LECCIÓN 47

¿A iyo tuʼva-ní tágua kuanduté-ní?

REPRODUCIR EN

Sɨkɨ ja kaʼvi-ní Biblia, ja ni kutuʼva vaʼa-ní sɨkɨ Jeová. Ji, sanaa ja ni sa̱ma-ní sava nda tiñu ja saʼa-ní ja sɨkɨ ja ni kutuʼva-ní. De sanaa iyo ɨn ja jási̱ nu̱u̱-ní tágua nakuáʼa-ní maa-ní nu̱u̱ Jeová ji kuanduté-ní. Nu̱u̱ lección yaʼa steʼen nda tundoʼo ja ni kundeé nda ñayí ja skuaʼa Tuʼun Yandios tágua kuu kuanduté-ji de kutuʼva-ní na̱sa kuu saʼa-ní sukua.

1. ¿Nasaa jiniñuʼun kuni-ní sɨkɨ Biblia tágua kuu kuanduté-ní?

Tágua kuu kuanduté ɨn ñayí, jiniñuʼun “cuni̱ ji na̱sa íyó tu̱ʼun nda̱a̱ ya̱” (1 Timoteo 2:4). Yaʼa nduu kúni kaʼan ja jiniñuʼun kuni ndɨʼɨ-ní nda tuʼun ja kachi nu̱u̱ Biblia ta ka jikatuʼun nda ñayí nu̱u̱-ní. Nde nda cristiano ja iyo kuaʼa kuiya ja ni ka janduté-de jiniñuʼun ja ka kutuʼva ka-de (Colosenses 1:9, 10). De iyo ɨn tuʼun ja jiniñuʼun jakuʼun ini-ní: nda tuʼun kánuu ja kachi nu̱u̱ Biblia. Nda anciano congregación chíndeé-de nu̱u̱-ní de kuni-ní nú ja ni kutuʼva vaʼa-ní sɨkɨ Tuʼun Yandios.

2. ¿Naguá jiniñuʼun saʼa-ní tágua kuu kuanduté-ní?

Biblia kachi: “Nacani ini̱ ndá ní ja̱ sndóo ní cua̱chi ní” (kaʼvi-ní Hechos 3:19). De yaʼa jiniñuʼun saʼa-ní ta nchaʼa kuanduté-ní. De ¿naguá kúni kaʼan? Yaʼa kúni kaʼan ja kukuéká tuni ini-ní sɨkɨ nda kuachi ja ni saʼa-ní de jikan-ní nu̱u̱ Jeová ja kunee kaʼnu ini-Ya nu̱u̱-ní. Suni kúni kaʼan ja natundaʼá-ní naani tiñu kuéʼé de ka̱ji-ní kundee-ní tanu kúni maa Yandios. Ji suni, kejaʼa-ní kuu-ní ɨn ñayí ja satiñu nu̱u̱ congregación de ndutútú-ní nu̱u̱ nda reunión ji steʼen-ní Tuʼun Yandios tanu ɨn publicador ja ta nchaʼa kuanduté.

3. ¿Nakú jiniñuʼun ja ma kuyu̱ʼú-ní kuanduté-ní?

Sava nda ñayí ka yu̱ʼú-ji ja ma kuu ka saʼa-ji ndɨʼɨ nda tuʼun ja ni kachi-ji nu̱u̱ Jeová. Ja nda̱a̱, koo ji̱chi ja saʼa-ní kuachi, tanu ni ka ndoʼo nda teé jíi ñaʼan ja nakani nu̱u̱ Biblia. De kunaʼán-ní ja Jeová nduu ndetu-Ya ja saʼa nda̱a̱-ní ndɨʼɨ tiñu (kaʼvi-ní Salmo 103:13, 14, TNM). De maa-Ya koo sii ini-Ya nú chuʼun ini-ní saʼa-ní ndɨʼɨ ja vaʼa. Suni, Jeová chíndeé-Ya maa-ní. Chi nu̱u̱ Tuʼun-Ya, kachi “ja̱á nduú ni iin cuu tava̱ yóʼó nu̱u̱ tu̱ʼun cúndáʼví ini̱ Ya̱a̱ Dios” (kaʼvi-ní Romanos 8:38, 39).

NÁ KUTUʼVA KA-YO SƗKƗ TUʼUN YAʼA

Ná kundeʼe-yo uu tuʼun ja saʼa ja kundeé-ní nu̱u̱ tundoʼo ja jási̱ tágua kuu kuanduté-ní: ja kuni vaʼa ka-ní sɨkɨ Jeová ji kuataʼvi-ní ja chíndeé-Ya nu̱u̱-ní.

