LECCIÓN 09
Sáʼan saʼa ja kuñati ka-ní nu̱u̱ Yandios
¿A jani ini-ní ja jiniñuʼun-ní ɨn tuʼun ja chuʼun ichí nu̱u̱-ní? ¿A iyo tuʼun kánuu ja jikatuʼun-ní maa-ní de nduu xndikó tuʼun? ¿A jiniñuʼun-ní tuʼun ndeé ini? ¿A taʼa̱n ini-ní koo ñati ka-ní nu̱u̱ Jeová? Sáʼan kuu chíndeé nu̱u̱-ní ja kunevaʼa-ní ndɨʼɨ ja jiniñuʼun-ní. De ¿na̱sa saʼa-ní sáʼan? ¿A níni Yandios ndɨʼɨ nu̱u̱ nda sáʼan? ¿Na̱sa kuni-ní ja Yandios níni-Ya nda sáʼan ja saʼa-ní? Ná kundeʼe-yo.
1. ¿Nu̱u̱ nde ɨn saʼa-yo sáʼan? ¿Na tuʼun kuu kaʼan-yo nu̱u̱ sáʼan ja saʼa-yo?
Jesús ni steʼen-de nu̱u̱-yo ja matuʼun saʼa-yo sáʼan nu̱u̱ Ta̱tá-yo ja iyo andɨvɨ́. Sukua ni saʼa Jesús, ni saʼa-de sáʼan nu̱u̱ Jeová. Ɨn kɨvɨ ni kachi-de: “Túsaá de suʼa ca̱ca̱n táʼvi̱ ndá ro: ‘Tatá ndá sá ja̱ ndée̱ ní andiví...ʼ” (Mateo 6:9). Ta saʼa-yo sáʼan nu̱u̱ Jeová ndu̱u̱ ndakui ka ja kitaʼan-yo jín-Ya.
Nu̱u̱ nda sáʼan ja saʼa-yo kuu kaʼan-yo naani tiñu kúni-yo. De, nú kúni-yo ja tesoʼo-Ya, ma kuu kakan-yo ɨn ja nduu taʼa̱n ini-Ya. Nu̱u̱ Biblia kachi ja “chi jíni̱ o̱ ja̱ tú na̱-ni cúu ja̱ jíca̱n o̱ nu̱u̱ ya̱ de tú ja̱ jétaʼa̱n ini̱ maá ya̱ cúu, de níni ya̱ ja̱ jíca̱n o̱” (1 Juan 5:14). Jesús ni steʼen-de naguá kuu ja kuu kakan-yo nu̱u̱ sáʼan ja saʼa-yo (kaʼvi-ní Mateo 6:9-13). Ma kakan-yo ja kuu matuʼun-yo chi suni nakuetaʼvi-yo nu̱u̱ Yandios ja chíndeé-Ya yoʼo de suni ja chíndeé-Ya sava ka ñayí.
2. ¿Na̱sa kuu saʼa-yo sáʼan?
Biblia kachi nu̱u̱-yo: “Nakune nda-ro anu-ro nu̱u̱-Ya [Yandios]” (Salmo 62:8, TNM). Ja ñukua kuu ja nda sáʼan ja saʼa-yo, jiniñuʼun kee nde ini anu-yo. Kuu steʼen-yo ja iyo yɨñuʼún-yo nu̱u̱ Jeová, vaʼa ni̱ na̱sa saʼa-yo sáʼan nu̱u̱-Ya. Suni kuu saʼa-yo sáʼan naani hora ji ndenu kúni maa-yo.
3. ¿Na̱sa xndikó Yandios sáʼan saʼa-yo?
Siin siin saʼa-Ya. Jatiñu-Ya Tuʼun-Ya, Biblia, tágua xndikó-Ya nda tuʼun jikatuʼun-yo. Ja kaʼvi Tutu Yandios kuu saʼa “ndíchi ñayí nduu tuʼva” (Salmo 19:7, TNM; kaʼvi-ní Santiago 1:5). De, ta iyo tundoʼo nu̱u̱-yo, Jeová kuu saʼa-Ya ja ma ndakani ka ini-yo. Suni, kuu saʼa-Ya ja sava ka ñayí ja chiñuʼun-Ya chindeé nu̱u̱-yo ta jiniñuʼun-yo.
NÁ KUTUʼVA KA-YO SƗKƗ TUʼUN YAʼA
Ná kundeʼe-yo na̱sa kuu saʼa-yo sáʼan ja taʼa̱n ini Yandios de na̱sa chindeé nda sáʼan nu̱u̱-yo.
4. Jiniñuʼun saʼa-yo sáʼan tanu taʼa̱n ini Yandios
¿Naguá jiniñuʼun ja saʼa-yo tágua kunini-Ya sáʼan-yo? Ka kundeʼe-ní VIDEO.
Jeová kúni-Ya ja nu̱u̱ matuʼun-Ya saʼa-yo sáʼan. Ka kaʼvi-ní Salmo 65:2, TNM de ka ndatuʼun-ní sɨkɨ nda tuʼun yaʼa:
-
¿A jani ini-ní ja Yandios ja “níni nda sáʼan” kúni-Ya ja saʼa maa-ní sáʼan nu̱u̱-Ya? ¿Nakú jani ini-ní sukua?
