse ne chiai lame de. (Samuel 1 1:12, 13) A tsiel ne seu deug djagla wala dez, nda mpamane ne mpouokougou, chouchouogou deuleu, ne wala seu beu me kouawoula de.​—Longue O Sam 55:22; Mathieu 15:36.

I tsougai tsigbai seussele kounekoune me Zembe ne tsie seu besse mpadga boud beu tsougai ne bougue ne gne ne beu ngue tsagle nkaague gne chou ivouvouey wa chi de.  (Timothee 2 3:1, 4; Pierre 2 3:3, 13) Gouo I kouaga ne seu nwague me nkoul ne I synguia ne o miong, beu nwa neme nkoul ne seu.​—Longue O Hebreu 10:24, 25.

Beule leida ne boud beu tsiel Zembe I kouind seu ne seu seusse kegou me Zembe. I synguia I o Ngaa o Johova I yeu djong me fouala nwale nkoul ne bougue me bolga.​—Longue O Romain 1:11, 12.

Bi nkoul seusse kegou me Johova ngue bi me de mpou faz sa bi ngue long Bible de. Fazga mi solgou miey, metsoung, ne me nkaague mey. Dele faz ne medjagla ye sa ne bi mpoug bagle bide mi lame de tsieli ne feug me Zembe.​—Longue Josue 1:8; O Sam 1:1-3.

Bi nkoul seusse kounekoune ne Zembe ndji ngue bi beu ne afidi ne gne, ne beu ne bougue chou dey. Veda bougue dji nda mpeug I dji ne beu deug miegueg medjouo. Bi me djalane wil bougue djine dja djiez ne de faz sa I yeu bi bougue.​—Longue Mathieu 4:4; O Hebreu 11:1, 6.

Johova me nwa nkow ne bongue beu tsiel gne wa. A nkoul bagle bouo ne mekouawoula me tsiel ntagle bougue djang chou tsig a melou mez. (O Sam 91:1, 2, 7-10) A louo seu vale seu djalane ne dji ntseu ne I sa I nkoul sa ne seu kou beu mpouegai ne bougbane. Johova ngue djigli seu fouamai jii beule ne djong tsig.​—Longue O Sam 73:27, 28; Jak 4:4, 8.