Ĩpurũ 1-7
ZABURI 23-25
Rwĩmbo 4 na Maromba | Biugo bia Kwambĩrĩria (Ndag. 1)
1. Jehova “ni Muriithi Wakwa”
(Ndag. 10)
Jehova natũtongagĩĩria (Zb 23:1-3; w11-SW 5/1 31 gĩc. 3)
Jehova natũkaragia (Zb 23:4; w11-SW 5/1 31 gĩc. 4)
Jehova natũreraga (Zb 23:5; w11-SW 5/1 31 gĩc. 5)
Jehova namenyagĩĩra nthũmba ciawe o ta ũrĩa mũrĩĩthi ũrĩna wendo amenyagĩĩra ngˈondu ciawe.
CIŨRIE, ‘Na bwakwa, nĩ na njĩra ĩrĩkũ Jehova amenyereete?’
2. Mũthithũ jwa Gĩkĩrundu
(Ndag. 10)
-
Zb 23:3—“Njira iria ciagirite,” nĩ irĩkũ na nĩmbi bigatũtethia tũtĩkaumagare kĩrĩcio? (w11-SW 2/15 24 gĩc. 1-3)
-
Nĩ mũthithũ jũrĩkũ jwa gĩkĩrundu wiritanĩte kuumania na ũthoomi bwa Bibiria bwa kiumia gĩkĩ?
3. Ũthoomi bwa Bibiria
(Ndag. 4) Zb 23:1–24:10 (th-SW kĩthoomo kĩa 5)
4. Kwambĩrĩria Rwaria
(Ndag. 3) GŨTŨMĨĨRIA ŨRĨ MANTŨNE JANGĨ. Ũkĩaranagĩria na muntũ ũkũmenyithĩtie atĩ namakagĩra rĩera na birĩa bitũthiũrũkĩte, mũthoomere mũstaarĩ jwa Bibiria jwa kũmwĩkĩra inya. (lmd kĩthoomo kĩa 2 ũntũ bwa 5)
5. Gũcookera Antũ
(Ndag. 4) NYOMBA KWA NYOMBA. Ũkĩaranagĩria na muntũ ũrĩa wetĩkĩrĩrie gauku Gwĩrĩrua Ũtũũro Kenya na Kenya!, mwonie ũrĩa wiritani bwa Bibiria bwĩtaga na mbere. (lmd kĩthoomo kĩa 9 ũntũ bwa 3)
6. Kwethia Antũ Aritwa
Rwĩmbo 54
7. Nĩtũreganaga na Kaajũ ka Mũgeni
(Ndag. 15) Kwaranĩria.
Ngˈondu nimenyaga kaajũ ka mũrĩĩthi wacio na nĩ imũthingataga. Mwanya na ũu, nĩ imatũkaga mũgeni ũrĩa itijiĩ kaajũ kaawe. (Joh 10:5) O ũu nou kinya tuĩ tũthikagĩĩra kaajũ ka Jehova na Jesũ, arĩĩthi beetũ ba gĩkĩrundu barĩa batwendete na barĩ bakwĩrĩgĩrĩka. (Zb 23:1; Joh 10:11) Ĩndĩ nĩtũreganaga na kaajũ ka ageni barĩa bageragia gũtwagithia inya wĩtĩkione gũkũrũkĩĩra “moritani ja urongo.”—2Pet 2:1, 3.
Kĩambĩrĩria mũrango jwa ĩthatũ nĩjũtarĩĩrĩtie rĩrĩa rĩarĩ rĩa mbere buru kaajũ ka mũgeni kwigĩĩgua nthĩgũrũne. Na njĩra ya waayia, Shaitani naaranĩĩrie na Hawa aciithĩte atĩkamenyekane nĩwe ũũ kamma. Aciethetie mũcoore waawe, naagarũrĩre ũrĩa Jehova aaugĩĩte na ararongoa bwegie yerekeria rĩawe. Ũntũ bwa kĩeba nĩ atĩ, Hawa naamũthikĩĩrĩre, na bũu bũramũretera mĩthangĩko ĩmĩthũũku o amwe na nja yaawe.
Ntukũne cietũ, Shaitani nageragia gũtũma twĩthĩrwa na nkaanja kwerekera Jehova na ũthuranĩri bwawe gũkũrũkĩĩra gũtambia ripoti inthũũku, nteto itĩ cia mma, na ũrongo. Rĩrĩa twaigua kaajũ ka mũgeni, tũbuĩrĩte gũkamatũka! Kũthikĩĩra kinya aniini akĩ tontũ bwa kwenda kũmenya, nĩ ũgwati. Nĩ biugo bingˈana Shaitani aatumĩĩre nĩkenda aaĩria Hawa ĩgiita rĩĩkai rĩrĩa baaranĩĩrie? (Kia 3:1, 4, 5) Nĩatĩa tũũmba kũthithia kethĩra muntũ twijiĩ—ũrĩa ũtwendete na arĩ na mwerekera jũmwega—nakwenda gũtwĩra mantũ jamathũũku jegie ũthuranĩri bwa Jehova?
Tegeni VIDIO Regana na ‘Kaajũ ka Mũgeni.’ Rĩu ũũrie athikĩĩria:
Nĩmbi ũkwiritana kuumania na ũrĩa Kathongi aathithĩrie rĩrĩa ngˈina eendaga kũmwĩra mantũ jamathũũku jegie ũthuranĩri bwa Jehova?
8. Wiritani bwa Bibiria bwa Kĩũthũrano
(Ndag. 30) bt-SW kĩth. 8 gĩc. 1-4, kathandũkũ kar. 61-62
