Oktoba 7-13
ZABURI 92-95
Rwĩmbo 84 na Maromba | Biugo bia Kwambĩrĩria (Ndag. 1)
1. Gũtumĩkĩra Jehova Nĩyo Njĩra Ĩrĩa Ĩnjega Buru ya Mũtũũrĩre!
(Ndag. 10)
Jehova nĩwe tũbuĩrĩte kũthathayia (Zb 92:1, 4; w18.04 26 ¶5)
Natethagia antũ baawe gũtua matua na kwĩthĩrwa na kũgwĩrua (Zb 92:5; w18.11 20 ¶8)
Nonaga barĩa bamũtumĩkagĩra barĩ ba gĩtũmi kinya rĩrĩa bakũra (Zb 92:12-15; w20.01 19 ¶18)
CIŨRIE, ‘Rĩ, nĩmbi bikũndigĩĩria ntĩkairite kĩrĩ Jehova na mbatithua?’
2. Mũthithũ jwa Gĩkĩrundu
(Ndag. 10)
-
Zb 92:5—Nĩatĩa biugo bibi bigũtaarĩĩria bwega bwegie ũũme bwa Jehova? (cl 176 ¶18)
-
Nĩ mũthithũ jũrĩkũ jwa gĩkĩrundu wiritanĩte kuumania na ũthoomi bwa Bibiria bwa kiumia gĩkĩ?
3. Ũthoomi bwa Bibiria
(Ndag. 4) Zb 94:1-23 (th-SW kĩthoomo kĩa 5)
4. Kwambĩrĩria Rwaria
(Ndag. 4) GŨTŨMĨĨRIA ŨRĨ MANTŨNE JANGĨ. Cwaa kaanya ga kũmenyithia ũrĩa ũkwaria nawe bwegie ngũgĩ ĩrĩa ũritaga ya kũritana antũ Bibiria. (lmd kĩthoomo kĩa 5 ũntũ bwa 3)
5. Gũcookera Antũ
(Ndag. 3) GŨTŨMĨĨRIA ŨRĨ MANTŨNE JANGĨ. Ũũria muntũ ũrĩa ũkwonania wendi bwa kũthikĩĩra kethĩra no ende bwiritana Bibiria kinya kethĩra naaregete au mberene. (lmd kĩthoomo kĩa 8 ũntũ bwa 4)
6. Kwethia Antũ Aritwa
(Ndag. 5) Kwaranĩria na mũritwa wa Bibiria ũrĩa ũtĩkũthithia wĩti na mbere. (lmd kĩthoomo kĩa 12 ũntũ bwa 5)
Rwĩmbo 5
7. Rĩrĩa Antũ Babeethĩ Bainyĩĩrua nĩ Mantũ
(Ndag. 15) Kwaranĩria.
Barĩa batumĩkagĩra Jehova kinya bo nĩbagwatagwa nĩ mĩthangĩko. Ngerekano, Daudi naakũrũkĩĩrĩre mĩthangĩko magiita mwanya mwanya ũtũũrone bwawe, na nou kinya gũkarĩkaga kĩrĩ atana ba baaba babaingĩ ntukũne cietũ. (Zb 13:2; 139:23) Ũntũ bwa kĩeba nĩ atĩ, kinya antũ babeethĩ nĩbathangĩkaga. Magiita jamwe, mĩthangĩko yoomba gũtũma twona mantũ jarĩa tũthithagia ja o ntukũ, ta gwĩta cukuru na mĩcemanione, teka jarĩ mũrigo. Kinya no ĩtũme tũkambia gũkĩra kana kũthũgaania gũciũraga.
Antũ babeethĩ, rĩrĩa bwaigua bwinyĩĩrĩtue nĩ mĩthangĩko, aranĩrieni na aciari beenu kana muntũ ũngĩ ũmũgimaru. Riikana kinya kũromba Jehova akwee ũthethio. (Afl 4:6) Na agagũtethia. (Zb 94:17-19; Isa 41:10) Thũgaanĩria ngerekano ya Steing.
Tegeni VIDIO Jehova Naamenyeerere. Rĩu ũũrie athikĩĩria:
• Nĩ mũstaarĩ jũrĩkũ jwa Bibiria jwatetherie Steing, na nĩkĩ?
• Nĩatĩa Jehova aamũmenyeerere?
Aciarĩ, bwomba gũtethia aana beenu kũrwa na mĩthangĩko na njĩra ya kũbathikĩĩra bũrĩna weteeri, bũkĩboonagia wendo, na kũbatethia kwĩthĩrwa na mma atĩ Jehova nabendete. (Tit 2:4; Jak 1:19) Ĩrĩgĩĩra Jehova akũboorerie na akwe inya ĩrĩa ũkũbatara nĩkenda ũtethia aana baaku.
No tũremwe kũmenya nĩrĩ ũmwe wa barĩa tũgwatanagĩra nabo kĩũthũranone agũkũrũkĩĩra mĩthangĩko ĩmĩrito, kana kinya tũkaremwa nĩ gũciũkĩrwa nĩ ũrĩa akwigua. Ĩndĩ, no tũtethie na njĩra ya gũtũma o muntũ ndeene ya kĩũthũrano aigua nendi na nĩ wa gĩtũmi.—Nju 12:25; Ahi 10:24.
8. Wiritani bwa Bibiria bwa Kĩũthũrano
(Ndag. 30) bt-SW kĩth. 16 ¶6-9, kathandũkũ kar. 132
