¿A ka kána-de maa-ní tágua ndutútú-ní jín nda testigo Jeová? Nú nduu kuiti̱ ndutútú-ní jín nda testigo Jeová, sanaa kuyu̱ʼú-ní jaku ta kiʼin-ní xinañuʼun ji̱chi. Sanaa katuʼun-ní maa-ní: “¿Naguá ka saʼa nda testigo Jeová nu̱u̱ nda reunión-ji? ¿Nakú kánuu tuni nu̱u̱ nda-ji? ¿A suni jiniñuʼun kiʼin-sa?”. Nu̱u̱ lección yaʼa kutuʼva-ní ja nda reunión yaʼa saʼa kutú ka ja kitaʼan-ní jín Yandios ji suni chíndeé nu̱u̱ maa-ní.

1. ¿Na jáʼa kuu ja ndutútú-yo?

Ɨn teé ja ni te̱e̱ Biblia ni kachi-de na jáʼa kuu ja ndutútú-yo: “Nu̱u̱ ndutútú kuaʼa ñayí chiñuʼun-ni Jeová” (Salmo 26:12, TNM). Nda kɨvɨ mita, suni nda testigo Jeová ka ndutútú-ji, de ka kusii tuni ini-ji sɨkɨ ja yaʼa. Nu̱u̱ níí ñuuyɨvɨ́, ka ndutútú-ji nda̱ká semana tágua ka chiñuʼun-ji Yandios, ka ka̱ta-ji yaa̱ ji ka saʼa-ji sáʼan. De sava ji̱chi nu̱u̱ kuiya suni kandutútú-ji nu̱u̱ ɨn asamblea.

2. ¿Naguá kutuʼva-ní nu̱u̱ nda reunión-sa?

Nu̱u̱ nda reunión niini kaʼan sɨkɨ Tuʼun Yandios, de suni steʼen ka̱jí naguá kúni kaʼan (kaʼvi-ní Nehemías 8:8, TNM). De suni nú ndutútú-ní jín nda-sa, kutuʼva ka-ní sɨkɨ Jeová ji nda ja vaʼa ini ja nevaʼa-Ya. Ta kutuʼva ka-ní na̱sa kutoo Ya̱a̱-ní kuu ini ka-ní kitaʼan ini-ní jín-Ya. Suni kutuʼva ka-ní na̱sa chindeé Ya̱a̱-ní tágua kundee vaʼa ka-ní (Isaías 48:17, 18, TNM).

3. ¿Na̱sa kuu chindeé nu̱u̱-ní nda ñayí ja kuni-ní nu̱u̱ nda reunión?

Jeová kachi-Ya “de ná nácani ini̱ o̱ na̱sa sndíʼvi̱ ta̱ʼán ini̱ o̱ ja̱ cundáʼví ca̱ ini̱ o̱ táʼán ó, jíín ja̱ sa̱ʼá ó tiñu váʼa. De níní ná ndútútú ó ja̱ chiñúʼún ó ya̱” (Hebreos 10:24, 25). Nu̱u̱ nda reunión-sa, kuni-ní ñayí ja ka kutoo taʼan ndija-ji, de tanu maa-ní, ka kúni-ji ka kutuʼva ka-ji sɨkɨ Yandios. Suni kunini-ní tuʼun ja vaji nu̱u̱ Biblia ja chindeé nu̱u̱-ní (kaʼvi-ní Romanos 1:11, 12). Suni kuu ndatuʼun-ní ji nda ñayí na̱sa ni ka kundeé-ji nu̱u̱ tundoʼo ja kenda nu̱u̱-ji, vaʼa-ni̱ nu̱u̱ kuu-ji ñayí ja iyo matuʼun-ji axi ni ka tánda̱ʼá-ji. De sɨkɨ ja ndɨʼɨ ja yaʼa Jeová kúni-Ya ja niini ndutútú-yo.

 NÁ KUTUʼVA KAYO SƗKƗ TUʼUN YAʼA

4. Nda reunión nda testigo Jeová

Nu̱u̱ siglo xinañuʼun, nda cristiano ni ka ndutútú-ji tágua chiñuʼun nda-ji Jeová (Romanos 16:3-5). Ka kaʼvi-ní Colosenses 3:16, TNM de ka ndatuʼun-ní sɨkɨ nda tuʼun yaʼa:

• ¿Na̱sa ni ka chiñuʼun nu̱u̱ Jeová nda xinañuʼun cristiano?

1. Nu̱u̱ nda reunión-sa ya̱ʼa ja kachi Biblia, ja steʼen na̱sa kaʼan-yo Tuʼun Yandios ji nda video. Ndɨʼɨ kejaʼa de jinú-ji jín yaa̱ ji ɨn sáʼan.

2. Nu̱u̱ nda reunión yaʼa, ñayí iyo kuu kachi-ji nda tuʼun ja ni jakuʼun ini-ji.

3.   Ndɨʼɨ ñayí kuu kiʼin: teé ji ñaʼan, ñayí ñaʼnu ji nda suchí kua̱chi...

4. Nu̱u̱ nda reunión nda testigo Jeová nduu jiniñuʼun chunaa-ní. Nduu jikan xu̱ʼún de suni ma chunaa-ní ta kɨ́vɨ-ní.

5. Jiniñuʼun chuʼun ini-yo tágua ndutútú-yo

• ¿Nakú kánuu ka̱an-yo ja kiʼin-yo nu̱u̱ nda reunión?

 JA NI KUTUʼVA-YO

Nú ndutútú-ní jín nda-sa nu̱u̱ reunión kutuʼva ka-ní sɨkɨ Jeová, saʼa kutú ka-ní ja kitaʼan-ní jín-Ya ji ja nda chiñuʼun-ní Ya̱a̱ jín sava ka ñayí.

Tuʼun núku̱ʼun ini

• ¿Nakú kána Jeová yoʼo ja kiʼin-yo nu̱u̱ nda reunión?

• ¿Naguá kutuʼva-ní nu̱u̱ nda reunión nda testigo Jeová?

• ¿Na̱sa kuu chindeé ka nda reunión nu̱u̱ maa-ní?