LECCIÓN 17
¿Na̱sa kaa Jesús?
Ta kejaʼa-yo kutuʼva-yo ja ni saʼa Jesús ji ja ni kachi-de ta ni iyo-de nu̱u̱ Ñuʼun, kuni-yo ja vaʼa ini ja saʼa ja kuñati ka-yo nu̱u̱ Jesús ji nu̱u̱ Ta̱tá-de, Jeová. ¿Nde kuu sava nda ja vaʼa ini ja taʼa̱n tuni ini-yo? ¿De naguá saʼa-yo tágua saʼa inuú-yo tanu Jesús?
1. ¿Na̱sa kuu ja kaa inuú Jesús ji Ta̱tá-de?
Ja ni kuu kuaʼa tuni millón kuiya ja iyo Jesús andɨvɨ́ de ndeʼe-de ji kutuʼva-de ja saʼa Ta̱tá-de. Ja ñukua kuu ja jani ini-de, kuu ini-de ji saʼa-de tanu saʼa Jeová (kaʼvi-ní Juan 5:19). De ja nda̱a̱, Jesús steʼen vaʼa-de ja vaʼa ini ja nevaʼa Ta̱tá-de sukua kuu ja ni kachi-de: “Te̱e ja̱ ndéʼé nu̱u̱ ni, suni ndéʼé de̱ nu̱u̱ Tatá ni̱” (Juan 14:9). Ja ñukua kuu ja, nú kuni vaʼa ka-ní nu̱u̱ Jesús, suni kuni vaʼa ka-ní nu̱u̱ Jeová. Tanu kuu, sɨkɨ ja ni kundaʼvi ini Jesús nu̱u̱ nda ñayí, steʼen na̱sa kuu ini Jeová nu̱u̱ maa-ní.
2. ¿Na̱sa ni steʼen Jesús ja kutoo-de Ta̱tá-de?
Jesús ni kachi: “Tácua cuni̱ nchivi̱ ñayi̱ví ja̱ ma̱ni̱ ni jíín Tatá ni̱, de sáʼá ni̱ tiñu ja̱ ní ndacu ya̱” (Juan 14:31). Ta ni iyo-de nu̱u̱ Ñuʼun, Jesús ni steʼen-de ja kutoo tuni ini-de nu̱u̱ Ta̱tá-de chi ni kandija-de vese víjin ni kuu nu̱u̱-de. Suni, Jesús ni taʼa̱n tuni ini-de kaʼan-de sɨkɨ Ta̱tá-de ji ja chindeé-de nda̱ká ñayí ja kitaʼan vaʼa-ji jín Yandios (Juan 14:23).
3. ¿Na̱sa ni steʼen Jesús ja kutoo-de nda ñayí?
Nu̱u̱ Biblia kachi ja Jesús “kutoo tuni-de ndɨʼɨ ñayí” (Proverbios 8:31, TNM). Ni steʼe-de ja kutoo ini-de ta ni jeʼe-de tuʼun ndeé ini ji ni chindeé-de nu̱u̱ nda ñayí de nduu ni ndetu-de ɨn ya̱ʼvi. Ni saʼa-de nda milagro ja ni steʼen ja ndakui-de, suni ja kundaʼvi ini-de (Marcos 1:40-42). Vaʼa ini-de ji ni kaʼan inuú-de nu̱u̱ ndɨʼɨ ñayí. Nda tuʼun ja ni kaʼan-de ni jeʼe tuʼun ndeé ini nu̱u̱ nda ñayí ja vaʼa ini ja ni kunini nu̱u̱-de. Suni, ni kandija-de ja ndoʼo-de tundoʼo ji ja kúu̱-de sɨkɨ ja kutoo-de ndɨʼɨ ñuuyɨvɨ́, de kutoo tuni ka-de nda ñayí ja kandija tuʼun ni steʼen-de (kaʼvi-ní Juan 15:13, 14).
NÁ KUTUʼVA KA-YO SƗKƗ TUʼUN YAʼA
Ná kutuʼva vaʼa ka-yo sɨkɨ na̱sa kaa Jesús de na kundeʼe-yo na̱sa kundiki̱-yo ja too ini-de ji ja mani̱ ini-de.
4. Jesús kutoo-de Ta̱tá-de
Jín ja ni saʼa Jesús ni steʼen-de nu̱u̱-yo na̱sa kuu steʼen-yo nu̱u̱ Yandios ja kutoo yo-Ya. Ka kaʼvi-ní Lucas 6:12 ji suni Juan 15:10 ji 17:26. Ta ni ndɨʼɨ kaʼvi-ní ɨn ɨn texto, de ka ndatuʼun-ní sɨkɨ nda tuʼun yaʼa:
-
Nú ndeʼe-yo ja ni saʼa Jesús, ¿na̱sa kuu steʼen-yo ja kutoo-yo nu̱u̱ Jeová?