4. Kuni vaʼa ka-ní Jeová

¿Nasaa jiniñuʼun kuni-ní sɨkɨJeová de kuu kuanduté-ní? Jiniñuʼun kuni vaʼa-ní sɨkɨ Jeová tágua kutoo tuni-ní nu̱u̱-Ya de kúni-ní kandija-ní nu̱u̱-Ya. Ka kundeʼe-ní VIDEO tágua kuni-ní na̱sa ni ka saʼa nda ñayí ja kaʼvi Tuʼun Yandios nu̱u̱ níí ñuuyɨvɨ́. Ñukua de ka ndatuʼun-ní sɨkɨ nda tuʼun yaʼa:

VIDEO: Ichi ja kuanduté (3:56)

Tanu kachi nu̱u̱ video, ¿naguá ni chindeé nu̱u̱ nda ñayí kaʼvi Tuʼun Yandios tágua ka koo tuʼva-ji de kuanduté-ji?

Ka kaʼvi-ní Romanos 12:2 de ka ndatuʼun-ní sɨkɨ nda tuʼun yaʼa:

¿A jani uu ini-ní sɨkɨ tuʼun ja steʼen Biblia? ¿A káʼán-ní ja nda testigo Jeová ka steʼen-de tuʼun nda̱a̱?
Nú jani uu ini-ní, ¿naguá kuu saʼa-ní?

5. Kundeé-ní nu̱u̱ nda tiñu ja jási̱ nu̱u̱-ní

Ndɨʼɨ-yo nevaʼa tundoʼo ta ka̱ji-yo nakuáʼa-yo maa-yo nu̱u̱ Jeová ji kuanduté-yo. Tágua kuni-ní ja ni ndoʼo ɨn ñayí, ka kundeʼe-ní VIDEO. Ñukua de ka ndatuʼun-ní sɨkɨ nda tuʼun yaʼa:

VIDEO: Ja kutoo-yo Jeová saʼa ja kundeé-yo nu̱u̱ tundoʼo (5:22)

¿Na nu̱u̱ tundoʼo ni kundeé Narangerel tágua kuu satiñu-ña nu̱u̱ Jeová?
¿Na̱sa ni chindeé ja kutoo-ña nu̱u̱ Jeová tágua kundeé-ña nu̱u̱ tundoʼo?

Ka kaʼvi-ní Proverbios 29:25, TNM ji 2 Timoteo 1:7, de ka ndatuʼun-ní sɨkɨ nda tuʼun yaʼa:

¿Ndenu tava̱-yo ja ndakui ja jiniñuʼun-yo tágua kundeé-yo nu̱u̱ tundoʼo?

6. Kuʼun ini-ní ja Jeová chindeé-Ya nu̱u̱-ní

Jeová chindeé-Ya nu̱u̱-ní tágua saʼa-ní ja kúni maa-Ya. Ka kundeʼe-ní VIDEO de ka ndatuʼun-ní sɨkɨ nda tuʼun yaʼa:

VIDEO: Jeová chindeé-Ya ndóʼó (2:50)

¿Nakú ni yu̱ʼú teé ja ni kee nu̱u̱ video ja kuanduté-de?
¿Naguá kuu ja ni chindeé nu̱u̱-de tágua kuʼun ka ini-de nu̱u̱ Jeová?

Ka kaʼvi-ní Isaías 41:10, 13, TNM de ka ndatuʼun-ní sɨkɨ nda tuʼun yaʼa:

¿Nakú kuu kuʼun kají ini-ní ja ku̱ú saʼa-ní ja ni kachi-ní ta ni nakuáʼa-ní maa-ní nu̱u̱ Yandios?

7. Nakuetaʼvi tuni-ní sɨkɨ ja Jeová kutoo-Ya maa-ní

Ta jani xini-ní sɨkɨ ja Jeová kutoo tuni-Ya maa-ní, nakuetaʼvi tuni-ní nu̱u̱-Ya de kúni ka-ní satiñu-ní nu̱u̱-Ya nɨkani. Ka kaʼvi-ní Salmo 40:5, TNM de ka ndatuʼun-ní sɨkɨ nda tuʼun yaʼa:

¿Na ndatiñu ja ni jinimani̱ Jeová teya̱ʼvi ka-ní?

Profeta Jeremías ni kutoo tuni-de Jeová ji Tuʼun-Ya, de ni teya̱ʼvi tuni-de ja ni ndíso-de sɨvɨ Yandios. Maa-de ni kachi: “De nda tuʼun-ro ni saʼa vaʼa ji ni saʼa sii anu-ni, chi maa-ni ndíso sɨvɨ-ro, Jeová Yandios” (Jeremías 15:16, TNM). Mita xndikó-ní nda tuʼun yaʼa: