LECCIÓN 33
Ja ku̱ú saʼa Reino Yandios
Reino Yandios ja tatuni-ji. Jaku ka de sa̱ma tuni-ji tiñu nu̱u̱ Ñuʼun. Ná kundeʼe-yo sava nda tiñu vaʼa ja saʼa gobierno yaʼa de maa-ní ku̱ú kundetu sii ini-ní.
1. ¿Naguá ku̱ú saʼa Reino Yandios tágua koo ja mani̱ ji tiñu nda̱a̱ nu̱u̱ Ñuʼun?
Nu̱u̱ ja kana̱á Armagedón, Jesús —tanu Rey nu̱u̱ Reino Yandios— xnaa-de nda ñayí ndevaʼa ini ji nda gobierno (Apocalipsis 16:14, 16). Nu̱u̱ tiempo ñukua, tuʼun ja kaʼan ka̱jí Biblia ja̱ kenda kunda̱a̱ ndɨʼɨ-ji: “De jaku ni ka tiempo, de ja ndevaʼa ini ma koo ka” (Salmo 37:10, TNM). Jesús kuatiñu-de gobierno yaʼa, tágua saʼa-de ja koo ja mani̱ ji tiñu nda̱a̱ nu̱u̱ ndɨʼɨ Ñuʼun (kaʼvi-ní Isaías 11:4, TNM).
2. ¿Na̱sa koo ja teku ta kenda ku̱ú ja kúni Yandios nu̱u̱ Ñuʼun yaʼa?
Ta tatúni Reino Yandios, “nda ñayí nda̱a̱ ini ni̱ʼi̱n-ji ñuʼun yaʼa ku̱ú-ji de kuteku nɨkani-ji nu̱u̱ ñuʼun” (Salmo 37:29, TNM). ¡Kani xini-ní na̱sa koo ja kundee-yo ta ndɨʼɨ ñayí ndu̱u̱ vaʼa ini-ji, kutoo-ji Jeová ji kutoo taʼan-ji! ¿A ma sú ɨn ja vii tuni kuu? Ni ɨn ñayí ma kukúʼu̱ ka de ndɨʼɨ ñayí kuteku nɨkani.
3. ¿Naguá kenda saʼa Reino Yandios ta xnaa-ji nda ñayí ndevaʼa ini?
Ta xnaa-de nda ñayí ndevaʼa ini, Jesús ku̱ú-de Rey nu̱u̱ 1.000 kuiya. Nu̱u̱ tiempo ñukua, Jesús ji nda 144.000 ja tatúni jín-de ja̱ chindeé-ji nu̱u̱ ñuuyɨvɨ́ tágua stáá kuachi nda-yo de ndu̱u̱-yo ñayí ja nduu na kuachi ndíso. Ta ji̱nu tiempo ñukua, Ñuʼun ja̱ ndu̱u̱-ji ɨn ñuʼun vii tuni, de koo chitú ñayí sii tuni ini sɨkɨ ja kandija-ji nda ley maa Jeová. Ñukua de Jesús na kuáʼa-de ja tatuni nu̱u̱ ta̱tá-de, Jeová. De sɨvɨ Yandios ndu̱u̱ i̱i̱ tanu nduu kuiti̱ ni kuu sukua (Mateo 6:9, 10). Kindoo ka̱jí ja Jeová vaʼa tuni tatuni-Ya de jito-Ya ñuu-Ya. Ñukua de Jeová xnaa-Ya Tachi Juʼvi ji nda tachi xée̱n, ji suni nda ñayí ja nduniʼin ini-ji nu̱u̱ tatuni-Ya (Apocalipsis 20:7-10). Ndɨʼɨ tiñu vaʼa ja kenda saʼa Reino Yandios koo nɨkani.
NÁ KUTUʼVA KA-YO SƗKƗ TUʼUN YAʼA
Ná kundeʼe-yo nakú kuu kuʼun ini-yo ja Yandios kuatiñu-Ya Reino-Ya tágua saʼa-Ya ndɨʼɨ tuʼun ja kachi-Ya nu̱u̱ Biblia ja ku̱ú ichi nu̱u̱.
4. Reino Yandios xnaa ja tatuni nda ñayí
“Ja ñayí tatuni-ji nu̱u̱ sava ka ñayí tágua saʼa ndevaʼa-ji” (Eclesiastés 8:9, TNM). Jeová kuatiñu-Ya Reino-Ya, tágua ndasaʼa vaʼa-Ya ndɨʼɨ tiñu ja nduu iyo nda̱a̱.
Ka kaʼvi-ní Daniel 2:44, TNM ji 2 Tesalonicenses 1:6-8, de ka ndatuʼun-ní sɨkɨ nda tuʼun yaʼa:
-
¿Naguá saʼa Jeová ji seʼe yɨɨ́-Ya, Jesús, nu̱u̱ nda ñayí tatuni jín nda ja chíndeé nu̱u̱-ji?
