KWAMBĨRĨRIA RWARIA
KĨTHOOMO KĨA 5
Ĩthĩrwa na Ũũme
Ũritani: “Mantu jaria bukwaria jeethagirwe jari jameega.”—Akl. 4:6.
Ũrĩa Paũlũ Aathithĩrie
1. Tega VIDIO ĩjĩ, kana ũthoome Mathithio 17:22, 23. Rĩu ũcookie biũria bibi bithingatĩte:
-
Paũlũ aigĩrue atĩa bwegie mawĩthĩre ja ndini cia ũrongo jarĩa oonere Athene?—Tega Mathithio 17:16.
-
Antũa kũmeneeria antũ ba Athene, nĩatĩa Paũlũ oonanĩrie ũũme na njĩra ya gũtumĩra mantũ jarĩa beetĩkĩtie nĩkenda abatũmĩrĩria nkuma ĩnjega?
Nĩmbi Tũkwiritana Kuumania na Paũlũ?
2. Kwombĩka antũ bagatũthikĩĩra nkũrũki, kethĩra tũkathuura bwega mantũ jarĩa tũkuuga, ũrĩa tũkũjauga, o na kinya ĩgiita rĩrĩa tũkũjauga.
Igerekanie na Paũlũ
3. Thuura biugo bigũkucĩĩria antũ. Ngerekano, rĩrĩa ũkwaranĩria na muntũ ũtĩ Mũkristũ, no ũtumĩre biugo bingĩ rĩrĩa ũkwenda kũgweta Bibiria kana Jesũ.
4. Menya ũgĩta mpwĩ cia kwonia muntũ naatĩtie. Mwee kaanya aarie kuuma nkorone. Kinya akagweta ũntũ bũtĩkũgwatanĩra na mooritani ja Bibiria, menya ũgĩta mpwĩ cia gũkararania nawe. (Jak. 1:19) Rĩrĩa wamũthikĩĩra, ũkamenya mantũ jarĩa etĩkĩtie na nĩkĩ ajetĩkĩtie.—Nju. 20:5.
5. Ĩtĩkanĩĩria nawe na ũmũcookerie nkaatho rĩrĩa gũkwagĩra. No ethĩrwe etĩkĩtie buru atĩ wĩtĩkio bwa ndini yaawe nĩbu bwa mma. Mbere, arĩĩrieni jarĩa bũgwĩtĩkanĩĩria, rĩu nyumene ũmũtethie gũciũkĩrwa nĩ jarĩa Bibiria ĩritanaga.
