“Iuku riri ria watho nteto ciario igatiga kwaragua ni kanyua gaku; thuganagia mantu jario muthenya na utuku, nikenda ukamenyagiira kuthithagia o ta uria mantu jonthe jaria jaandiki ku jakari; amu riu nirio ugakaraga na munya njirene ciaku, na ningi ugakara na uume bwa kuumba mantu jonthe bwega.”

“Nabo barathoma bwega nteto iria ciari rwathone ruu rwa Murungu iukune riu, bakionanagiria nteto kenda antu bamenya bwega gitumi giacio.”

“Kitharimo-ri, ni kiri muntu uria utiitagira kirira kia baria bai, . . . indi-ri, rwatho rwa Mwathani no ru agwiragua niru; na rwatho o ruu noru athuganagia untu bwaru muthenya na utuku. . . . Nawe untu buria athithagia kinya buriku bukariiba.”

“Filipu nawe aroogia kiri we, araigua akithoma iuku ria kiroria Isaya, aramuuria atiri, Nteto iria ukuthoma nuguciura? Nawe arauga atiri, Ngaciura atia, na nti na muntu wa guntongeeria ambonia?”

 “Tontu-ri, kuuma riria nthi yoombirwe mantu jawe jaria jationekaga, tajo inya yawe, na Umurungu bwawe nijoonagirwa mono intone biria oombire. Na tontu buu guti untu kinya bumwe antu bau boonekia bwa kwigwatia.”

“Karaga na wiru mantune jau, uciejanage kirijo buru; nikenda antu bonthe boonaga uria witaga mbere miitirene yaku.”

“Na tuciurageni mantu jetu, tukiumanagiiria, tukiendaga antu, tukithithagia mantu jaria jaagirite; na tugatigeni gutirimanaga amwe.”

“Indi-ri, muntu umwe wenu akeethirwa naagite uume narombe Murungu uria wejaga antu bonthe na magi, na atitetanagia, nawe akaewa.”