Ri̇̃ri̇̃a wathooma ngacĩti, watega TV, kana wathikĩĩra kameeme, wigagua na ũkoona mantũ jamaingĩ ja uuni waatho, ndwaa, na ũgaidi. Mbuga kinya nũkũthangĩkua nĩ mũrimo kana gũkuĩrwa nĩ muntũ wendete.

Ask yourself:

• Ũũ nĩu Mũrungu endaga ũũni na nja yaakwa tũkara?

• Nĩkũ mpũmba kwona ũteethio bwa kũũmbana na mathĩĩna jaakwa?

• Gũkoroĩthĩrwa na thĩĩrĩ ya mma?

Bibiria nĩejanaga macookio ja mma kĩrĩ biũria biu.

• Antũ batĩcooka kaĩrĩ kwigua ũrũrũ, gũtindira, kana gũkua.​—Kugwurirwa 21:4

• “Muntu uria kithua akathungathunguthaga ta nkurungu.”​—Isaya 35:6

• “Metho ja atumumu jakamincuragua.”​—Isaya 35:5

•  Akuũ bagacookua mwoyo.​—Johana 5:28, 29

• Gũtĩwe ũkaajua kaĩrĩ.​—Isaya 33:24

• Bonthe nthĩgũrũne bakethĩrwa na bĩakũrĩa bibiingĩ.​—Zaburi 72:16

Nĩ bũbũũthũ kũthũgaania atĩ jarĩa wathooma tũratacine twa mbere twa iuku rĩrĩ nĩ mantũ ja kũthũgaanĩrua tu. Ĩndĩ Mũrungu neekĩte wĩrane bwa kũthithia mogarũrũku jau rua mono, na Bibiria nĩtaaragĩĩria ũrĩa akathithia ũu.

Bibiria nĩthithagia nkũrũki ya bũu. Nĩtwĩraga kĩrĩa tũkũbatara kenda twĩthĩrwa na gĩkeno kĩa mma na kũgwĩrĩrua ũtũũro nandĩ. Thũgaanĩria aniini mantũ jarĩa jatũmaga ũcuumbũka. No jeethĩrwe jarĩ ta mbeca, mantũ ja nja, mbajua, kana gĩkuũ kĩa muntũ wendete. Bibiria yomba gũgũteethia kũũmbana na mathĩĩna jaja, na yomba gũkũbooreria gũkũrũkĩĩra gũgũcookeria biũria ta bibi:

• Nĩkĩ tũthangĩkaga?

• Nĩatĩa tũũmba kũũmbana na mathĩĩna jeetũ?

• Nja cietũ ciomba kwĩthĩrwa na kũgwĩrua?

• Nĩatĩa gũkarĩkaga kĩrĩ twĩ rĩrĩa twakua?

• Tũkoroona eendwa beetũ barĩa bakuĩte?

• Nĩkĩ tũũmba gwĩtĩkia atĩ Mũrungu akathithia jarĩa jonthe eranĩrĩte?

 Ũmma bwa atĩ nũkũthooma iuku rĩrĩ, nĩkwonania nũkwenda kũmenya jarĩa Bibiria ĩritanaga. Iuku rĩrĩ rĩgagũteethia. Kĩrĩ o gĩcuncĩ kũrĩ na biũria birĩa bigagũteethia gũciũkĩrwa nĩ Bibiria nkũrũki. Mamirioni ja antũ nĩbagwĩrĩrĩtue kwarĩĩria Bibiria amwe na Akũũjĩ ba Jehova. Nĩtũkwĩrĩgĩĩra kinya gwe ũkagwĩrĩrua. Mũrungu arokũtharima o ũrĩa ũgwĩta ũkĩmenyaga jarĩa Bibiria yũũmba gũkũritan!