Maandĩko ja Kĩgiriki ja Gĩkristũ nĩ jagwetete mũtũmwa Baranaba na Paũlũ rĩngĩ na rĩngĩ. Arũme bau baatumĩkaga barĩ ategeeri ba kũthiũrũũnka, bakĩriũngagĩra biũthũrano bia mbere. Nĩkĩ? Nĩka baamakagĩra kamma mantũ jegie ataana na aarĩ ba baaba Akristũ. Paũlũ augĩre atĩ arĩenda ‘gucoka akaraithiirie atana-ba-aba’ akoone ũrĩa batwĩre. Nĩ aarĩ na wendi bwa gwĩta mairi kana kilomita magana jamaingĩ nĩkenda eeta kũbeekĩra inya. (Mathithio 15:36) Bũu nĩbu wendi ategeeri barĩa batũthiũrũnkagĩra bethagĩrwa nabu naarua.

Bejaga gũtwĩkĩra inya. O mũtegeeri wa mũthiũrũũnko nariũngagĩra biũthũrano ta 20, na agakara na kĩũthũrano kiumia kĩmwe, maita jaĩrĩ o mwaka. Twomba kũgunĩka na njĩra ĩnene kuumania na jarĩa ategeeri bakũrũkĩĩrĩte ũtũũrone, na kuumania na eekũrũ baao bethĩrwa bagũreene. Nĩ baciũmagia kũmenya bonthe, babaanake na babakũrũ, na nĩ bethagĩrwa na wendi kũgwatanĩra naatwĩ ũtungatĩrine na kwiritana na aritwa beetũ ba Bibiria. Nĩ bathithagia ndiũnga cia ũrĩĩthi amwe na akũrũ ba kĩũthũrano, na kinya bakarita ndwaria cia Bibiria injega na cia gũtwĩkĩra inya, mĩcemanione o na igomanone.—Mathithio 15:35.

Nĩ bamakagĩra antũ bonthe. Ategeeri ba mũthiũrũũnko nĩbamakagĩra kamma ũrĩa biũthũrano biĩtĩte na mbere gĩkĩrundu. Nĩbacemanagia na akũrũ na nthũũmba cia ũtungatĩri gũtegeera wĩĩti na mbere bwao, na kũbaa mataaro jagũtumĩka kĩrĩ kwiingia twaanya twao. Nĩbateethagĩĩria mapainia kũũmbana kĩrĩ ũtungatĩri bwao, na nĩbagwĩragua kũmenyana na barĩa bataakara mono kĩũthũranone, na bakagwĩrĩrua kwigua ũrĩa betĩĩte na mbere ndeene ya ũmma. O ũmwe wa ataana ba baaba bau aciejanaga atĩkũrĩyia arĩ ‘muriti ngugi niuntu bwetu.’ (2 Akorintho 8:23) Nĩ tũbuĩri kũthingata ngerekano yaao ya wĩtĩkio na kwiritanĩria kĩrĩ Mũrungu.—Ahibirania 13:7.

• Nĩkĩ gĩtũmaga ategeeri ba mũthiũrũũnko bariũngĩra biũthũrano?

• Nĩatĩa ũũmba kũgunĩka kuumania na ndiũnga yaao?