Nyuma ya mwaka jwa 4026 M.M.J.

“Njoka” gũkararia ĩota rĩa Jehova rĩa kwathana na njĩra yawe ya kwathana. Jehova kwejana wĩrane bwa kuumĩria “ruciara,” rũrĩa nyumene rũkathethera njoka, tayo Shatani. (Kiambiriria 3:1-5, 15) Amwe na bũu, Jehova naete antũ kaanya baciatha bongwa bagĩtongagĩĩrua nĩ Shaitani.

Mwaka jwa 1943 M.M.J.

Jehova kwĩra Abrahamu atĩ “ruciara” rũrĩa rwĩranĩri rũkeethĩrwa rũrĩ ũmwe wa rũrĩĩjo rwawe.—Kiambiriria 22:18.

Nyuma ya mwaka jwa 1070 M.M.J.

Jehova kũrikithĩria Daudi na nyumene mũtaana o we Solomoni atĩ “ruciara” rũrĩa rweranĩri rũkeethĩrwa rũrĩ ũmwe wa rũrĩĩjo rwao.—2 Samweli 7:12, 16; 1 Anene 9:3-5; Isaya 9:6, 7.

Mwaka jwa 29 M.J.

Jehova kũmenyithania atĩ Jesũ nĩwe “ruciara” rwa wĩrane Ũrĩa ũkajũkia rũriga rwa Daudi.—Agalatia 3:16; Luka 1:31-33; 3:21, 22.

 Mwaka jwa 33 M.J.

Njoka, tayo Shaitani, gwĩkĩra “ruciara” rwa wĩrane rworo kagiita kaniini na njĩra ya kũũragithia Jesũ. Jehova kũriũkia Jesũ atũũra ĩgũrũ na gwĩtĩkĩĩria mwoyo jũmũũjũru jwa goro jwa Jesũ, na kwou kuumĩria mũsingi jwa kũrekerwa meeyia na kwaa nciarwa cia Adamu ũtũũro bwa kenya na kenya.—Kiambiriria 3:15; Mathithio 2:32-36; 1 Akorintho 15:21, 22.

Mwakene jwa 1914 M.J.

Jesũ kwarũkia njoka, tayo Shaitani nthĩgũrũne, na kũmĩrekeeria ku kagiita kaniini. —Kugwurirwa 12:7-9, 12.

Ĩgiita rĩĩjĩte

Jesũ kũtheeka Shaitani mĩaka 1,000 na nyumene kũmĩthiria, na njĩra ya ngerekano kũmĩthethera mũtwe. Mworoto jwa Jehova jwa kaumo kwerekera nthĩgũrũ na antũ kũũjũra, na riĩtwa rĩawe kũtherua, na njĩra yawe ya kwathana kũteterwa.—Kugwurirwa 20:1-3, 10; 21:3, 4.