1. Nĩ biewa birĩkũ tweei nĩ Jesũ?

 HAKUNA mwanadamu ambaye amewahi kuwa mkarimu kama Yesu. Alipokuwa duniani, mara nyingi alitumia uwezo wake wa kufanya miujiza ili kuwasaidia wengine. (Luka 9:​12-17) Alipotoa uhai wake kwa ajili yetu, alitoa zawadi kubwa zaidi kuwahi kutolewa. (Yoh. 15:13) Tangu alipofufuliwa, Yesu ameendelea kuonyesha ukarimu. Kama tu alivyoahidi, amemwomba Yehova atupatie roho yake takatifu ili itufundishe na kutufariji. (Yoh. 14:​16, 17, maelezo ya chini; 16:13) Na kupitia mikutano yetu ya kutaniko, Yesu anaendelea kutupatia tunachohitaji ili tuweze kufanya wanafunzi duniani kote.—Mt. 28:​18-20.

2. Nĩ baaũ tũrĩ nabo barĩ “biewa” ota ũrĩa kwonanĩtue kĩrĩ Aefeso 4:​7, 8?

² Fikiria zawadi nyingine kutoka kwa Yesu. Mtume Paulo aliandika kwamba baada ya Yesu kupanda kwenda mbinguni, “alitoa wanaume kuwa zawadi.” (Soma Waefeso 4:​7, 8.) Paulo alieleza kwamba Yesu alitoa zawadi hizo ili kulitegemeza kutaniko katika njia mbalimbali. (Efe. 1:​22, 23; 4:​11-13) Leo, ‘wanaume hao walio zawadi’ wanatia ndani watumishi wa huduma, wazee wa kutaniko, na waangalizi wa mzunguko. a Bila shaka, wanaume hao si wakamilifu, hivyo wanafanya makosa. (Yak. 3:2) Lakini Bwana wetu Yesu Kristo anawatumia ili kutusaidia; wao ni zawadi kutoka kwake.

3. Ejana ngerekano ya ũrĩa tũũmba kũgwata mbaru barĩa barĩ “biewa” gatĩgatĩne geetũ.

³ Yesu aliwapa ‘wanaume hao walio zawadi’ mgawo wa kulijenga kutaniko. (Efe. 4:12) Lakini sisi wengine tunaweza pia kuwasaidia kutimiza jukumu hilo muhimu. Fikiria mfano huu:  Baadhi ya watu wanahusika moja kwa moja katika ujenzi wa Jumba la Ufalme. Wengine wanaunga mkono kazi hiyo kwa kuandaa chakula, usafiri, na huduma nyingine. Vivyo hivyo, sisi sote tunaweza kuunga mkono jitihada za watumishi wa huduma, wazee wa kutaniko, na waangalizi wa mzunguko kupitia mambo tunayosema na kufanya. Acheni tuchunguze jinsi tunavyonufaika kutokana na kazi yao ngumu na jinsi tunavyoweza kuonyesha kwamba tunawathamini wao na pia Yesu ambaye alitupatia ‘wanaume hao walio zawadi.’

NTHŨMBA CIA ŨTUNGATĨRĨ NĨBARITAGA NGŨGĨ CIA “GUTETHEERIA”

4. Nĩ ngũgĩ irĩkũ imwe cia “gutetheeria”, nthũmba cia ũtungatĩrĩ baarĩtaga ĩgiita rĩa karine ya mbere?

⁴ Katika karne ya kwanza, baadhi ya akina ndugu waliwekwa rasmi kuwa watumishi wa huduma. (1 Tim. 3:8) Inaelekea kwamba wao ndio waliotoa “huduma za kusaidia” ambazo Paulo aliandika kuhusu. (1 Kor. 12:28) Inaonekana kwamba watumishi wa huduma walishughulikia kazi mbalimbali zilizohitaji kufanywa ili wazee waweze kukazia fikira kufundisha na kazi ya uchungaji. Kwa mfano, huenda watumishi wa huduma walisaidia kutokeza nakala za Maandiko au kununua bidhaa zilizohitajika kwa ajili ya kutokeza nakala hizo.

