LECCIÓN 59
Maa-ní kuu kundeé-ní nu̱u̱ ja ndiki̱ xée̱n
Vaʼani̱ mita axi ichi nu̱u̱, nda̱ká cristiano ka ji̱kutaʼan jín ja jási̱ nu̱u̱-ji, ji suni ja kundiki̱ xée̱n nu̱u̱ nda-ji. ¿A kuyu̱ʼú-yo sɨkɨ ja yaʼa?
1. ¿Nakú nduu saʼvi ini-yo ja ndiki̱ xée̱n nu̱u̱-yo?
Nu̱u̱ Biblia kaʼan ka̱jí “ja̱ nda̱cá nchivi̱ ja̱ ndíʼvi̱ ini̱ ji ja̱ sátíñú va̱ʼa ji nu̱u̱ Cristo Jesús, ndoʼo ji ja̱ cuni̱ u̱ʼvi̱ nchivi̱ ji” (2 Timoteo 3:12). Nda ñayí ni ka ndiki̱ xée̱n nu̱u̱ Jesús, sɨkɨ ja nduu ni kɨ̱vɨnduu-de nu̱u̱ ñuuyɨvɨ́ Tachi Juʼvi. De, suni sɨkɨ ja nduu kɨ̱vɨnduu-yo, nduu saʼvi ini-yo ja nda teé tatuni ji nda veñuʼun ja iyo nu̱u̱ ñuuyɨvɨ́ ka ndiki̱ xée̱n-ji nu̱u̱-yo (Juan 15:18, 19).
2. ¿Na̱sa kuu satuʼva-yo maa-yo ta kundiki̱ xée̱n-ji nu̱u̱-yo?
Jiniñuʼun ja mita saʼa ndakui-yo ja kuʼun ini-yo nu̱u̱ Jeová. ¿De na̱sa kuu saʼa-yo sukua? Ja saʼa siin-yo tiempo tágua saʼa-yo sáʼan ji kaʼvi-yo Tuʼun Yandios. Ji, suni, nɨkani ndutútú-yo jín congregación. Nda̱ká ja yaʼa saʼa ja koo ndakui-ní tágua ma kuyu̱ʼú-ní nu̱u̱ naani tundoʼo, vese nda ñayí ja jási̱ nu̱u̱-ní kuu nda taʼan veʼe-ní. Apóstol Pablo, ja núú ni̱ núú ni̱ ni ka ndiki̱ xée̱n ji-de, ni te̱e̱-de: “Maá Je̱toʼo̱ ni chíndeé chítuu ya̱ nduʼu̱, de ma̱ cúyu̱ʼú ni̱” (Hebreos 13:6).
Inka ja chíndeé nu̱u̱-yo tágua ma kuyu̱ʼú-yo kuu ja niini kaʼan-yo Tuʼun Yandios. Ja kaʼan-yo Tuʼun Yandios chíndeé nu̱u̱-yo ja kuʼun ini-yo nu̱u̱ Jeová ji ja ma kuyu̱ʼú-yo nu̱u̱ ñayí ñuuyɨvɨ́ (Proverbios 29:25, TNM). Nú saʼa ndakui-ní maa-ní mita, koo tuʼva-ní tágua ma sndoo̱-ní ja kaʼan-ní Tuʼun Yandios vese nda teé tatuni ka kúni-ji ka kasi̱-ji tiñu ja saʼa-yo (1 Tesalonicenses 2:2).
3. ¿A chíndeé nu̱u̱-yo ja kundeé-yo nu̱u̱ ja ndiki̱ xée̱n ji-yo?
