Ibwega nĩũntũ bwa kũjũkia kaanya gũcũnkũũna broshua ĩjĩ nĩkenda wiritana mantũ jegiĩ Akũũjĩ ba Jehova, ngũgĩ cietũ, na kwona ũthuranĩri bwetũ bũrĩa bwĩtĩte na mbere. Nĩtũkwĩrĩgĩĩra atĩ ĩgũgũteetheria gũtũmenya twĩ barĩa tũkũthithia wendi bwa Jehova naarua. Nĩtũgũgwĩkĩra nkoro wĩte na mbere kwiritana ũmenyo bwa Mũrungu, kwĩra bangĩ ba nja yaaku ona acoore baaku jarĩa ũkwiritana na kũgwatanĩra naatwĩ rĩonthe mĩcemanione yeetũ ya Gĩkristũ.—Ahibirania 10:23-25.

Ũkoona atĩ o ũrĩa ũkairitana nkũrũki gũkonia Jehova, nou ũkoona ũrĩa akwendete kamma. Rĩu nĩrĩo ũgeekĩrwa inya kũthithia jonthe jarĩa ũkũũmba, kũmwonia wendo bwaku kinya gwe. (1 Johana 4:8-10, 19) Ĩndĩ nĩatĩa ũũmba kwonania wendo kĩrĩ Mũrungu, gũkũrũkĩĩra mũtũũrĩre jwaku? Nĩkĩ kwaathĩkĩra mawaatho jaawe ja waagĩru bũrĩ ũntũ bwa gũkũguna? Na nĩmbi bigagũteethia wenda kũthithia wendi bwa Mũrungu amwe naatwĩ? Mwarimũ waaku wa Bibiria akagwĩrĩrua gũgũteethia gũcwaa macookio, nĩkenda gwe na nja yaaku “bukaraga bwendetwe ni Murungu, . . . bweteerete . . . mwoyo jwa kenya na kenya.”—Juda 21.