Februarĩ 19-25
ZABURI 8-10
Rwĩmbo 2 na Maromba | Biugo bia Kwambĩrĩria (Ndag. 1)
1. ‘Ngagũkumagia, Ĩgwe Jehova’!
(Ndag. 10)
Jehova natũthithagĩria mantũ jamaingĩ jameega mono (Zab 8:3-6; w21.08-SW 3 gĩc. 6)
Nĩtũgwĩragua gũkumithia Jehova na njĩra ya kwĩra bangĩ bwegie ngũgĩ ciawe cia kũrigarania (Zab 9:1; w20.05-SW 23 gĩc. 10)
Kinya nĩtũmũkumagia rĩrĩa tũkũmwinĩra kuuma nkorone (Zab 9:2; w22.04-SW 7 gĩc. 13)
CIŨRIE, ‘Nĩ na njĩra ĩrĩkũ ĩngĩ mpũmba gũkumia Jehova?’
2. Mũthithũ jwa Gĩkĩrundu
(Ndag. 10)
-
Zab 8:3—Nĩatĩa mwandĩki wa Zaburi eendaga kwonania rĩrĩa aagwetaga kĩara kĩa Mũrungu? (it-1-E 832)
-
Nĩ mũthithũ jũrĩkũ jwa gĩkĩrundu wiritanĩte kuumania na ũthoomi bwa Bibiria bwa kiumia gĩkĩ?
3. Ũthoomi bwa Bibiria
(Ndag. 4) Zab 10:1-18 (th-SW kĩthoomo kĩa 11)
4. Kwambĩrĩria Rwaria
(Ndag. 3) NYOMBA KWA NYOMBA. Mwene nyomba agakwĩra atĩ atĩĩtĩkĩtie Mũrungu. (lmd kĩthoomo kĩa 5 ũntũ bwa 4)
5. Gũcookera Antũ
(Ndag. 4) GŨTŨMĨĨRIA ŨRĨ MANTŨNE JANGĨ. Rĩrĩa bwĩrĩgĩte kwaranĩria, nakwĩrĩre atĩ atĩĩtĩkĩtie Mũrungu, ĩndĩ arĩna wendi bwa gũcũnkũũna ũrikithia bũrĩa bũkwonania atĩ kũrĩ na Mũũmbi. (th-SW kĩthoomo kĩa 7)
6. Rwaria
(Ndag. 5) w21.06-SW 6-7 gĩc. 15-18—Kĩongo: Tethia Mũritwa Waaku wa Bibiria Gũkumia Jehova. (th-SW kĩthoomo kĩa 10)
Rwĩmbo 10
7. Ũrĩa Ũũmba Gũtũmĩĩria na Njĩra ya Wĩthĩre Ũrĩ Mantũne Jangĩ
(Ndag. 10) Kwaranĩria.
Njĩra ĩmwe ĩrĩa tũũmba gũkumithia nayo Jehova nkũrũki, nĩ gũkũrũkĩĩra gũtũmĩĩrĩria barĩa tũgũcemania nabo tũrĩ ngũgĩne cietũ cia o ntukũ. (Zab 35:28) Rĩrĩa ũkwenda gũtũmĩĩria ũrĩ mantũne jangĩ, mwambĩrĩrione womba kwigua ũguaa. Amwe nou, tũkeeja kũmenya ũrĩa tũkambia rwaria na kũrwĩtithia na mbere na njĩra ya wĩthĩre, tũkoombana bwega na kinya tũkagwĩrĩrua ntũmĩĩri ĩu!
Tegeni VIDIO Kara Withuranĩrĩte Gũtũmĩĩria ‘Nkuma Ĩnjega ya Thĩĩrĩ’—Jũkia Ĩtagaaria. Rĩu ũũrie athikĩĩria:
Nĩmbi wairitana kuumania na vidio ĩjĩ, birĩa biũmba gũgũtethia gũtũmĩĩria bwega rĩrĩa ũrĩ mantũne jangĩ?
Mendekithia jaja jathingatĩte no jagũtethie kwambĩrĩria rwaria:
-
Rĩonthe waumagara nja gwaku, kara ũgĩtegaga twanya tũrĩa tũũmba gũciũmĩria twa kwambia rwaria. Romba bwegie ũntũ bũu na ũũrie Jehova agũtongeerie kĩrĩ antũ barĩa barĩ na mwerekera jũmwega
-
Ĩthĩrwa na ũcoore na antũ barĩa ũgũcemania nabo na ũboonie nũkũbamakĩra kamma. Tega mantũ jarĩa jathiũrũkĩte ũrĩa ũkwaria nawe, nĩkenda jagũtethia kũmenya nĩ ũmma bũrĩkũ bwa Bibiria bũkaarĩĩria, bũrĩa bũũmba kũmũringithia nkoro
-
Kethĩra nĩgũkwagĩra, mũrombe namba ya thimũ nĩkenda bũũmba kwaranĩria kaĩrĩ
-
Menya uunĩka nkoro kethĩra rwaria rũkaathira ũtĩramũtũmĩĩrĩria
-
Ĩta na mbere kũthũgaanĩria muntũ ũu rĩrĩa bwatigana. Ĩta na mbere kũmwonia nũkũmũthũgaanĩria nkũrũki na njĩra ya kũmũtũmĩra ĩandĩko rĩa Bibiria, kana ũntũ bwa kũthooma kĩrĩ jw.org
Geria bũbũ: Muntũ akeeja gũkũũria, ‘Nĩatĩa mũthia jwaku kwa kiumia jũrakari?,’ mwĩre ũntũ bũrĩa ũrairitanĩre mũcemanione kana ngũgĩ ĩrĩa ũritaga ya kũritana antũ Bibiria.
8. Mobatu ja Kĩũthũrano
(Ndag. 5)
9. Wiritani bwa Bibiria bwa Kĩũthũrano
(Ndag. 30) bt-SW kĩth. 6 gĩc. 1-8, jarĩa jarĩ kĩrĩ gĩcuncĩ kĩa 2
