Mũrungu endaga tũtũũra na thĩĩrĩ na kũgwĩrĩrua paradiso nthĩgũrũne kenya na kenya!

No ũciũrie, ‘nĩatĩa ũntũ bũũ bũũmba gũkarĩka?’ Bibiria yuugaga atĩ Ũnene bwa Mũrungu bũgatũma ũntũ bũu bũkarĩke, na nĩ wendi bwa Mũrungu antũ bonthe bairitane mantũ jegiĩ Ũnene bũu, na mworoto jwawe kĩrĩ twĩ.—Zaburi 37:11, 29; Isaya 9:7.

Mũrungu endaga tũgunĩka.

O ta ũrĩa baaba ũmwega endagĩra mwana waawe mantũ jameega, Baaba weetũ wa ĩgũrũ endaga twĩthĩrwa na kũgwĩrua kenya na kenya. (Isaya 48:17, 18) Wĩrane bwawe nĩ atĩ “uria uthithagia uria Murungu eendaga agatuura kenya na kenya.”—1 Johana 2:17.

Mũrungu endaga twĩtĩĩra njĩrene ciawe.

Bibiria yuugaga atĩ Mũũmbi weetũ endaga ‘guturitana mantu ja njira ciawe’ nĩkenda tũũmba gwĩtĩĩra “twirigone twawe.” (Isaya 2:2, 3) Nathuranĩrĩte antu nĩũntũ bwa “riitwa riawe” nĩkenda bamenyithania wendi bwawe nthĩgũrũne yonthe.—Mathithio15:14.

Mũrungu endaga tũmũthaathayia tũgwatanĩrĩte.

Antũ a kwathũrana antũ, ũthaathayia bwa mma bwa Jehova bũbagwatithanagia ndeene ya wendo bwa mma. (Johana 13:35) Nĩ baaũ bakũritana antũ ba mĩthemba yonthe gũtumĩkĩra Mũrungu bagwatanĩrĩte naarua? Nĩtugũkũgwata ũgeni ũmenye nĩ baaũ gũkũrũkĩĩra broshua ĩjĩ.