Jeová taʼa̱n ini-Ya ja ndɨʼɨ tiñu koo vaʼa (1 Corintios 14:33). Ja ñukua kuu ja ndetu-Ya ja ñuu-Ya satiñu inuú ini. ¿Na̱sa ka satiñu inuú ini congregación cristiana? ¿Na̱sa kuu chíndeé-yo tágua ndɨʼɨ koo inuú ini?

1. ¿Nde ɨn kuu ja kuñaʼnu nu̱u̱ congregación cristiana?

Biblia kachi “cúñáʼnú Cristo” nu̱u̱ congregación (Efesios 5:23). Jesús ndeʼe-de nde andɨvɨ́ ndɨʼɨ tiñu ja saʼa ñuu Jeová nu̱u̱ níí ñuuyɨvɨ́. Ni jani̱-de “esclavo fiel ji prudente”: ɨn grupo luli nda anciano ja vaʼa ka jíni̱-de ja suni ka kuu-de Cuerpo Gobernante (kaʼvi-ní Mateo 24:45-47). Tanu ni ka saʼa nda apóstol ji nda anciano ñuu Jerusalén siglo xinañuʼun, Cuerpo Gobernante suni ka chuʼun ichí-de congregación kɨvɨ mita (Hechos 15:2). De nda teé yaʼa nduu ka tatuni-de nu̱u̱ ñuu Yandios. Chi sa ka nandukú-de tuʼun ja kachi Jeová nu̱u̱ Tuʼun-Ya, ji ka kandija-de nu̱u̱ Seʼe yɨɨ́-Ya Jesús.

2. ¿Na tiñu ka saʼa nda anciano?

Nda anciano cristiano —ja ka kuu-de teé tuʼva nu̱u̱ Tuʼun Yandios— ka steʼen-de jín Tuʼun Yandios, ka jeʼe-de tuʼun ndeé ini ji ka chíndeé-de congregación. Nda teé yaʼa nduu ka kéʼén-de xu̱ʼún sɨkɨ tiñu ja ka saʼa-de. Chi sa, ka saʼa-de ja kachi Biblia “De cusii̱ ini̱ ro ja̱ coto ro ji, chi súcuán cúni̱ Ya̱a̱ Dios. De ni nsu̱ú si̱qui̱ ja̱ ni̱ʼi̱n ro xu̱ʼún, chi sa cusii̱ ini̱ ro sa̱ʼá ro tiñu ñúcuán” (1 Pedro 5:1, 2). Nda ñayí ja chíndeé nda anciano kuu nda siervo ministerial, de nú ka saʼa vaʼa-de tiñu, ichi nu̱u̱ kuu ka kenda-de ka ku̱ú-de anciano.

Cuerpo Gobernante ka ka̱ji-de sava nda anciano tágua ka kuu-de superintendente circuito. Nda teé yaʼa jankoo-de nu̱u̱ nda congregación tágua ka chíndeé-de ji ka jeʼe-de tuʼun ndeé ini. Suni, ka jani̱-de nda anciano ji siervo ministerial tanu kachi Tutu Yandios (1 Timoteo 3:1-10, 12; Tito 1:5-9).

3. ¿Na tiñu ka saʼa ɨn ɨn nda Testigo?

Ndɨʼɨ nda ñayí ini congregación ka ndachiñuʼun-ji “sɨvɨ Jeová” ta ka xndikó-ji tuʼun nu̱u̱ nda reunión. Ji suni ta ka kaʼan-ji Tuʼun Yandios, nu̱u̱ nda ñayí (kaʼvi-ní Salmo 148:12, 13, TNM).

 NÁ KUTUʼVA KA-YO SƗKƗ TUʼUN YAʼA

4. Jesús kuu ɨn teé kuñaʼnu ja jeʼe tuʼun ndeé ini

Jesús kaʼan-de nu̱u̱-yo ɨn tuʼun vii. Ka kaʼvi-ní Mateo 11:28-30 de ka ndatuʼun-ní sɨkɨ nda tuʼun yaʼa:

• ¿Na̱sa vaʼa tatuni maa Jesús? ¿De na̱sa kúni-de ja kuu ini anu-yo?

5. Nda anciano ka saʼa-de tanu ka kaʼan-de

1. Nda anciano ka saʼa ndakui-de ja ka kitaʼan-de jín Jeová ji ka chíndeé-de ñayí veʼe-de ja suni sukua ka saʼa-ji.

2. Nda anciano ka ndɨʼvɨ ini-de nu̱u̱ ndɨʼɨ nda ñayí ja ka iyo ini congregación.

3.   Nda anciano ka kaʼan-de Tuʼun Yandios nɨkani.

4. Nda anciano ka steʼen-de Tuʼun Yandios. Ji suni ka chíndeé-de tágua saʼa ndoo ji nu̱u̱ nda sava ka tiñu.

6. Ka chíndeé taʼan-yo jín nda anciano

Biblia kachi nakú jiniñuʼun chíndeé taʼan-yo jín nda anciano. Ka kaʼvi-ní Hebreos 13:17 de ka ndatuʼun-ní sɨkɨ nda tuʼun yaʼa:

• ¿Nakú kachi Biblia ja jiniñuʼun kandija-yo nu̱u̱ nda teé ja ka kuu anciano ini congregación? ¿A káʼán maa-ní ja kuu saʼa-yo sukua? ¿Nakú?

Ka kaʼvi-ní Lucas 16:10 de ka ndatuʼun-ní sɨkɨ nda tuʼun yaʼa:

• ¿Nakú jiniñuʼun chíndeé taʼan-yo jín nda anciano nu̱u̱ nda tiñu vese kuu ɨn tiñu luli?

 JA NI KUTUʼVA-YO

Jesús kuñaʼnu-de nu̱u̱ congregación cristiana. Nda anciano ka kandija-de nu̱u̱ Jesús, de nda-yo ka chíndeé sii-yo jín nda-de chi ka jito-de yoʼo ji ka steʼen-de nu̱u̱-yo jín tiñu ja ka saʼa-de.

Tuʼun núku̱ʼun ini

• ¿Nde ɨn kuu ja kuñaʼnu nu̱u̱ congregación cristiana?

• ¿Na̱sa ka chíndeé nda anciano nu̱u̱ congregación?

• ¿Na tiñu ka saʼa ɨn ɨn nda ñayí ja chiñuʼun Jeová?