LECCIÓN 02
Biblia taji tuʼun ndeé ini ja ku̱ú ichi nu̱u̱
Nu̱u̱ níí ñuuyɨvɨ́, kuaʼa ñayí ji̱kutaʼan-ji jín tundoʼo ja saʼa kuéká ini-ji, ndakani ini-ji ji táʼu ini-ji. ¿A ndoʼo-ní ɨn tundoʼo yaʼa? Sanaa ndoʼo-ní ja sɨkɨ kue̱ʼe̱ axi ni ji̱ʼi̱ ɨn taʼan-ní, de sanaa jikatuʼun-ní maa-ní nú naa ndɨʼɨ nda tundoʼo yaʼa. Biblia taji ɨn tuʼun ja saʼa ndeé ini-yo.
1. ¿Na tuʼun ndeé ini taji Biblia?
Biblia steʼen nakú iyo tuni tundoʼo nu̱u̱ ñuuyɨvɨ́, ji suni taji tuʼun vaʼa ja ndɨʼɨ nda tundoʼo yaʼa ma koo nɨkani ji jaku ka de naa ndɨʼɨ. Nda tuʼun ja kachi Biblia kuu chindeé nu̱u̱-ní “tágua ni̱ʼi̱n-ní ja vaʼa ji tuʼun ndeé ini ja ku̱ú ichi nu̱u̱” (kaʼvi-ní Jeremías 29:11, 12, TNM). Nda tuʼun yaʼa chíndeé-yo tágua kundeé-yo nu̱u̱ nda tundoʼo ji koo sii ini-yo, ji suni kachi nu̱u̱-yo ja ku̱ú kuteku sii ini-yo nɨkani.
2. ¿Na̱sa kachi Biblia ja ku̱ú ichi nu̱u̱?
Biblia kachi ja ichi nu̱u̱ “ma̱ cúu̱ ca̱ nchivi̱, ni ma̱ cua̱cú ca̱ ji, ni ma̱ cúcuécá ca̱ ini̱ ji, ni ma̱ játu̱ ca̱ ji” (kaʼvi-ní Apocalipsis 21:4). Ma koo ka nda tundoʼo ja saʼa ja ndoʼo tuni-yo, tanu kuu ta̱ma̱, ja nduu saʼa nda̱a̱ tiñu, kue̱ʼe̱ ji ja ji̱ʼi̱. Biblia kachi ja nda ñayí ku̱ú kuteku sii ini-ji nɨkani nu̱u̱ Ñuʼun ta ndu̱u̱ ɨn ñuʼun vii.
3. ¿Naguá kuu chindeé nu̱u̱-ní ja kandija-ní nda tuʼun ja kachi nu̱u̱ Biblia?
Kuaʼa nda ñayí ñúʼun ini-ji ja ñuuyɨvɨ́ yaʼa nduvaʼa, de nduu ka jíni̱ ka̱jí-ji nú kenda ku̱ú sukua. De Biblia chi nda̱a̱ kaʼan. Kuu kandija-yo nu̱u̱ nda tuʼun-ji nú “skuaʼa ñunkúú-yo ja kachi Biblia” (Hechos 17:11). Yaʼa chindeé nu̱u̱-ní ja ku̱ú ka̱ji maa-ní nú kandija-ní ja kachi Biblia ja ku̱ú ichi nu̱u̱.
NÁ KUTUʼVA KA-YO SƗKƗ TUʼUN YAʼA
Ná kundeʼe-yo sava nda tuʼun ja vaji nu̱u̱ Biblia ja ku̱ú ichi nu̱u̱. Ná kundeʼe-yo na̱sa nda tuʼun yaʼa chíndeé sava nda ñayí kɨvɨ mita.
4. Biblia kachi ja ku̱ú kuteku vaʼa-yo nɨkani nu̱u̱ ñuʼun yaʼa
Kundeʼe-ní nda tuʼun vaʼa ja ndaniʼi-yo nu̱u̱ Biblia. ¿Nde ɨn taʼa̱n ka ini-ní? ¿De nakú?
Ka kaʼvi-ní nda texto yaʼa ja vaji ichi chijin de ka ndatuʼun-ní sɨkɨ nda tuʼun yaʼa:
-
¿A káʼán-ní ja nda texto yaʼa taji tuʼun ndeé ini? Kani ini-ní nu̱u̱ nda taʼan veʼe-ní ji nda ñayí kitaʼan jín-ní, ¿a kuu chindeé nu̱u̱ nda-ji?
