Adamu na Hawa nĩbagĩĩre na aana na antũ baraingĩa nthĩgũrũne. Nyumene araĩka bamwe nĩbagwatanĩĩre na Shaitani kũrema.

Nĩbaigarũrĩre barekĩra mĩĩrĩ ya antũ bareeja nthĩgũrũne baraijũkĩrĩa aka. Aka bau baracĩara aana babanene barĩa baarĩ athangani na baarĩ na inya mono.

Nthĩgũrũ nĩyojũrĩrwe nĩ antũ barĩa bathithagia mantũ jamaĩ. Bibiria yugaga: “Uthuku bwa muntu ibwari buunene mono nthiguru, na kung’aniiria kunthe kwa mathuganio ja nkoro ciao kwari gukuthuku magita jonthe.”

Nuhu arĩ mũntũ ũmwega. Jehova erĩre Nuhu atĩ akathirĩa antũ babathũku na mũguũ jũmũnene jwa ĩkondoria.

Mũrungu nerĩre Nuhu aake gĩtarũ gĩkĩnene mono, gĩetagwa sabina, na akũrũkie antũ ba njewe na nyomoo cionthe.

Nuhu nerĩre antũ kwĩja kwa Mũguũ jwa ĩkondoria, ĩndĩ batamũthikĩrĩĩre. Bamwe nĩbathekeere Nuhu; bangĩ baramũmena.

Rĩrĩa sabina yojũrĩre, Nuhu nakũrũkirie nyomoo ndene.