¿A ja ni ji̱ʼi̱ ɨn taʼan-ní? Ta ni kuu sukua, sanaa de ni jikatuʼun-ní maa-ní “¿A iyo ka ja teku ta ji̱ʼi̱ ɨn ñayí? ¿A ku̱ú nda kundeʼe-sa nda taʼan-sa ni ka ji̱ʼi̱?”. Nu̱u̱ lección yaʼa ji inka ja vaji kuni-yo tuʼun vaʼa ja xndikó Biblia.

1. ¿A iyo ka ja teku ta ji̱ʼi̱ ɨn ñayí?

Jesús ni skanitaʼan-de ja ji̱ʼi̱ ji ja kíxi̱n naa. ¿Na̱sa kuu inuú ja ji̱ʼi̱ ji ja kíxi̱n naa? Ta ɨn ñayí ja kíxi̱n naa-ji, nduu jini-ji naguá kuu. Ta ji̱ʼi̱ ɨn ñayí, nduu kuiti̱ ndoʼo ka-ji. Biblia kachi “nda ndɨyɨ nduu na jini kuiti̱ ka” (ka kaʼvi-ní Eclesiastés 9:5, TNM).

2. ¿Nakú chíndeé nu̱u̱-yo ja jíni̱-yo tuʼun nda̱a̱ sɨkɨ ja ji̱ʼi̱?

Kuaʼa tuni ñayí ka yu̱ʼú-ji ja kúu̱-ji, ji suni nu̱u̱ nda ndɨyɨ. Nú maa-ní ndoʼo-ní sukua, ja kachi Biblia sɨkɨ ja ji̱ʼi̱ kuu saʼa ja koo ñaníí ini-ní. Jesús ni kachi: “De tu̱ʼun nda̱a̱ sa̱ʼá ja̱ nduu libre ro” (Juan 8:32). De siin ka steʼen nda religión, Biblia nduu steʼen-ji ja nda ñayí nevaʼa-ji ɨn anu ja nduu ji̱ʼi̱ ɨn anu ja teku ka ta ji̱ʼi̱ ɨn ñayí. Ñukua kuu ja ni ɨn ñayí nduu ndoʼo ka-ji ta ji̱ʼi̱-ji. Nda ndɨyɨ nduu na jini kuiti̱ ka, nduu kuu saʼa-ji tundoʼo nu̱u̱-yo. Ñukua kuu ja nduu jiniñuʼun ja nakuatu-yo sɨkɨ-ji ni ja saʼa-yo ni inka tiñu tágua koo yɨñuʼún yo-ji.

Sava ka ñayí ka kachi-ji ja kuu ka kaʼan-ji jín nda ñayí ni ji̱ʼi̱, de yaʼa ma kuu kuiti̱. Ta ni ndeʼe-yo, nda ndɨyɨ “nduu na jini kuiti̱ ka”. Nda ñayí ja jani ini ja kaʼan-ji jín taʼan-ji ni ji̱ʼi̱ sanaa de ka kaʼan-ji jín nda tachi xée̱n ja ka nda steʼen-ji nu̱u̱ nda ñayí ni ji̱ʼi̱. Ta jíni̱-yo ja nda̱a̱ sɨkɨ ja ji̱ʼi̱ chisa̱ʼvi-ji nu̱u̱-yo nu̱u̱ nda tachi xée̱n. Jeová kachi-Ya nu̱u̱-yo ja ma kaʼan-yo jín ñayí ni ji̱ʼi̱ chi sanaa de kaʼan-yo jín nda tachi xée̱n de yaʼa kuu ɨn ja yika xée̱n (kaʼvi-ní Deuteronomio 18:10-12, TNM).

3. Ja kuu ndija ta ji̱ʼi̱ ɨn ñayí

Nu̱u̱ níí ñuuyɨvɨ́ siin siin tuʼun ka kandija-ji sɨkɨ ja kuu ta ji̱ʼi̱ ɨn ñayí. Iyo ka̱jí, ja ma sú ndɨʼɨ tuʼun yaʼa kuu ja nda̱a̱.

