Nu̱u̱ uni kɨvɨ ja ni ji̱ʼi̱ Jesús ni jakundeʼe jaku ñaʼan nu̱u̱ yavi nu̱u̱ ni yiyuʼu̱-de, de nduu ni ndaniʼi nda ña-de. Chi Jeová ni nasteku-Ya Jesús.

Ta ni yaʼa kɨvɨ, Jesús ni nakitaʼan-de jín ndaka apóstol-de.

Nduu ni nateku-de jín ɨn yɨkɨ kuñu. Chi Yandios ni ndasaʼa-Ya Jesús ɨn espíritu tanu kaa nda ángel. Nda discípulo ni ndeʼe ta ni ndaa-de andɨvɨ́. Mita kuu-de ɨn espíritu ndakui tuni ja ma kúu̱ ka.

Jesús ni ji̱ʼi̱-de tágua skáku-de ñayí nu̱u̱ kuachi ji nu̱u̱ ja ji̱ʼi̱-yo (Mateo 20:28). Ja ñukua kuu ja Yandios ku̱ú kuáʼa-Ya tuʼun kuteku-yo nɨkani.

Jeová ni kaji-Ya Jesús tágua tatuni-de nde andɨvɨ́ nu̱u̱ ñuʼun yaʼa. Iyo 144,000 ñayí vaʼa ja nateku de tatuni vaʼa nda-de jín Jesús nu̱u̱ Reino Yandios ja iyo nde andɨvɨ́ (Apocalipsis 14:1-3).

Reino Yandios ndasaʼa vaʼa ji ndasaʼa vii ñuʼun yaʼa. Ma kana̱á ka ñuu, de ma koo ka ñayí ndevaʼa ini, ma koo ka ñayí ndaʼvi suni ma koo ka so̱ko. Sii tuni kundee ñayí (Salmo 145:16).