Ja nda̱a̱ kuu ja nduu taʼa̱n ini-yo ja kundiki̱ xée̱n ñayí nu̱u̱-yo. De ta, kundeé-yo nu̱u̱ ja ndiki̱ xée̱n, fe-yo ndu̱u̱ ndakui ka. Suni kuñati ka-yo nu̱u̱ Jeová chi ndeʼe-yo na̱sa chíndeé-Ya nu̱u̱-yo ta jani xini-yo ja ma kundeé ka-yo (kaʼvi-ní Santiago 1:2-4). Jeová tajuʼvi ini-Ya ta ndeʼe-Ya ja ndoʼo-yo, de suni kusii ini-Ya ja nduu nuu ini-yo. Biblia kachi: “Sochi tú sndóʼo ji ndóʼó ja̱ sáʼá ro tiñu váʼa, de tú jéndeé ini̱ ro jíín, suu cúu ja̱ váʼa ja̱ jétaʼa̱n ini̱ Ya̱a̱ Dios” (1 Pedro 2:20). Ndɨʼɨ nda ñayí ja kundeé-ji ji iñi tu̱u̱n-ji, Jeová na kuáʼa-Ya nu̱u̱-ji ja kuteku nɨkani-ji nu̱u̱ ɨn ñuuyɨvɨ́ nu̱u̱ ma koo ka ñayí ja ndeʼe juʼvi-ji ja chiñuʼun Yandios (Mateo 24:13).
NÁ KUTUʼVA KA-YO SƗKƗ TUʼUN YAʼA
Ná kutuʼva ka-yo sava nda tuʼun ja steʼen ja kuu kuiñi tu̱u̱n-yo nu̱u̱ Jeová vese ndiki̱ xée̱n ñayí nu̱u̱-yo. De suni kundeʼe-yo naguá taji-Ya nú kundeé-yo.
4. Maa-ní kuu kundeé-ní ta jási̱ nda taʼan veʼe-ní ja chiñuʼun-ní Yandios
Jesús ni kaʼan ka̱jí-de ja sava nda taʼan veʼe-yo kenda-ji kasi̱-ji nu̱u̱-yo ja chiñuʼun-yo Jeová. Ka kaʼvi-ní Mateo 10:34-36 de ka ndatuʼun-ní sɨkɨ nda tuʼun yaʼa:
-
Ta ɨn taʼan veʼe-ní ka̱ji-ji chiñuʼun-ji Jeová, ¿na̱sa kuu ini sava ka nda taʼan-ní?
Tágua kuni-ní nda ñayí ja ni ka ndoʼo-ji sukua, ka kundeʼe-ní VIDEO. Ñukua de ka ndatuʼun-ní sɨkɨ nda tuʼun yaʼa:
-
¿Naguá saʼa-ní nú ɨn taʼan veʼe-ní axi ɨn amigo-ní kachi-ji ja sndoo̱-ní Jeová?
Ka kaʼvi-ní Salmo 27:10, TNM ji Marcos 10:29, 30, (Mixtec, San Miguel el Grande, [MIG]). Ta jinú ja ka kaʼvi-ní nda texto, ka ndatuʼun-ní sɨkɨ nda tuʼun yaʼa:
-
¿Na̱sa kuu chíndeé nda tuʼun yaʼa nu̱u̱-ní nu̱u̱ ta jási̱ sava ka taʼan-ní axi amigo-ní ja chiñuʼun-ní Yandios?
5. Ma kuáʼa-ní tuʼun ja ndiki̱ xée̱n kasi̱ nu̱u̱-ní ja chiñuʼun ka-ní Jeová
Ma kuyu̱ʼú-yo ja chiñuʼun-yo Jeová ta inka ñayí kúni-ji kasi̱-ji nu̱u̱-yo. Ka kundeʼe-ní VIDEO de ka ndatuʼun-ní sɨkɨ nda tuʼun yaʼa:
-
¿Naguá ndeʼe-ní nu̱u̱ video ja chíndeé nu̱u̱-ní ja ma kuyu̱ʼú-ní?
Ka kaʼvi-ní Hechos 5:27-29 ji Hebreos 10:24, 25. Ta jinú ja ka kaʼvi-ní nda texto, ka ndatuʼun-ní sɨkɨ nda tuʼun yaʼa:
-
¿Nakú kánuu tuni ja ma sndoo̱-yo ja chiñuʼun-yo Jeová vese nda teé ndíso tiñu ka jási̱-de ja kaʼan-yo Tuʼun Yandios axi ja ndutútú-yo?