5. Nĩ ngũgĩ irĩkũ imwe cia gutetheeria, nthũmba cia ũtungatĩrĩ barĩtaga ntukũne cietũ?

⁵ Fikiria baadhi ya huduma za kusaidia ambazo watumishi wa huduma hufanya katika kutaniko lako. (1 Pet. 4:10) Huenda wakapewa mgawo wa kutunza maeneo au hesabu za kutaniko, kuagiza machapisho kwa ajili ya kutaniko, kushughulikia mfumo wa sauti na video, kuwa wakaribishaji, au kusaidia katika udumishaji wa Jumba la Ufalme. Huduma hizo ni muhimu ili shughuli za kutaniko zifanywe kwa utaratibu. (1 Kor. 14:40) Isitoshe, baadhi ya watumishi wa huduma hushughulikia migawo katika Mkutano wa Huduma na Maisha na kutoa hotuba za watu wote. Pia, mtumishi wa huduma anaweza kupewa mgawo wa kuwa msaidizi wa mwangalizi wa kikundi. Nyakati nyingine, watumishi wa huduma wanaostahili wanaweza kujiunga na wazee wanapoenda kwenye ziara za uchungaji.

6. Nĩ itũmi birĩkũ tũrĩna bio bia gucookeria nkaatho nthũmba cia ũtungatĩrĩ, barĩa baritaga ngũgĩ na wĩru?

⁶ Kazi ambayo watumishi wa huduma wanafanya inalinufaishaje kutaniko? Dada kutoka nchini Bolivia anayeitwa Beberly, b anasema hivi: “Kwa sababu ya watumishi wetu wa huduma, ninafurahia kikamili mikutano yetu. Kwa sababu ya kazi yao, ninaweza kuimba, kutoa maelezo yangu, kusikiliza hotuba, na kujifunza kutokana na video na picha. Wanashughulikia usalama wetu na wanasaidia kuwaunganisha wengine kwenye mikutano kupitia video kwa njia ya mtandao. Baada ya mkutano, wako mstari wa mbele katika kazi ya kusafisha jumba, wanasaidia kutunza hesabu, na kuhakikisha kwamba tuna machapisho ambayo tunahitaji.” Leslie, anayeishi nchini Kolombia na ambaye mume wake ni mzee wa kutaniko, anasema hivi: “Ninawathamini sana! Mume wangu anawategemea watumishi wa huduma washughulikie migawo mbalimbali. Bila msaada wao, angekuwa na shughuli nyingi sana, hivyo ninawashukuru sana kwa shauku yao na utayari wao wa kusaidia.” Bila shaka, maneno hayo yanaonyesha jinsi wewe pia unavyohisi.—1 Tim. 3:13.

7. Nĩatĩa tũũmba kwonania nkaatho tontũ bwa nthũmba cia ũtungatĩrĩ? (Tega kinya mbica.)

⁷ Ingawa huenda tukawa na hisia za shukrani kuelekea watumishi wa huduma, Biblia inatuhimiza: ‘Tujionyeshe kuwa wenye shukrani.’  (Kol. 3:15) Krzysztof, mzee wa kutaniko kutoka nchini Finland, anawaonyesha shukrani watumishi wa huduma kwa njia ifuatayo, anasema hivi: “Ninawatumia kadi au ujumbe wa simu wenye nukuu ya andiko au ninataja njia hususa ambayo mtumishi wa huduma amenitia moyo au ninataja kwa nini ninathamini kazi yake.” Pascal na Jael, wanaoishi katika kisiwa cha New Caledonia, wanasali kihususa kwa ajili wa watumishi wa huduma. Pascal anaeleza hivi: “Hivi karibuni, maombi, dua, na sala zetu za shukrani zimekuwa kuwahusu ndugu hao waliowekwa rasmi katika kutaniko letu.” Yehova husikiliza sala kama hizo, na matokeo ni kwamba kutaniko zima linanufaika.—2 Kor. 1:11.