-
¿Na̱sa ñúʼun kají ini-ní sɨkɨ ja jíni̱-ní sɨkɨ Jeová ji Jesús ja sáʼá nda̱a̱-de tiñu ji ja ma ka sáʼá siin-de ñayí?
5. Jesús kuu ɨn Rey vaʼa tuni
Tanu Rey nu̱u̱ Reino, Jesús saʼa-de kuaʼa tuni tiñu tágua koo vaʼa nda ñayí nu̱u̱ ñuʼun. Ka kundeʼe-ní VIDEO tágua núku̱ʼun ini-ní na̱sa ni steʼen Jesús ja kuu ini-de chíndeé-de nda ñayí ji ja Yandios ni jeʼe-Ya poder tágua ku̱ú saʼa-de.
Nda tiñu ja ni saʼa Jesús ta ni iyo-de nu̱u̱ Ñuʼun steʼen ja kenda saʼa Reino ichi nu̱u̱. Nda tuʼun ja kachi Biblia ja vaji yaʼa, ¿nde ɨn kuu ini-ní kúni-ní ja kunda̱a̱? Ka kaʼvi-ní ndɨʼɨ nda texto nu̱u̱ vaji nda tuʼun ja kachi yaʼa.
|
NU̱U̱ ÑUʼUN, JESÚS... |
NDE ANDƗVƗ́, JESÚS... |
|---|---|
|
|
|
|
|
|
|
|
6. Ja sɨkɨ Reino Yandios, kuu kunevaʼa-yo ja vii tuni ichi nu̱u̱
Reino saʼa ja kunda̱a̱ ndɨʼɨ ja ni kúni Jeová nde xinañuʼun ja kunevaʼa nda ñayí. Kuteku nda-ji nɨkani nu̱u̱ Ñuʼun ja ndu̱u̱ vii. Ka kundeʼe-ní VIDEO tágua ka kuni-ní na̱sa Jeová jatiñu-Ya seʼe yɨɨ́-Ya, Jesús, tágua saʼa-Ya ja kúni-Ya.
Ka kaʼvi-ní Salmo 145:16, TNM de ka ndatuʼun-ní sɨkɨ nda tuʼun yaʼa:
-
¿Na̱sa kuu ini-ní ta jíni̱-ní ja Jeová kuáʼa-Ya “ndɨʼɨ ja jiniñuʼun nda ja teku”?
JA KACHI SAVA NDA ÑAYÍ: “Nú ndɨʼɨ-yo chuʼun ini-yo ja koo inuú ini-yo, kuu ndasaʼa vaʼa-yo tundoʼo ja iyo nu̱u̱ ñuuyɨvɨ́”.
-
¿Na tundoʼo ja nduu kuu ndasaʼa vaʼa nda gobierno ñayí ku̱ú ndasaʼa vaʼa Reino Yandios?
JA NI KUTUʼVA-YO
Reino Yandios kuu kenda-ji saʼa-ji ja kúni-ji. Saʼa-ji ja ñuʼun ndu̱u̱-ji ɨn ñuʼun vii de koo chitú-ji jín ñayí vaʼa ini ja ndachiñuʼun Jeová nɨkani.
Tuʼun núku̱ʼun ini
-
¿Naguá saʼa Reino Yandios tágua ndasaʼa i̱i̱-ji sɨvɨ Jeová?
-
¿Nakú iyo kají nu̱u̱-yo ja Reino Yandios saʼa ja kunda̱a̱ nda tuʼun ja kachi Biblia?
-
Nda tiñu ja sáʼá Reino, ¿nde kuu ja kúni-ní kuni-ní?
NU̱U̱ NDANIʼI KA-NÍ TUʼUN
Kutuʼva-ní naguá kuu Armagedón.
Kutuʼva-ní ja kenda ku̱ú ta Tatúni Jesús nu̱u̱ Mil Kuiya ji ta ji̱nu ja tatúni-de.
“¿Naguá ku̱ú nu̱u̱ kɨvɨ Tuʼun xée̱n Yandios?” (La Atalaya, 1 yo̱o̱ septiembre kuiya 2012)
¿Na̱sa kuu kani xini nda ñayí veʼe ja ni̱ʼi̱n-ji ja vaʼa ja tají Reino ichi nu̱u̱?
Kaʼvi-ní tuʼun sɨkɨ ñayí “Kuaʼa tuni tuʼun ni jikatuʼun-sa maa-sa” tágua kuni-ní na̱sa ɨn teé ja ni kuu-de político ni ndaniʼi-de nda tuʼun ja ni ndukú-de.
“Tuʼun nda̱a̱ Yandios ni sa̱ma ini-ji” (La Atalaya, 1 yo̱o̱ enero kuiya 2012)