Nú kúni-yo ja tesoʼo Yandios nda sáʼan saʼa-yo, jiniñuʼun chuʼun ini-yo kuteku-yo tanu taʼa̱n ini-Ya. Ka kaʼvi-ní Miqueas 3:4, TNM ji 1 Pedro 3:12, de ka ndatuʼun-ní sɨkɨ nda tuʼun yaʼa:
-
¿Na̱sa kuu kuʼun ka̱jí ini-yo ja Yandios níni-Ya nda sáʼan ja saʼa-yo?
Sanaa uu ejército siin siin ñuu, jikan-jí nu̱u̱ Yandios tágua kundeé-ji nu̱u̱ kana̱á. ¿A xndikó Yandios sáʼan ndúu̱ ejército yaʼa?
5. Nda sáʼan ja saʼa-yo jiniñuʼun ja kee nde ini anu-yo
Kuaʼa ñayí ni ka kutuʼva xini-ji nda sáʼan ja ka saʼa-ji nɨkani. ¿De a taʼa̱n ini Yandios nda sáʼan ñukua? Ka kaʼvi-ní Mateo 6:7 de ka ndatuʼun-ní sɨkɨ nda tuʼun yaʼa:
-
¿Naguá kuu saʼa-yo tágua “ma̱ cáʼa̱n o̱ cua̱ʼa̱ vuelta ndá tu̱ʼun” ta saʼa-yo sáʼan?
¿Naguá ku̱ú nú kani xini-ní nu̱u̱ ɨn tiñu vii ja ni kuu nu̱u̱-ní ñukua de nakuetaʼvi-ní nu̱u̱ Jeová? Nú saʼa-ní sukua nu̱u̱ ɨn semana, ta jinú semana ja ni saʼa-ní uja sáʼan nu̱u̱ siin siin tuʼun.
6. Sáʼan kuu ɨn ja jinimani̱ Yandios
¿Na̱sa chíndeé sáʼan nu̱u̱-yo, ta víjin tuni kuu nu̱u̱-yo? Ka kundeʼe-ní VIDEO.
Nu̱u̱ Biblia kachi ja sáʼan chíndeé ja ma ndakani ini-yo. Ka kaʼvi-ní Filipenses 4:6, 7 de ka ndatuʼun-ní sɨkɨ nda tuʼun yaʼa:
-
Vese sáʼan nduu xnaa ndɨʼɨ tundoʼo iyo nu̱u̱-yo, ¿na̱sa chíndeé nu̱u̱-yo?
-
¿Na sɨkɨ tiñu taʼa̱n ini-ní saʼa-ní sáʼan?
¿A jíni̱-ní?
Tuʼun amén kúni kaʼan “sukua ná kuu” axi “kenda ku̱ú”. Nde kɨvɨ ichi yáta̱ ta jinú ɨn sáʼan kachi “amén” (1 Crónicas 16:36, TNM).
7. Tava̱-ní tiempo tágua saʼa-ní sáʼan
Iyo ji̱chi ja kuteñu tuni-yo de naa ini-yo saʼa-yo sáʼan. ¿Na̱sa ni teya̱ʼvi Jesús sáʼan? Ka kaʼvi-ní Mateo 14:23 ji Marcos 1:35, de ka ndatuʼun-ní sɨkɨ nda tuʼun yaʼa:
-
¿Na̱sa ni tava̱ Jesús tiempo tágua saʼa-de sáʼan?
-
De maa-ní, ¿ndenu ku̱ú tava̱-ní tiempo tágua saʼa-ní sáʼan?
JA KACHI SAVA NDA ÑAYÍ: “Sáʼan ja ka saʼa ñayí ka jani ini-ji ja ka chíndeé nuu-ji, de nduu kuu ndatuʼun jín Yandios”.
-
¿Na̱sa kachi maa-ní?
JA NI KUTUʼVA-YO
Sáʼan ja saʼa-yo nde ini anu-yo saʼa ja kuñati ka-yo nu̱u̱ Yandios. Suni saʼa ja ma ndakani ini-yo de chíndeé nu̱u̱-yo tágua saʼa-yo ja kúni maa Jeová.
Tuʼun núku̱ʼun ini
-
¿Nu̱u̱ nde ɨn saʼa-yo sáʼan?
-
¿Na̱sa saʼa-yo sáʼan?
-
¿Na̱sa chíndeé sáʼan nu̱u̱-yo?
NU̱U̱ NDANIʼI KA-NÍ TUʼUN
Ndaniʼi-ní tuʼun xndikó ja jikatuʼun ñayí maa-ji sɨkɨ sáʼan.
“Uja tuʼun jikatuʼun sɨkɨ sáʼan” (La Atalaya, 1 yo̱o̱ octubre kuiya 2010)
Kaʼvi-ní nakú kánuu ja saʼa-ní sáʼan ji na̱sa kuu saʼa vaʼa ka-ní sáʼan.
Kaʼvi-ní ja steʼen Biblia nu̱u̱ na nde ɨn saʼa-yo sáʼan.
“¿A iyo vaʼa ja nakuatu-yo nu̱u̱ nda santu?” (Artículo nu̱u̱ jw.org)
Kundeʼe-ní video nu̱u̱ jíta yaa̱ a iyo ñunkúú nu̱u̱ kuu saʼa-yo sáʼan.