AKŨRŨ BA KĨŨTHŨRANO BARITAGA “NGUGI” NA WĨRU MONO GATĨGATĨNE GEETŨ

8. Nĩkĩ Paũlũ aaugĩre atĩ akũrũ ba kagiita ga karine ya mbere, nĩbaaritaga “ngugi” na wĩru? (1 Athesalonike 5:​12, 13)

⁸ Wazee katika karne ya kwanza walifanya kazi kwa bidii kwa ajili ya kutaniko. (Soma 1 Wathesalonike 5:​12, 13; 1 Tim. 5:17) Walikuwa ‘wakilisimamia’ kutaniko—wakiongoza mikutano na kufanya maamuzi wakiwa baraza la wazee. Walikuwa ‘wakiwaonya’ ndugu na dada zao—wakiwapatia shauri hususa lakini kwa njia yenye upendo ili kulilinda kutaniko. (1 The. 2:​11, 12; 2 Tim. 4:2) Bila shaka, wanaume hao pia walifanya kazi kwa bidii ili kuandalia familia zao na kudumisha hali yao ya kiroho ikiwa imara.—1 Tim. 3:​2, 4; Tito 1:​6-9.

9. Nĩ ngũgĩ irĩkũ imwe akũrũ ba kĩũthũrano baritaga narũa?

⁹ Leo, wazee wa kutaniko wana shughuli nyingi. Wao ni waeneza-injili. (2 Tim. 4:5) Wanatuwekea mfano mzuri wa kuhubiri kwa bidii, wanapanga kazi ya kuhubiri katika maeneo yetu, na wanatuzoeza kuhubiri na kufundisha kwa njia yenye matokeo. Pia, wanatumikia wakiwa waamuzi wenye rehema na wasio na ubaguzi. Mkristo anapotenda dhambi nzito, wazee wanajitahidi kumsaidia arekebishe uhusiano wake pamoja na Yehova. Na wakati uleule, wanakuwa waangalifu ili wadumishe usafi wa kutaniko. (1 Kor. 5:​12, 13; Gal. 6:1) Zaidi ya yote, wazee ni wachungaji. (1 Pet. 5:​1-3) Wanatoa hotuba za Kimaandiko zilizotayarishwa vizuri, wanajitahidi kumfahamu kila mtu kutanikoni, na kufanya ziara za uchungaji. Pia, baadhi ya wazee wanasaidia katika ujenzi na udumishaji wa Majumba ya Ufalme, kupanga makusanyiko ya eneo, na katika Halmashauri za Uhusiano na Hospitali na Vikundi vya Kuwatembelea Wagonjwa, pamoja na migawo mingine. Wazee wanafanya kazi kwa bidii kwa ajili yetu!

10. Tũrĩna itũmi birĩkũ bĩa kwonania nkaatho tontũ bwa akũrũ ba kĩũthũrano, barĩa barĩtaga ngũgĩ na wĩru?

¹⁰ Yehova alitabiri kwamba wachungaji wangetutunza vizuri na ‘hatungeogopa tena wala kuwa na hofu.’ (Yer. 23:4) Johanna, dada anayeishi nchini Finland, alijionea ukweli wa maneno hayo mama yake alipopata ugonjwa mbaya. Anasema hivi: “Ingawa si rahisi kwangu kuwaeleza wengine jinsi ninavyohisi, mzee mmoja ambaye sikumfahamu vizuri sana alinionyesha subira, alisali pamoja nami, na kunihakikishia kwamba Yehova ananipenda. Sikumbuki kihususa mambo aliyosema, lakini ninakumbuka nikihisi nikiwa salama. Ninaamini kwamba Yehova alimtuma ili anisaidie kwa wakati uliofaa kabisa.” Wazee katika kutaniko lako wamekusaidiaje?

