Jeová kúni-Ya ja kusii ini-yo ja teku-yo de kuu saʼa-yo ɨn viko nú kúni-yo. ¿A taʼa̱n ini Yandios ndɨʼɨ nda viko ja ka saʼa nda ñayí? ¿Na̱sa kuu steʼen-yo ja kutoo yo-Ya ji ja ndɨʼvɨ ini-yo na̱sa kuu ini-Ya?

1. ¿Nakú nduu jetaʼvi Jeová kuaʼa nda viko?

Sanaa saʼvi ini-ní kuni-ní ja kuaʼa nda viko vaji nu̱u̱ tuʼun túʼu̱n axi nduu vaji nu̱u̱ Biblia. Chi kuaʼa nda viko yaʼa vaji nu̱u̱ nda religión túʼu̱n, de yitaʼan jín tiñu ja iyo nu̱u̱ nee axi steʼen-ji ja anu ñayí nduu ji̱ʼi̱. Suni, sava nda tuʼun ja kandija nda ñayí vaji nu̱u̱ tiñu ja iyo nu̱u̱ nee ji nda tuʼun ja yitaʼan jín suerte (Isaías 65:11, TNM). Ja ñukua kuu ja Jeová kachi-Ya: “Sa̱ʼá síín ro maá ro [...] De ma̱ ti̱ín ro nda̱cá ja̱á nduú nda̱a̱” (2 Corintios 6:17). a

2. ¿Naguá jani ini Jeová sɨkɨ nda viko ja yɨñuʼún tuni nu̱u̱ nda ñayí?

Jeová kachi-Ya nu̱u̱-yo ja ma saʼa-yo tanu saʼa nda ñayí ja “kandija nu̱u̱ nda teé”, chi ñukua kuu stáʼvi nu̱u̱-yo (kaʼvi-ní Jeremías 17:5, TNM). Sava nda viko kuu ja sɨkɨ nda teé tatuni axi ja sɨkɨ nda teé ja ka nama-de ñuu-de. Nu̱u̱ inka ka viko ka ndachiñuʼun nda símbolo patrio axi ka saʼa viko ja sɨkɨ ja ni kusíín ɨn ñuu (1 Juan 5:21). Ji suni iyo nda ja ka steʼen na̱sa ka jani ini sɨkɨ política axi ja ka nama sɨkɨ tuʼun ja ka kandija. Nú yɨñuʼún tuni-yo nu̱u̱ ɨn ñayí axi nu̱u̱ ɨn organización—viʼi ka nú ka steʼen nda tuʼun ja nduu kitaʼan jín ja kúni Yandios saʼa-Ya—, ¿na̱sa jani ini maa-ní ja kuu ini-Ya?

3. ¿Naguá kuu saʼa ñayí nu̱u̱ ɨn viko ja steʼen ja nduu kuu ɨn ja iyo vaʼa?

Biblia nduu jetaʼvi ja “ji̱ni”, nda “vico néʼén” ji ja “jiʼi ndasí” (1 Pedro 4:3). Nu̱u̱ sava nda viko, nda ñayí nduu ka saʼa-ji ja vaʼa de ka saʼa-ji tiñu téʼén. Nú kúni-yo kitaʼan vaʼa-yo jín Jeová, kánuu ja kuji̱ka-yo nu̱u̱ nda ñayí ja ka saʼa tiñu téʼén.

 NÁ KUTUʼVA KA-YO SƗKƗ TUʼUN YAʼA

 5. Chuʼun ini-ní saʼa-ní ja vaʼa tágua nda ñayí koo yɨñuʼún-ji nu̱u̱ nda ja kandija-ní

6. Jeová kúni-Ya ja koo sii ini-yo

Jeová taʼa̱n ini-Ya ja koo sii ini-yo jín nda taʼan veʼe-yo jín nda ñayí ja kitaʼan jín-yo. Ka kaʼvi-ní Eclesiastés 8:15, TNM de ka ndatuʼun-ní sɨkɨ nda tuʼun yaʼa:

• ¿Na̱sa steʼen versículo yaʼa ja Jeová kúni-Ya ja kundee sii ini-yo?

Jeová suni kúni-Ya ja nda ñayí ja satiñu nu̱u̱-Ya koo sii ini-ji jín nda ñani̱-ji ji nda kuáʼa-ji. Ka kundeʼe-ní VIDEO tágua kuni-ní ja sukua kuu nu̱u̱ nda asamblea internacional.

Ka kaʼvi-ní Gálatas 6:10 de ka ndatuʼun-ní sɨkɨ nda tuʼun yaʼa:

• ¿A jiniñuʼun ja saʼa-yo sava nda viko tágua kuáʼa-yo ja vaʼa nu̱u̱ sava ka ñayí?

• ¿Na̱sa taʼa̱n ini-ní kunimani̱-ní ɨn ndatiñu: ja jinimani̱ nu̱u̱ ɨn kɨvɨ kánuu, axi ja jinimani̱ ta kee nde ini anu-yo?

• Kuaʼa nda Testigo suni ka ndutútú-de jín nda seʼe-de, ji nde ka skutaʼvi-de ɨn ndatiñu vaʼa nu̱u̱ nda-ji. Nú iyo seʼe-ní, ¿na tiñu vaʼa kúni-ní saʼa-ní nu̱u̱ nda-ji?

 JA NI KUTUʼVA-YO

Jeová kúni-Ya ja kusii ini-yo jín nda taʼan veʼe-yo ji ñayí ja kitaʼan jín-yo, de nduu kúni-Ya ja saʼa-yo nda viko ja nduu jetaʼvi-Ya.

Tuʼun núku̱ʼun ini

• ¿Na tuʼun kuu katuʼun-yo maa-yo tágua kuni-yo nú Jeová jetaʼvi-Ya ɨn viko?

• ¿Na̱sa kuu chíndeé-yo nu̱u̱ nda taʼan veʼe-yo ji nayí kitaʼan jín-yo tágua kuni-ji na̱sa jani ini-yo sɨkɨ nda viko?

• ¿Na̱sa jíni̱-yo ja Jeová kúni-Ya ja koo sii ini-yo?