6. Jeová chíndeé-Ya nu̱u̱-ní tágua kundeé-ní
Nda testigo Jeová ja siin siin kuiya ji siin siin ñuu ni ka kundeé-de ka iñi tu̱u̱n-de nu̱u̱ Jeová vese ka ndiki̱ xée̱n ñayí nu̱u̱-de. Tágua kuni-ní na̱sa ni ka kundeé-de, ka kundeʼe-ní VIDEO. Ñukua de ka ndatuʼun-ní sɨkɨ nda tuʼun yaʼa:
-
¿Naguá ni chindeé nu̱u̱ nda Testigo yaʼa tágua ka kundeé-de nu̱u̱ ja ndiki̱ xée̱n nu̱u̱-de?
Ka kaʼvi-ní Romanos 8:35 ji 37-39, ji suni Filipenses 4:13, TNM. Ta jinú ja ka kaʼvi-ní nda texto, ka ndatuʼun-ní sɨkɨ nda tuʼun yaʼa:
-
¿Na̱sa steʼen ka̱jí texto yaʼa ja maa-ní kuu kundeé-ní nu̱u̱ vaʼani̱ tundoʼo?
Ka kaʼvi-ní Mateo 5:10-12 de ka ndatuʼun-ní sɨkɨ nda tuʼun yaʼa:
-
¿Nakú koo sii ini-ní vese ndiki̱ xée̱n ñayí nu̱u̱-ní?
JA KACHI SAVA NDA ÑAYÍ: “Maa-sa ma kundeé-sa ja kundiki̱ xée̱n ñayí nu̱u̱-sa”.
-
¿Na texto Biblia ku̱ú chindeé nu̱u̱ nda ñayí ja jani ini sukua?
JA NI KUTUʼVA-YO
Jeová teya̱vi tuni-Ya ja chuʼun ini-yo chiñuʼun yo-Ya vese ndiki̱ xée̱n ñayí nu̱u̱-yo. ¡De sɨkɨ ja chíndeé-Ya nu̱u̱-yo kuu kundeé-yo!
Tuʼun núku̱ʼun ini
-
¿Nakú nduu saʼvi ini-yo ja ndiki̱ xée̱n ñayí nu̱u̱-yo?
-
¿Na̱sa kuu satuʼva-ní maa-ní mita ta kenda ja ndiki̱ xée̱n?
-
¿Naguá saʼa ja jínu ini-ní ja kuu chiñuʼun-ní Jeová vese naani tundoʼo kiji?
NU̱U̱ NDANIʼI KA-NÍ TUʼUN
Kundeʼe-ní na̱sa ni chindeé Jeová nu̱u̱ ɨn suchí kua̱chi ta ni̱ yiʼi-ji ini veka̱a ja sɨkɨ ja nduu ni kɨ̱vɨnduu-ji nu̱u̱ tiñu ñuuyɨvɨ́.
Kundeʼe-ní naguá ni chindeé nu̱u̱ ɨn matrimonio tágua ka kuiñi tu̱u̱n-de nu̱u̱ Jeová nu̱u̱ kuaʼa tuni kuiya vese ni kandiki̱ xée̱n nu̱u̱-de.
Kutuʼva-ní na̱sa ma kuyu̱ʼú-ní ta ji̱kutaʼan-ní jín ja ndiki̱ xée̱n.
“Ná satuʼva-yo maa-yo mita ta kiji tundoʼo” (La Atalaya, yo̱o̱ julio kuiya 2019)
¿Naguá jiniñuʼun kuni-yo sɨkɨ nda ñayí veʼe-yo ja jasi̱ nu̱u̱-yo? ¿De na̱sa kuu saʼa-yo tágua kundee mani̱-yo ji kuiñi tu̱u̱n-yo nu̱u̱ Jeová?