LECCIÓN 34
¿Na̱sa kuu steʼen-yo nu̱u̱ Jeová ja kutoo yo-Ya ?
¿A iyo ñati ka-ní nu̱u̱ Yandios nde ta ni kejaʼa-ní skuaʼa-ní Biblia? ¿A taʼa̱n ini-ní ja kuu kutú ka ja kitaʼan vaʼa-ní jín-Ya? Nú sukua kuu, kunaʼán-ní ja, Jeová ndeʼe-Ya ja kutoo ní-Ya, de suni maa-Ya kutoo-Ya maa-ní ji koto Ya-ní. ¿Na̱sa kuu steʼen-ní ja kutoo ní-Ya?
1. ¿Na̱sa steʼen-yo nu̱u̱ Jeová ja kutoo yo-Ya?
Ta kandija-yo nu̱u̱-Ya, steʼen-yo ja kutoo yo-Ya (kaʼvi-ní 1 Juan 5:3). De maa-Ya nduu tetúu-Ya ni ɨn ñayí ja kandija-ji nu̱u̱-Ya. Chi sa, jeʼe-Ya tuʼun nu̱u̱-yo ja ka̱ji-yo ja saʼa-yo ja vaʼa axi nduu. ¿Nakú? Chi Jeová kachi-Ya “jonde̱ jíín ini̱ jíín áno̱ ro ni̱ jetáʼví ro” (Romanos 6:17). Yaʼa kúni kaʼan, ja maa-Ya kúni-Ya ja kandija-ní nu̱u̱-Ya, de ma sú ja tetúu Ya-ní, chi sɨkɨ ja kutoo ní-Ya. Ja kutuʼva-ní nu̱u̱ nda sección 3 ji 4 nu̱u̱ libro yaʼa kuu chíndeé-ji nu̱u̱-ní ja steʼen-ní uu tiñu ja kutoo-ní Jeová: ja saʼa-ní ja taʼa̱n ini-Ya ji ja ma saʼa-ní ja nduu taʼa̱n ini-Ya.
2. ¿Nakú víjin kuu ja steʼen-yo ja kutoo-yo Jeová?
“Kuaʼa tuni tundoʼo iyo nu̱u̱ ñayí nda̱a̱ ini” (Salmo 34:19, TNM). Ndɨʼɨ-yo kana̱á jín kuachi-yo. De, suni, iyo kɨvɨ ja nevaʼa-yo tundoʼo sɨkɨ xu̱ʼún, tiñu nduu iyo nda̱a̱ ji sava ka tundoʼo. Ta iyo tundoʼo víjin nu̱u̱-yo, ñukua saʼa ja víjin kuu ja saʼa-yo tiñu ja taʼa̱n ini Jeová. De sanaa ñama̱ ka kuu ja ma kandija-yo nu̱u̱-Ya. De, ta chuʼun ini-ní ja saʼa-ní ja jikan Jeová nu̱u̱-ní, steʼen-ní ja kutoo ní-Ya sɨkɨ ndɨʼɨ tiñu. Ji suni steʼen-ní ja iñi tu̱u̱n-ní nu̱u̱-Ya. De, suni maa-Ya koo tu̱u̱n-Ya jín-ní de ma sndoo̱ kuiti̱ Ya-ní (kaʼvi-ní Salmo 4:3, TNM).
NÁ KUTUʼVA KA-YO SƗKƗ TUʼUN YAʼA
Ná kundeʼe-yo nakú kánuu nu̱u̱ Jeová ja kandija-yo nu̱u̱-Ya de naguá chíndeé nu̱u̱-yo tágua niini kuiñi tu̱u̱n-yo nu̱u̱-Ya.
3. Ɨn tiñu ja yitaʼan jín maa-ní
Tanu kachi tuʼun nakani sɨkɨ Job, Tachi Juʼvi ni kaʼan-ji ɨn tuʼun túʼu̱n, de ma sú ni kaʼan-ji sɨkɨ matuʼun ni̱ Job, chi suni sɨkɨ ndɨʼɨ ñayí ja kúni-ji chiñuʼun-ji nu̱u̱ Jeová. Ka kaʼvi-ní Job 1:1 ji 1:6-2:10, TNM de ka ndatuʼun-ní sɨkɨ nda tuʼun yaʼa:
-
Ta ni kachi Tachi Juʼvi, ¿nakú ni kandija Job nu̱u̱ Jeová? (Ka kundeʼe-ní Job 1:9-11, TNM).
-
¿Na tuʼun kaʼan Tachi Juʼvi sɨkɨ ndɨʼɨ ñayí, de suni sɨkɨ maa-ní? (Ka kundeʼe-ní Job 2:4, TNM).
