LECCIÓN 53
Saʼa-ní ja taʼa̱n ini Jeová nu̱u̱ tiñu ja kusii ini-ní saʼa-ní
Jeová kuu Yandios “ñáʼnú ndasí” (1 Timoteo 1:11). Maa-Ya kúni-Ya ja koo sii ini-yo jín ndɨʼɨ tiñu ja saʼa-yo. De suni taʼa̱n ini-Ya ja tava̱-yo tiempo tágua ndata̱tú-yo nu̱u̱ nda tiñu ja saʼa-yo. Nu̱u̱ lección yaʼa, kutuʼva-yo na̱sa kuu kuatiñu vaʼa-yo tiempo-yo tágua koo sii ini-yo ji ndu̱u̱ ndakui ini-yo, ji suni saʼa-yo ja taʼa̱n ini Jeová.
1. ¿Naguá jiniñuʼun ja tíin kuenta-yo ta ka̱ji-yo ɨn tiñu ja taʼa̱n ini-yo saʼa-yo?
¿Naguá taʼa̱n ini-ní saʼa-ní tágua ndata̱tú-ní nu̱u̱ nda tiñu? Iyo sava nda ñayí ja taʼa̱n ini-ji kindoo-ji veʼe-ji de ka kaʼvi-ji ɨn libro, ka kunini-ji yaa̱, ka ndeʼe-ji película axi ka kɨ̱́vɨ-ji nu̱u̱ internet. Sava-ji ka taʼa̱n ini-ji koo-ji jín nda amigo-ji, tágua ka kaka-ji ɨn núnúú, ka sute-ji nu̱u̱ ndute axi kasíkí-ji. Vese siin siin ja taʼa̱n ini-yo, jiniñuʼun ja ka̱ji vaʼa-yo nda “tiñu ja̱ jétaʼa̱n ini̱ maá Je̱toʼo̱ o̱” (Efesios 5:10). Kánuu ja jakuʼun vaʼa ini-yo. ¿Nakú? Chi kuaʼa tiñu ja taʼa̱n ini nda ñayí ka kuu tiñu ja nduu taʼa̱n ini Jeová, tanu kuu ja ka kana̱á, nda tiñu ndii̱ axi tiñu ja iyo nu̱u̱ nee (kaʼvi-ní Salmo 11:5, TNM). ¿Naguá ku̱ú chindeé nu̱u̱-yo tágua ka̱ji vaʼa-yo ja saʼa-yo?
Nú ka̱ji-yo nda amigo ja ka kutoo-ji Jeová, kuu chíndeé-ji nu̱u̱-yo tágua ka̱ji vaʼa-yo nda tiñu ja taʼa̱n ini-yo saʼa-yo axi kusíkí-yo. Tanu ni kutuʼva-yo nu̱u̱ lección 48, “ñayí kitaʼan jín ñayí ja jani vaʼa ini ku̱ú kani vaʼa ini-ji”. De inka kuu ja, nú ɨn ñayí taʼa̱n ini-ji kitaʼan-ji jín nda ñayí ja nduu ka kandija-ji nda tuʼun ja tetiñu Jeová “kundoʼo-ji tundoʼo” (Proverbios 13:20, TNM).
2. ¿Nakú kánuu ja kani̱-yo nasaa tiempo kuatiñu-yo nu̱u̱ nda tiñu ja taʼa̱n ini-yo saʼa-yo axi ja kasíkí-yo?
Vese nda tiñu ja kasíkí-yo ji ja saʼa sii ini-yo ka kuu ɨn ja vaʼa, jiniñuʼun ja ma kuatiñu-yo kuaʼa tuni tiempo nu̱u̱ nda tiñu yaʼa. Chi, nú saʼa-yo sukua, ma kunevaʼa-yo tiempo tágua saʼa-yo nda tiñu ja kánuu ka. Biblia kachi “ma̱ snáa̱ ro tiempo, chi cundiʼvi̱ ini̱ ro jíín tiñu ya̱” (kaʼvi-ní Efesios 5:15, 16).
NÁ KUTUʼVA KA-YO SƗKƗ TUʼUN YAʼA
Ná kundeʼe-yo naguá kuu saʼa-ní tágua ka̱ji vaʼa-ní nda tiñu ja kusii ini-ní saʼa-ní.
3. Kuji̱ka-ní nu̱u̱ nda tiñu ja stíví
¿Nakú kánuu ka̱ji vaʼa-yo nda tiñu ja kusii ini-yo saʼa-yo? Ka kundeʼe-ní VIDEO de ka ndatuʼun-ní sɨkɨ nda tuʼun yaʼa:
-
¿Na̱sa yitaʼan ja ni ka kana̱á nda gladiador kɨvɨ ichi yáta̱ ji ja ka kasíkí kɨvɨ mita?
-
Tanu ni kee nu̱u̱ video, ¿naguá ni kutuʼva Danny sɨkɨ ja kasíkí-ji?
Ka kaʼvi-ní Romanos 12:9 de ka ndatuʼun-ní sɨkɨ nda tuʼun yaʼa:
-
¿Na̱sa chíndeé versículo yaʼa nu̱u̱-yo tágua ka̱ji vaʼa-yo nda tiñu ja kusii ini-yo saʼa-yo?
