“Nikwithirwa migongo igookiira kurua na migongo ingi, na monene jagookaniira na jangi . . . Na mantu jau jonthe ni ja kiambiriria gia kwithikiira.”

Mathayo 24:7, 8

“Na iroria bibiingi bia urongo bigookiira, bigiitarie antu babaingi. Na untu irema rikaingea, wendo bwa antu babaingi bukagia mpio.”

Mathayo 24:11, 12

“Na riria bukaigua ndua kana nkuma cia ndua, menyeni bumaka; mantu ijabwirite gukuruka; mbere muthiro jutirakinya.”

Mariko 13:7

“Na gukagita kithingithia kia nthi gikinene, na gukagita mpara guntu gukwingi, na mirimo imii iria ithiragia antu, ningi gukagita mantu jamaingi jaria jamakanagia, o na biama biinene biumite matune.”

Luka 21:11

“Ningi menya mono atiri, matukune ja muthiro gukagita magiita ja kieba. Tontu antu bakaa aciendi, na eendi ba mbia mono, na aciikiiri, na aikumia, na arumani, na ndemi iria iremaga aciari, na antu bati ncune, na baria batiitaga na miitire yagirite; na baria baagite wendani buria bwagirite, na baria batiumbikia kuborerua, na athumbania, na baria batiumba gwikaania mantu, ngiti, baria batiendaga mantu jameega, aguutani, baria bathithagia mantu na mpwimpwi batithuganitie untu bwajo, aikaathi baria beendaga kwigwiria bongwa nkuruki ya kwenda Murungu, baria bakari ta athingati ba Murungu miitirene yao, indi ibaregaga inya iria yonaraga untune buu.”

2 Timotheo 3:1-5