Kani ini-ní ja teku-ní nu̱u̱ ɨn ñuuyɨvɨ́ sukua:
|
NI ƗN ÑAYÍ... |
NDƗʼƗ ÑAYÍ... |
|---|---|
|
|
|
|
|
|
|
|
|
|
5. Tuʼun ndeé ini ja taji Biblia kuu chindeé nu̱u̱-yo tágua kundee vaʼa ka-yo
Kuaʼa tuni ñayí ka kukuéká ini-ji axi ka kɨtɨ̱ ini-ji sɨkɨ nda tundoʼo ja iyo nu̱u̱ ñuuyɨvɨ́ yaʼa. Kuaʼa nda-ji ka ndukundeé-ji tágua nduvaʼa ka tiñu. Kundeʼe-ní na̱sa nda tuʼun vaʼa ja kaʼan Biblia ja ndɨʼɨ nduvaʼa chíndeé nu̱u̱ kuaʼa ñayí kɨvɨ mita. Ka kundeʼe-ní VIDEO de ka ndatuʼun-ní sɨkɨ nda tuʼun yaʼa:
-
Tanu kachi video, ¿na tiñu ja nduu iyo nda̱a̱ ni ndɨʼvɨ ini Rafika?
-
Vese nda tiñu ja nduu iyo nda̱a̱ ja ni jini-ña nduu ni naa ¿na̱sa ni chindeé Biblia nu̱u̱-ña?
Tuʼun ndeé ini ja taji Biblia kuu chindeé nu̱u̱-yo tágua ma ndakani ka ini-yo ji kundeé-yo nu̱u̱ nda tundoʼo. Ka kaʼvi-ní Proverbios 17:22, TNM ji Romanos 12:12, de ka ndatuʼun-ní sɨkɨ nda tuʼun yaʼa:
-
¿A jani ini-ní ja tuʼun ndeé ini ja taji Biblia kuu chindeé nu̱u̱-ní tágua kundee vaʼa ka-ní mita? ¿De nakú?
JA KACHI SAVA NDA ÑAYÍ: “Ja kachi Biblia ja ku̱ú ichi nu̱u̱ vaʼa tuni kuu de sanaa ma kenda ku̱ú”.
-
Nú iyo tuʼun ja kachi ja nda tuʼun ja kaʼan Biblia kenda ku̱ú, ¿a kánuu ja nandukú-yo tuʼun yaʼa? ¿De nakú?
JA NI KUTUʼVA-YO
Biblia kachi ja kundee sii ini-yo, ji taji tuʼun ndeé ini ji chíndeé nu̱u̱-yo vese iyo tundoʼo.
Tuʼun núku̱ʼun ini
-
¿Nakú jiniñuʼun nda ñayí kuni-ji ja iyo ja vaʼa ja kiji ichi nu̱u̱?
-
¿Naguá kachi Biblia sɨkɨ ja ku̱ú ichi nu̱u̱?
-
¿Na̱sa kuu chindeé nu̱u̱-ní kɨvɨ mita ja kuni-ní ja iyo ja vaʼa ja kiji ichi nu̱u̱?
NU̱U̱ NDANIʼI KA-NÍ TUʼUN
Kutuʼva ka-ní na̱sa chíndeé tuʼun ndeé ini.
“Tuʼun ndeé ini: ¿Ndenu ndaniʼi-yo?” (¡Despertad!, 22 yo̱o̱ abril kuiya 2004)
Sɨkɨ ja ku̱ú ichi nu̱u̱ nandukú-ní na̱sa chíndeé ja yaʼa nu̱u̱ sava nda ñayí ja kúʼu̱ kue̱ʼe̱ xée̱n.
“¿A kuu chíndeé Biblia nu̱u̱-yo tágua kundee sii ini-yo vese kúʼu̱-yo?” (Artículo nu̱u̱ jw.org)
Ta kundeʼe-ní yaa̱ yaʼa, kani xini-ní ja iyo-ní jín nda taʼan veʼe-ní nu̱u̱ Ñuʼun vii ja kachi Biblia.
Kaʼvi-ní na̱sa ni sa̱ma ja ndee ɨn ñaʼan ni kuu activista ta ni jini-ña tuʼun ja kachi Biblia ja kúu̱ ichi nu̱u̱.
“Nduu jani ka xini-sa ja jiniñuʼun nasa̱ma-sa ñuuyɨvɨ́ yaʼa” (La Atalaya, 1 yo̱o̱ julio kuiya 2013)
