Antũ babaingĩ batĩĩtĩkagia barĩa barĩ wathanine. Ĩndĩ nĩ tũgũciũkĩrwa nĩkĩ. Kuuma ĩgiita rĩa karaaja, antũ nĩbatumĩrĩte wathani na njĩra ĩnthũũku tontũ bwa kwiguna bo bongwa. (Mik 7:3) Nĩtũgwĩragua kwĩthĩrwa na akũrũ kĩũthũranone barĩa bamenyerithĩtue gũtumĩra kaanya karĩa barĩ nako kũguna antũ ba Jehova.—Est 10:3; Mat 20:25, 26.

Mwanya na athaani ba nthĩgũrũ, akũrũ bakinyagĩra kaanya kaao ka ũtegeeri tontũ bwa wendo bwao kĩrĩ Jehova na antũ baawe. (Joh 21:16; 1Pe 5:1-3) Batongeretue nĩ Jesũ, akũrũ ba kĩũthũrano nĩbatethagia o mũtũmĩĩria nĩkenda aigua angˈanĩri kĩũthũranone na akara akuĩ na Jehova. Nĩbatethagia atũmĩĩria na mpwĩ rĩrĩa kwaumĩra ũntũ bũtĩrĩgĩĩri bwa kĩmbajua kana ũgwati bũngĩ. Kethĩra nũkwenda ũtethio, ũgakĩra kwaranĩria na akũrũ ba kĩũthũrano kĩenu.—Jak 5:14.

TEGA VIDIO ARĨTHI BARĨA BAMAKAGĨRA NGˈONDU CIA JEHOVA, NA RĨU ŨCOOKIE BIŨRIA BIBI BITHINGATĨTE:

• Nĩatĩa Mariana aagunĩkĩre kuumania na ũtethio bũrĩa akũrũ ba kĩũthũrano bamweere?

  Ĩcookio rĩaku

• Nĩatĩa Elias aagunĩkĩre kuumania na ũtethio bũrĩa akũrũ ba kĩũthũrano bamweere?

  Ĩcookio rĩaku

• Mantũ jau jonetwe jarĩtũma wĩthĩrwa na mwonere jũrĩkũ jwegie ngũgĩ ĩrĩa akũrũ ba kĩũthũrano bethagĩrwa nayo?

  Ĩcookio rĩaku