• ¿Na tuʼun sɨkɨ ja ji̱ʼi̱ ka kandija ñayí nu̱u̱ ñuu ndee-ní?

 4. Tuʼun nda̱a̱ sɨkɨ ja ji̱ʼi̱ nda siáa̱ nu̱u̱-yo

Ta kutuʼva-yo tuʼun nda̱a̱ sɨkɨ ja ji̱ʼi̱, nduu ka yu̱ʼú-yo nu̱u̱ nda ñayí ni ji̱ʼi̱. Ka kaʼvi-ní Eclesiastés 9:10, TNM de ka ndatuʼun-ní sɨkɨ nda tuʼun yaʼa:

• ¿Nda ndɨyɨ a kuu saʼa-ji tundoʼo nu̱u̱-yo?

Nda tuʼun nda̱a̱ ja steʼen Biblia nu̱u̱-yo tava̱-ji nda-yo nu̱u̱ nda tuʼun túʼu̱n ja kaʼan ja kánuu saʼa ñaníí-yo ji ja chiñuʼun-yo nu̱u̱ nda ndɨyɨ. Ka kaʼvi-ní Isaías 8:19, TNM ji Apocalipsis 4:11, de ka ndatuʼun-ní sɨkɨ nda tuʼun yaʼa:

• ¿Na̱sa káʼán-ní ja kuu ini Jeová ta ɨn ñayí yɨñuʼún-ji nda ndɨyɨ axi ndukú-ji ja nda ndɨyɨ chíndeé nu̱u̱-ji?

5. Tuʼun nda̱a̱ sɨkɨ ja ji̱ʼi̱ taji tuʼun ndeé ini

Nu̱u̱ kuaʼa ñayí ka steʼen-ji, ja nu̱u̱ ka ji̱ʼi̱ ñayí, kuu ndoʼo-ji sɨkɨ tiñu ndevaʼa ja ni ka saʼa-ji ta ni ka teku-ji. De ɨn ja vaʼa kuu ja jíni̱-yo ja ni ɨn ñayí ma ndoʼo-ji ta ji̱ʼi̱-ji, ni ñayí ja ni ka saʼa nda tiñu ndevaʼa ini. Ka kaʼvi-ní Romanos 6:7 de ka nda tuʼun-ní sɨkɨ nda tuʼun yaʼa:

• Tanu kachi Biblia, ta ji̱ʼi̱ ɨn ñayí naa ndɨʼɨ kuachi-ji. Nusaá, ¿a káʼán-ní ja nda ndɨyɨ ka ndoʼo ka-ji tágua ka chunaa-ji nda kuachi ja ni ka saʼa-ji ta ni ka teku-ji?

Ta jíni̱ ka-yo nu̱u̱ Jeová, iyo ka̱jí nu̱u̱-yo ja nduu kuiti̱ saʼa-Ya ja ndoʼo nda ndɨyɨ. Ka kaʼvi-ní Deuteronomio 32:4, TNM ji 1 Juan 4:8, de ka ndatuʼun-ní sɨkɨ nda tuʼun yaʼa:

• ¿Tanu kachi nda versículo yaʼa a kuáʼa tuʼun Yandios ja ndoʼo ka ñayí ni ji̱ʼi̱?

• ¿A káʼán-ní ja tuʼun nda̱a̱ sɨkɨ ja ji̱ʼi̱ taji tuʼun ndeé ini? ¿Nakú?

 JA NI KUTUʼVA-YO

Ta ji̱ʼi̱ ɨn ñayí, naa ja teku-ji. Nda ndɨyɨ nduu ka ndoʼo kuiti̱-ji ni nduu ka saʼa-ji tundoʼo nu̱u̱ ni̱ ɨn ñayí.

Tuʼun núku̱ʼun ini

• ¿A iyo ka ja teku ta ji̱ʼi̱ ɨn ñayí?

• ¿Nakú nda siáa̱ nu̱u̱-yo ta jíni̱-yo tuʼun nda̱a̱ sɨkɨ ja ji̱ʼi̱?

• ¿Nakú taji tuʼun ndeé ini nu̱u̱-yo ta jíni̱-yo tuʼun nda̱a̱ sɨkɨ ja ji̱ʼi̱?