Machi 17-23
NJUNO 5
Rwĩmbo 122 na Maromba | Biugo bia Kwambĩrĩria (Ndag. 1)
1. Ciebanie Buru na Mĩtugo ya Waganu ya Kũmenyana Kĩmwĩrĩ
(Ndag. 10)
Mĩtugo ya waganu ya kũmenyana kĩmwĩrĩ nĩĩkucagĩĩria mono (Nju 5:3; w00-SW 7/15 29 ¶1)
Mĩtugo ya waganu ya kũmenyana kĩmwĩrĩ nĩretaga rwakaĩ rũrwingĩ (Nju 5:4, 5; w00-SW 7/15 29 ¶2)
Ciebanie buru na mĩtugo ya waganu ya kũmenyana kĩmwĩrĩ (Nju 5:8; w00-SW 7/15 29 ¶5)
Mwarĩ wa baaba ũmwĩthĩ akĩregaga kwaa mũtana ũmwe namba yaawe
2. Mũthithũ jwa Gĩkĩrundu
(Ndag. 10)
-
Nju 5:9—Nĩatĩa mĩtugo ya waganu ya kũmenyana kĩmwĩrĩ ĩtũmaga muntũ ‘anenkanĩraʼ gĩtĩĩo kĩawe kĩrĩ bangĩ? (w00-SW 7/15 29 ¶7)
-
Nĩ mũthithũ jũrĩkũ jwa gĩkĩrundu wiritanĩte kuumania na ũthoomi bwa Bibiria bwa kiumia gĩkĩ?
3. Ũthoomi bwa Bibiria
(Ndag. 4) Nju 5:1-23 (th-SW kĩthoomo kĩa 5)
4. Kwambĩrĩria Rwaria
(Ndag. 3) GŨTŨMĨĨRIA GŨNTŨ KWA MWINGĨ. Gwata ũgeni muntũ ũtĩ Mũkristũ kĩrĩ Mũriikana jwa gĩkuũ kĩa Jesũ, na ũtumĩre jw.org kũmwonia naarĩa jũkathithĩrua gĩcigone kĩao. (lmd kĩthoomo kĩa 6 ũntũ bwa 4)
5. Gũcookera Antũ
(Ndag. 4) NYOMBA KWA NYOMBA. Muntũ ũrĩa bwarĩĩtie nawe ĩgiita rĩthiru, neetĩkĩrĩrie ũrĩ kũmũgwata ũgeni kĩrĩ Mũriikana, na aroonania nakwenda kũmenya jamaingĩ nkũrũki. (lmd kĩthoomo gĩa 9 ũntũ bwa 5)
6. Kwethia Antũ Aritwa
(Ndag. 5) lff kĩthoomo gĩa 16 njĩra ĩnkuĩ, gũcookera, na mworoto. Rĩrĩa mũritwa ooria kethĩra Jesũ naagũreene, mwonie ũrĩa oomba kũthithia ũcũnkũũni nĩkenda oona ĩcookio. (lmd kĩthoomo gĩa 11 ũntũ bwa 4)
Rwĩmbo 121
7. Jũkia Matagaria ja Kwimenyeera Ĩgiita rĩa Ngambanio, Nĩkenda Bũgwatĩĩra Mĩtugo ya Wagĩru
(Ndag. 15) Kwaranĩria.
Twomba kuuga ngambanio, nĩ “rĩrĩa muntũ mũrũme na muntũ mũka batumĩra ĩgiita barĩ amwe na bonania nĩbagũkucĩĩrua kĩwendo gatĩgatĩne kaao.” Antũ kaingĩ bathithagia ũu barĩ kĩrĩ mwingĩ kana barĩ bonka, bakĩonagwa nĩ bangĩ kana barĩ wĩthoone, gũkũrũkĩĩra thimũ, kana bagĩtũmanagĩra ntũmwa na njĩra ingĩ. Ũcoore bwa mũthemba ta jũu, tĩ ũntũ bwa kwigwĩria, ĩndĩ nĩ ĩtagaaria rĩrĩa rĩũmba gũtongeeria antũ kĩrĩ ngũrano. Nĩ matagaaria jarĩkũ jomba gũtethia antũ babeethĩ kana baakũrũ kwimenyeera, nĩkenda baciebania na mĩtugo ya waganu ya kũmenyana kĩmwĩrĩ, rĩrĩa bakũgambania?—Nju 22:3.
Tegeni VIDIO Kwithuranĩra Tontũ bwa Ngũrano—Gĩcuncĩ kĩa 1: Rĩ, Nĩndithuranĩrĩte Gũtonya Kĩrĩ Ngambanio?—Gacuncĩ. Rĩu ũũrie athikĩĩria:
-
Nĩkĩ muntũ atĩbuĩrĩte kwambĩrĩria ngambanio, kethĩra atithuranĩrĩte tontũ bwa ngũrano? (Nju 13:12; Lu 14:28-30)
-
Nĩ ũntũ bũrĩkũ bũgũkũringithia bwegie ũrĩa aciari bau, baatetherie mwarĩ waao?
Thooma Njuno 28:26. Rĩu ũũrie athikĩĩria:
-
Nĩatĩa barĩa bakũgambania bomba kwarĩĩria o mbere ũrĩa bagaciebania na mantũ jarĩa jomba gũtũma bethĩrwa barĩ bonka, na jakabatonyia mĩtugone ya waganu?
-
Nĩkĩ bũrĩ ũntũ bwa ũũme barĩa bakũgambania, kwarĩĩria o mbere mĩanka ĩrĩa bageeka yegie kwonania wendo ta, kũgwatana njara na gũcuncana?
Thooma Aefeso 5:3, 4. Rĩu ũũrie athikĩĩria:
-
Nĩ ũntũ bũrĩkũ barĩa bakũgambania babuĩrĩte kũriikana, rĩrĩa bakwaranĩria gũkũrũkĩĩra thimũ kana intanetine?
8. Wiritani bwa Bibiria bwa Kĩũthũrano
(Ndag. 30) bt kĩth. 24 ¶1-6