¿Nde kuu sava nda tiñu ja ndeʼe juʼvi Jeová? Ka kaʼvi-ní Proverbios 6:16, 17, TNM ji Gálatas 5:19-21. Ta jinú ja ka kaʼvi-ní nda texto, ka ndatuʼun-ní sɨkɨ nda tuʼun yaʼa:
-
Nu̱u̱ ndɨʼɨ nda tiñu ja kachi nu̱u̱ texto yaʼa, ¿nde ka kuu ja káʼán-ní ja ka kasíkí tuni ka kɨvɨ mita?
Na̱sa ka̱ji vaʼa-yo nda tiñu ja kusii ini-yo saʼa-yo
Katuʼun-ní maa-ní:
-
¿Naguá kuu? ¿A kuu ɨn ja ndeʼe juʼvi Jeová?
-
¿Na hora? ¿A kitaʼan hora ñukua jín ɨn tiñu kánuu ka?
-
¿Jín nde ɨn? ¿A kitaʼan-sa axi ya̱ʼa-sa kuaʼa tiempo jín nda ñayí ja nduu ka kutoo Jeová?
Tágua kuu ka̱ku-yo jiniñuʼun ja kuji̱ka-yo nu̱u̱ nda tiñu ja nduu iyo vaʼa. Ja ñukua kuu ja jiniñuʼun kuji̱ka-yo nu̱u̱ nda ja kasíkí ja jani xini-yo ja sanaa stíví nu̱u̱-yo.
4. Kuatiñu vaʼa-ní tiempo-ní
Ka kundeʼe-ní VIDEO de ka ndatuʼun-ní sɨkɨ nda tuʼun yaʼa:
-
Vese ñani̱ ja ni kee nu̱u̱ video nduu ni saʼa-ji ɨn ja ndevaʼa, ¿naguá nduu ni saʼa-ji sɨkɨ ja nduu ni jatiñu vaʼa-ji tiempo-ji?
Ka kaʼvi-ní Filipenses 1:10 de ka ndatuʼun-ní sɨkɨ nda tuʼun yaʼa:
-
¿Na̱sa kuu chíndeé versículo yaʼa nu̱u̱-yo ta ka̱ji-yo nasaa tiempo kuatiñu-yo nu̱u̱ nda tiñu ja taʼa̱n ini-yo saʼa-yo?
5. Ka̱ji-ní tiñu ja iyo vaʼa ja kusii ini-ní saʼa-ní
Ja nda̱a̱ kuu ja Jeová nduu taʼa̱n ini-Ya sava nda tiñu ja kusii ini ñayí saʼa-ji, de suni iyo kuaʼa tuni tiñu ja taʼa̱n ini-Ya, de nda-yo suni kuu kusii ini-yo saʼa-yo. Ka kaʼvi-ní Eclesiastés 8:15, TNM ji Filipenses 4:8, de ka ndatuʼun-ní sɨkɨ nda tuʼun yaʼa:
-
¿De maa-ní na tiñu vaʼa taʼa̱n ini-ní saʼa-ní?
Kuu kasíkí-yo ji kuu kusii ini-yo jín nda tiñu ja iyo vaʼa.
JA KACHI SAVA NDA ÑAYÍ: “¿A ja ndevaʼa ndija kuu nda tiñu ja yitaʼan jín ja iyo nu̱u̱ nee, ja kana̱á axi sexo? ¡Nú saʼa-yo ja ñukua kuu ja nduu iyo vaʼa!”.
-
¿Naguá kachi-ní?
JA NI KUTUʼVA-YO
Jeová kúni-Ya ja ka̱ji vaʼa-yo nda tiñu ja taʼa̱n ini-yo saʼa-yo tágua koo sii ini-yo.
Tuʼun núku̱ʼun ini
-
¿Nda-yo ja ka kuu-yo cristiano na tiñu ja kasíkí nduu ka saʼa-yo?
-
¿Nakú jiniñuʼun ja koto-yo tiempo ja jatiñu-yo nu̱u̱ nda ja taʼa̱n ini-yo saʼa-yo ji ja kasíkí-yo?
-
¿A kúni-ní ja taʼa̱n ini Jeová nda tiñu ja ka̱ji-ní kasíkí-ní ji ja kusii ini-ní saʼa-ní? ¿Nakú?
NU̱U̱ NDANIʼI KA-NÍ TUʼUN
Kaʼvi-ní sɨkɨ nde ɨn kuu ja ka̱ji nda tiñu ja taʼa̱n ini-yo saʼa-yo.
Kaʼvi-ní na̱sa kuu ka̱ji vaʼa-ní nda ja taʼa̱n ini-ní saʼa-ní axi ja kasíkí-ní.
Kaʼvi-ní nu̱u̱ tuʼun ja nakani sɨkɨ ñayí nakú ɨn teé ni sndoo̱-de sava nda tiñu ja ni kusii ini-de saʼa-de “Ni sndoo̱-sa ja ni kaʼan ndevaʼa-sa sɨkɨ ñayí”.
“Tuʼun nda̱a̱ Yandios ni sa̱ma ini-ji” (La Atalaya, 1 yo̱o̱ febrero kuiya 2010)
Kundeʼe-ní naguá ni saʼa ɨn ñaʼan ta ni ndeʼe-ña ɨn ja taʼa̱n ini-ña ja yitaʼan jín tiñu ja iyo nu̱u̱ nee.
