Ndɨʼɨ nda ñayí ka kúni-ji ka kunevaʼa-ji amigo ja ka kuu ñayí nda̱a̱ ini, de Jeová ndetu-Ya ja nda amigo-Ya suni sukua ka saʼa-ji. De víjin kuu ja kuu-yo ɨn ñayí nda̱a̱ ini nu̱u̱ ɨn ñuuyɨvɨ́ ja nda ñayí stáʼvi nu̱u̱ taʼan-ji. ¿A níʼi̱n-yo ja vaʼa nú kuu-yo ɨn ñayí nda̱a̱ ini? ¿Nde kuu?

1. ¿Nakú kánuu tuni ja kuu-yo ñayí nda̱a̱ ini?

Ta kuu-yo ñayí nda̱a̱ ini, steʼen-yo ja kutoo-yo Jeová de iyo yɨñuʼún-yo nu̱u̱-Ya. Ná núku̱ʼun ini-yo ja Jeová jíni̱ ndɨʼɨ-Ya ja jani xini-yo jín ja saʼa-yo (Hebreos 4:13). Ndeʼe-Ya ta kuu-yo ɨn ñayí nda̱a̱ ini, de teya̱ʼvi tuni-Ya. Nu̱u̱ Tuʼun-Ya kachi: “Jeová ndeʼe juʼvi-Ya nu̱u̱ nda ñayí ja néʼén ini, de kitaʼan vaʼa-Ya jín nda ñayí nda̱a̱ ini” (Proverbios 3:32, TNM).

2. ¿Na sɨkɨ nde tiñu jiniñuʼun kuu-yo ñayí nda̱a̱ ini kɨvɨ ji kɨvɨ?

Ta saʼa-yo ja kachi Jeová “ka kaʼan nda̱a̱ nu̱u̱ taʼan-ro” (Zacarías 8:16, 17, TNM). ¿Naguá kúni kaʼan ja yaʼa? Ja nduu kaʼan-yo tuʼun túʼu̱n ni ma stáʼvi-yo nu̱u̱ ñayí veʼe-yo ni nu̱u̱ nda ñayí satiñu jín-yo ni nu̱u̱ nda ñani̱-yo ji kuáʼa-yo nu̱u̱ congregación ni nu̱u̱ nda teé ka ndíso tiñu. Nda ñayí nda̱a̱ ini nduu ka sakuíʼná-ji ni nduu chuʼu̱-ji xu̱ʼún (kaʼvi-ní Proverbios 24:28, TNM ji Efesios 4:28). De suni, ka chunaa-ji xu̱ʼún nu̱u̱ nda teé ka ndíso tiñu (Romanos 13:5-7). Nu̱u̱ ndɨʼɨ tiñu yaʼa ji nu̱u̱ inka, “Chi cúni̱ ndá ni̱ caca yíñúʼún ni̱ jíín nda̱cá tiñu” (Hebreos 13:18).

3. ¿Na ja vaʼa níʼi̱n-yo ta kuu-yo ɨn ñayí nda̱a̱ ini?

Ta ka jíni̱ nda-ji ja kuu-yo ɨn nayí nda̱a̱ ini, ka jakuʼun ka ini-ji nu̱u̱-yo. De suni, chíndeé-yo ja kuʼun ini nu̱u̱ taʼan-yo nu̱u̱ congregación, tanu kuu ɨn ñayí veʼe. De suni iyo sii ini-yo ja iyo vaʼa janduni-yo. Ta kuu-yo ñayí nda̱a̱ ini steʼen-yo, ja̱ vii̱ ndasí “cúu tu̱ʼun ja̱ stéʼe̱n si̱qui̱ Ya̱a̱ Dios, Ya̱a̱ ja̱ scácu yóʼó”, de kuu saʼa-yo ja inka ñayí ka kúni-ji satiñu-ji nu̱u̱ Jeová (Tito 2:10).

 NÁ KUTUʼVA KA-YO SƗKƗ TUʼUN YAʼA

5. Nɨkani ná kuu-yo ñayí nda̱a̱ ini

 6. Ta kuu-yo ñayí nda̱a̱ ini níʼi̱n-yo ja vaʼa

Vese kuu-yo ñayí nda̱a̱ ini suni koo tundoʼo nu̱u̱-yo, vese sukua kuu yaʼa kuu ɨn ja vaʼa ka. Ka kaʼvi-ní Salmo 34:12-16, TNM de ka ndatuʼun-ní sɨkɨ nda tuʼun yaʼa:

• ¿Na̱sa kundee vaʼa ka-yo nú kuu-yo ɨn ñayí nda̱a̱ ini?

1. Ta ɨn yɨɨ́ ji ñasɨʼɨ ka iyo nda̱a̱ ini-ji, vaʼa tuni ka kundee-ji.

2. Ta teé ka satiñu ka saʼa nda̱a̱-de tiñu, kuu ka kitaʼan vaʼa ka-de jín teé ja yosonu̱ú nu̱u̱ satiñu-de.

3. Ta nda ñayí ɨn ñuu ka saʼa nda̱a̱-de tiñu, ka kindoo vaʼa-de nu̱u̱ nda ñayí ka tatuni.

 JA NI KUTUʼVA-YO

Jeová ndetu-Ya ja ñayí kitaʼan jín-Ya ka kuu-ji ñayí nda̱a̱ ini nu̱u̱ ndɨʼɨ tuʼun ja kaʼan-ji ji ja saʼa-ji.

Tuʼun núku̱ʼun ini

• ¿Na sɨkɨ tiñu kuu-yo ñayí nda̱a̱ ini?

• ¿Nakú nduu iyo vaʼa ja jani ini-yo ja kuu chuʼu̱-yo tuʼun nda̱a̱?

• ¿Na sɨkɨ kuu ja kuu kuu-ní ñayí nda̱a̱ ini nɨkani?