PARTE 3
¿Na̱sa ni iyo nu̱u̱ Ñuʼun Edén?
Yandios ni jeʼe-Ya nu̱u̱ Adán ji Eva kuaʼa ja vaʼa (Génesis 1:28)
Jeová ni saʼa-Ya Eva, ñaʼan xinañuʼun ja ni kuu ñasɨʼɨ Adán (Génesis 2:21, 22).
Kɨvɨ ni saʼa Yandios Adán ji Eva nduu na kuachi yoso sɨkɨ ndɨnduu-de. Ni jeʼe-Ya ɨn yɨkɨ kuñu jín ɨn janduni vaʼa.
Ni iyo ndɨnduu-de nu̱u̱ Ñuʼun Vii Edén: ni kuu ɨn ñuʼun vii tuni nu̱u̱ ni iyo kuaʼa kɨtɨ, ñutun ji iyo ɨn yute. Vii tuni ni iyo.
Jeová ní ndatuʼun-Ya ji steʼen-Ya nu̱u̱ ndɨnduu-de. Tágua ku̱ú kuteku nda-de nɨkani nu̱u̱ Ñuʼun Vii ni jiniñuʼun ja ka tesoʼo ji kandija nu̱u̱ Yandios.
Yandios ni kachi-Ya ja ma kaji ndɨnduu-de ɨn ñutun ja víxi ñukua (Génesis 2:16, 17)
Ɨn ángel Yandios ni nkuniʼi ini nu̱u̱-Ya. Ángel ñukua kuu Tachi Juʼvi.
Yandios ni kachi nu̱u̱ Adán ji Eva ja ma kaji ɨn ñutun ja víxi iyo nu̱u̱ Ñuʼun Vii ñukua. Chi kúu̱ ndɨnduu-de nu kaji-de ja víxi ñukua.
Tachi Juʼvi nduu ni kúni ja kandija ndɨnduu-de nu̱u̱ Jeová. Ni jatiñu ɨn koo̱ de ni kaʼan jín Eva ja ma kúu̱-ña nu kaji-ña ja víxi ñukua. Ni kachi nu̱u̱-ña ja kenda-ña ku̱ú-ña tanu kaa Yandios. Tuʼun ñukua ma sú ja nda̱a̱ kuu (Génesis 3:1-5).
Puede que también le interese
ESSENTIAL BIBLE TEACHINGS
¿Nakú ni sa’a Yandios Ñu’un?
Vii tuni kaa ñuʼun. Nduu jika iyo-ji nu̱u̱ kandii̱, nduu jikó tiava ñama-ji ji vaʼa ndita kaa-ji. ¿Nakú ni satiñu niʼin Yandios ta ni saʼa-Ya ñuʼun yaʼa?