11. Nĩatĩa tũũmba kwonania nkaatho tontũ bwa akũrũ ba kĩũthũrano? (Tega kinya mbica.)

¹¹ Yehova anataka tuwaonyeshe wazee kwamba tunawathamini kutoka moyoni “kwa sababu ya kazi yao.” (1 The. 5:​12, 13) Henrietta, ambaye pia anaishi nchini Finland, anasema  hivi: “Wazee wanawasaidia wengine kwa hiari, lakini hilo halimaanishi kwamba wana muda na nguvu za ziada au kwamba hawakabili matatizo maishani mwao. Pindi fulani, mimi huwaambia hivi: ‘Unajua nini? Wewe ni mzee mzuri sana. Natumaini unajua hilo.’” Dada kutoka nchini Uturuki anayeitwa Sera, anasema hivi: “Wazee wanahitaji kitia moyo ili waendelee kufanya kazi yao. Hivyo, tunaweza kuwaandikia kadi, kuwaalika kwa ajili ya mlo, au kushiriki nao katika huduma ya shambani.” Je, kuna mzee yeyote ambaye kihususa unathamini jitihada zake? Tafuta njia za kumwonyesha kwamba unathamini jitihada zake.—1 Kor. 16:18.

ATEGEERI BA MŨTHIŨRŨKO NĨBATWĨKAGĨRA INYA

12. Nĩ mũbango jũrĩkũ jwatumagĩrwa gwĩkĩra biũthũrano inya, kagiitene ga karine ya mbere? (1 Athesalonike 2:​7, 8)

¹² Pia, Kristo Yesu alilipatia kutaniko ‘wanaume walio zawadi’ ambao wangetumikia kwa njia nyingine. Chini ya mwongozo wa Yesu, wazee huko Yerusalemu walimtuma Paulo, Barnaba, na wengine wakiwa waangalizi wanaosafiri. (Mdo. 11:22) Kwa nini? Ili kuyajenga makutaniko—sababu ileile ya kuwaweka rasmi watumishi wa huduma na wazee. (Mdo. 15:​40, 41) Wanaume hao walijidhabihu kwa njia nyingi ili kufanya kazi hiyo, na hata walihatarisha uhai wao ili kuwafundisha na kuwatia moyo wengine.—Soma 1 Wathesalonike 2:​7, 8.

13. Nĩ ngũgĩ irĩkũ imwe ategeeri ba mũthiũrũko bathithagia?

¹³ Muda mwingi waangalizi wa mzunguko wako safarini. Baadhi yao wanasafiri mamia ya kilomita kutoka kutaniko moja kwenda lingine. Kila juma, mwangalizi wa mzunguko anatoa hotuba kadhaa, anafanya ziara za uchungaji, na kuongoza mkutano wa mapainia, mkutano wa wazee, na mikutano ya utumishi  wa shambani. Anatayarisha hotuba na kupanga makusanyiko ya mzunguko na ya eneo. Anafundisha shule za mapainia, anapanga mikutano ya pekee pamoja na mapainia katika mzunguko, na kushughulikia migawo mingine—nyakati nyingine inayopaswa kufanywa kwa uharaka—ambayo anapewa na ofisi ya tawi.

14. Tũrĩna itũmi birĩkũ bĩa kwonania nkaatho tontũ bwa ategeeri ba mũthiũrũko, barĩa barĩtaga ngũgĩ na wĩru?

¹⁴ Makutaniko yananufaikaje kutokana na kazi yenye thamani ya waangalizi wa mzunguko? Akizungumzia kuhusu ziara za mwangalizi wa mzunguko, ndugu nchini Uturuki alisema hivi: “Kila ziara hunichochea kutumia muda mwingi zaidi kuwasaidia akina ndugu na dada. Nimekutana na waangalizi wengi wa mzunguko; lakini, hakuna hata mmoja ambaye alionekana kuwa mwenye shughuli nyingi sana hivi kwamba hawezi kufikika.” Johanna, aliyetajwa awali, alihubiri pamoja na mwangalizi, lakini hawakumkuta mtu yeyote nyumbani. Anasema hivi: “Ingawa hivyo, sitasahau kamwe siku hiyo. Dada zangu wawili wa kimwili walikuwa wamehama karibuni, na niliwakosa sana. Mwangalizi wa mzunguko alinitia moyo na kunisaidia kukumbuka kwamba sasa katika utumishi wa Yehova huenda tusiweze kuishi karibu na watu wa familia na marafiki, lakini katika ulimwengu mpya tutakuwa na fursa nyingi sana za kutumia wakati pamoja nao.” Kwa sababu ya pindi kama hizo, wengi wetu tuna kumbukumbu nzuri za kushirikiana na waangalizi wetu wa mzunguko.—Mdo. 20:37–21:1.