Ka kaʼvi-ní Job 27:5b, TNM de ka ndatuʼun-ní sɨkɨ nda tuʼun yaʼa:
-
¿Na̱sa ni steʼen Job ja ni kutoo ndija-de Jeová?
4. Saʼa sii-ní anu Jeová
Ka kaʼvi-ní Proverbios 27:11, TNM de ka ndatuʼun-ní sɨkɨ nda tuʼun yaʼa:
-
¿Na̱sa kuu ini Jeová ta kandija-ní ji ka̱ji vaʼa-ní ja saʼa-ní? ¿Nakú?
5. Maa-ní kuu kuiñi tu̱u̱n-ní nu̱u̱ Jeová
Ja kutoo-yo nu̱u̱ Jeová skanda ini-yo tágua kaʼan-yo jín nda ñayí sɨkɨ maa-Ya. De ja iñi tu̱u̱n-yo nu̱u̱-Ya skanda ini-yo tágua saʼa-yo sukua vese víjin tuni kuu. Ka kundeʼe-ní VIDEO de ka ndatuʼun-ní sɨkɨ nda tuʼun yaʼa:
-
¿A víjin kuu nu̱u̱-ní ja kaʼan-ní sɨkɨ Jeová?
-
Tanu ni steʼen video, ¿na̱sa ni kundeé Grayson nu̱u̱ nda ja yu̱ʼú-de?
Nduu víjin kuu ja kuiñi tu̱u̱n-yo nu̱u̱ Jeová ta kutoo-yo nda ja kutoo maa-Ya de ndeʼe juʼvi-yo nda ja ndeʼe juʼvi maa-Ya. Ka kaʼvi-ní Salmo 97:10, TNM de ka ndatuʼun-ní sɨkɨ nda tuʼun yaʼa:
-
Ta tíin kuenta-ní nda ja ni kutuʼva-ní nde kɨvɨ mita, ¿nde kuu nda tiñu ja kutoo Jeová? ¿Ji nde kuu sava tiñu ja ndeʼe juʼvi-Ya?
-
¿Na̱sa kuu kutuʼva-ní kutoo-ní nda ja vaʼa ji kundeʼe juʼvi-ní nda tiñu xée̱n?
6. Ta kandija-yo nu̱u̱ Jeová saʼa vaʼa-ji nu̱u̱-yo
Ta kandija-yo nu̱u̱ Jeová niini kuu ja vaʼa ka. Ka kaʼvi-ní Isaías 48:17, 18, TNM de ka ndatuʼun-ní sɨkɨ nda tuʼun yaʼa:
-
¿A káʼán-ní ja Jeová jíni̱ ndija-Ya naguá kuu ja vaʼa ka nu̱u̱-yo? ¿Nakú jani ini-ní sukua?
-
¿Na̱sa ni chindeé nu̱u̱-ní nde kɨvɨ mita ja kaʼvi-ní Biblia ji ja ni jini vaʼa ka-ní Jeová, Yandios nda̱a̱?
JA KACHI SAVA NDA ÑAYÍ: “Yandios nduu ndɨʼvɨ ini-Ya tiñu ja saʼa-sa”.
-
¿Na texto Biblia kuu kuatiñu-ní tágua steʼen-ní ja nda tiñu saʼa-yo saʼa sii ini axi saʼa ja kukuéká ini Jeová?
JA NI KUTUʼVA-YO
Steʼen-ní ja kutoo-ní Jeová ta kandija-ní nu̱u̱-Ya de iñi tu̱u̱n-ní nu̱u̱-Ya vese iyo kuaʼa tundoʼo.
Tuʼun núku̱ʼun ini
-
¿Naguá steʼen nu̱u̱-ní ejemplo Job?
-
¿Na̱sa steʼen-ní ja kutoo-ní Jeová?
-
¿Naguá chíndeé nu̱u̱-ní tágua kuiñi tu̱u̱n-ní nu̱u̱ Jeová?
NU̱U̱ NDANIʼI KA-NÍ TUʼUN
Kutuʼva-ní na̱sa kuiñi tu̱u̱n-ní nu̱u̱ Jeová ji nu̱u̱ congregación.
“Jín ñayí ja iñi tu̱u̱n nu̱u̱-ro maa-ro kuiñi tu̱u̱n-ro nu̱u̱-ji” (16:49)
Kutuʼva ka-ní sɨkɨ tuʼun túʼu̱n ja ni kaʼan Tachi Juʼvi.
Kundeʼe-ní ja suni nda suchí luli kuu ka steʼen-ji ja ka kutoo-ji Jeová.
¿Na̱sa kuu ka kuiñi tu̱u̱n nda suchí kua̱chi nu̱u̱ Yandios ta sava ka suchí skaʼan nu̱u̱-ji?