Jesús ni kutoo-de Ta̱tá-de ja iyo andɨvɨ́ de niini ni saʼa-de sáʼan nu̱u̱-Ya.
5. Jesús ndɨʼvɨ ini-de nu̱u̱ nda ñayí kundaʼvi
Jesús ni ndɨʼvɨ ini ka-de sɨkɨ nda ñayí ma sú sɨkɨ maa-de. Vese ni kuitá-de, ni jatiñu-de tiempo-de ji ja ndakui-de tágua chindeé-de nda ñayí. Ka kaʼvi-ní Marcos 6:30-44 de ka ndatuʼun-ní sɨkɨ nda tuʼun yaʼa:
-
Tanu kachi Biblia, ¿na̱sa ni steʼen Jesús ja ndɨʼvɨ ini-de sɨkɨ nda ñayí? (Ka kundeʼe-ní nda versículo 31, 34, 41 ji 42).
-
¿Nakú ni chindeé Jesús nda ñayí ñukua? (Ka kundeʼe-ní versículo 34).
-
Sɨkɨ ja Jesús steʼen vaʼa-de ja vaʼa ini Ta̱tá-de, ¿naguá steʼen nu̱u̱-ní ndɨʼɨ ja yaʼa sɨkɨ Jeová?
-
¿Na̱sa kuu steʼen-yo ja ndɨʼvɨ ini-yo sɨkɨ nda ñayí tanu ni saʼa Jesús?
6. Jesús mani̱ ini-de
Jesús ni kuu mani̱ ini-de vese nduu kuaʼa ndatiñu ni nevaʼa-de, de yaʼa chíndeé nu̱u̱-yo ja suni sukua saʼa-yo. Ka kaʼvi-ní Hechos 20:35 de ka ndatuʼun-ní sɨkɨ nda tuʼun yaʼa:
-
Tanu ni kachi nda tuʼun Jesús, ¿naguá saʼa ja iyo sii ini-yo?
Ka kundeʼe-ní VIDEO de ka ndatuʼun-ní sɨkɨ nda tuʼun yaʼa:
-
¿Na̱sa saʼa-yo ja kúni mani̱-yo vese nduu kuaʼa ndatiñu nevaʼa-yo?
¿A jíni̱-ní?
Biblia steʼen ja saʼa-yo sáʼan nu̱u̱ Jeová nu̱u̱ sɨvɨ Jesús (ka kaʼvi-ní Juan 16:23, 24). Sukua steʼen-yo ja teya̱ʼvi-yo ja ni saʼa Jesús tágua chíndeé nu̱u̱-yo ja kuu kitaʼan-yo jín Jeová.
JA KACHI SAVA NDA ÑAYÍ: “Yandios nduu ndɨʼvɨ ini-Ya ja ndoʼo ñayí”.
-
Sɨkɨ ja Jesús steʼen vaʼa-de ja vaʼa ini Ta̱tá-de, ¿na̱sa steʼen ja ni saʼa-de ja Jeová ndɨʼvɨ ini-Ya yoʼo?
JA NI KUTUʼVA-YO
Jesús kutoo-de Jeová de suni kutoo-de nda ñayí. Ta ni ndeʼe-yo Jesús ka inuú-de tanu Ta̱tá-de, ta kutuʼva ka-ní sɨkɨ Jesús, kuni vaʼa ka-ní nu̱u̱ Jeová.
Tuʼun núku̱ʼun ini
-
Ta ni ndeʼe-yo ja ni saʼa Jesús, ¿na̱sa kuu steʼen-yo ja kutoo-yo Jeová?
-
Ta ni ndeʼe-yo ja ni saʼa Jesús, ¿na̱sa kuu steʼen-yo ja kutoo-yo nu̱u̱ nda ñayí?
-
¿Naguá kuu ja taʼa̱n ini ka-ní sɨkɨ ja vaʼa ini ja nevaʼa Jesús?
NU̱U̱ NDANIʼI KA-NÍ TUʼUN
Kundeʼe-ní sava nda ja vaʼa ini ja nevaʼa Jesús ja kuu saʼa-yo.
“Kuu steʼen-yo ja ni saʼa Jesús” (Jesús: el camino, la verdad y la vida, página 317)
Kuni-ní na tiñu kánuu nevaʼa Jesús nu̱u̱ nda sáʼan ja saʼa-yo.
“¿Nakú saʼa-yo sáʼan nu̱u̱ sɨvɨ Jesús?” (La Atalaya, 1 yo̱o̱ febrero kuiya 2008)
¿A kachi Biblia sɨkɨ na̱sa ni kaa Jesús?
¿Naguá kutuʼva-yo sɨkɨ na̱sa ni kaʼan Jesús nu̱u̱ nda ñaʼan?
“Yandios teya̱ʼvi-Ya ji tíin kuenda-Ya nda ñaʼan” (La Atalaya, 1 yo̱o̱ septiembre kuiya 2012)