15. (a) Kũringana na 3 Johana 5-8, nĩatĩa tũũmba kwonania nkaatho tontũ bwa ategeeri ba mũthiũrũko? (Tega kinya mbica.) (b) Nĩkĩ tũbwĩrĩte kwonania nkaatho tontũ bwa eekũrũ ba antũ arũme barĩa bathuuri, na nĩatĩa tũũmba kũthithia ũu? (Tega kathandũkũ “ Wakumbukeni Wake Zao.”)

¹⁵ Mtume Yohana alimtia moyo Gayo awakaribishe akina ndugu waliokuja kutembelea kutaniko na “[ashughulikie] safari yao kwa njia  inayomfaa Mungu.” (Soma 3 Yohana 5-8.) Njia moja ya kufanya hivyo ni kwa kumkaribisha mwangalizi wa mzunguko kwa ajili ya mlo. Njia nyingine ni kwa kuunga mkono mipango ya utumishi wa shambani wakati wa ziara yake. Leslie, aliyenukuliwa awali, anaonyesha shukrani zake kwa njia nyingine pia. Anasema hivi: “Ninamwomba Yehova awatimizie mahitaji yao. Pia, mimi na mume wangu tumewaandikia barua na kuwaeleza jinsi ziara zao zinavyotusaidia.” Kumbuka kwamba waangalizi wa mzunguko hawana uwezo unaopita wa wanadamu. Nyakati nyingine, wanapata magonjwa, wanakuwa na mahangaiko, na hata wanavunjika moyo. Huenda maneno yako yenye fadhili au zawadi fulani ikawa jibu la sala aliyotoa mwangalizi wako wa mzunguko!—Met. 12:25.

NĨTŨKŨBATARA ANTŨ ARŨME BARĨ “BIEWA”

16. Kũringana na Njuno 3:​27, nĩ ta biũria birĩkũ ataana ba baaba babuĩrĩte gũciũria?

¹⁶ Ulimwenguni kote, tunahitaji ndugu zaidi ili watumikie wakiwa ‘wanaume walio zawadi.’ Ikiwa wewe ni ndugu uliyebatizwa, je, ‘una uwezo wa kusaidia’? (Soma Methali 3:27.) Je, uko tayari kustahili kutumikia ukiwa mtumishi wa huduma? Je, unaweza kujitoa ili kushughulikia mahitaji ya ndugu zako ukiwa mzee wa kutaniko? c Je, unaweza kufanya mabadiliko maishani mwako ili uweze kujaza ombi la kuhudhuria Shule ya Waeneza-Injili wa Ufalme? Shule hiyo itakupatia ustadi unaohitaji ili kutumiwa kikamili zaidi na Yesu. Ikiwa unahisi hustahili, sali kwa Yehova. Mwombe akupatie roho takatifu ili ikusaidie kufanya mgawo wowote unaopewa kwa mafanikio.—Luka 11:13; Mdo. 20:28.

17. Nĩ ũntũ bũrĩkũ “biewa” bibi bĩkũrikithia bwegie Mũnene weetũ, Jesũ Kristũ?

¹⁷ Akina ndugu ambao Yesu amewaweka kuwa ‘wanaume walio zawadi’ ni uthibitisho wa kwamba amekuwa akituongoza katika siku hizi za mwisho. (Mt. 28:20) Je, hushukuru kwamba tuna Mfalme ambaye anatupenda, ni mkarimu, anatujali na anatupatia wanaume wanaostahili ili watutunze? Basi, tafuta nafasi za kuonyesha kwamba unawathamini wanaume hao wenye bidii. Na usiache kamwe kumshukuru Yehova ambaye ni Chanzo kikuu cha “kila zawadi njema na kila tuzo kamilifu.”—Yak. 1:17.