1. Nĩkĩ wigagua wendete antũ barĩa barĩ weteeri?

 SISI sote tunapenda kushirikiana na watu wenye subira. Kwa nini? Tunawaheshimu watu ambao wanaweza kusubiri kwa ajili ya jambo fulani bila kukasirika. Tunashukuru wengine wanapotuonyesha subira tunapokosea. Na tunashukuru kwamba ndugu au dada aliyetufundisha Biblia alituonyesha subira tulipokuwa tukipambana kujifunza, kukubali, na kuishi kulingana na fundisho fulani la Biblia. Na zaidi ya yote, tunashukuru kwamba Yehova Mungu ni mwenye subira kutuelekea!—Rom. 2:4.

2. Nĩ mantũne ta jarĩkũ tũũmba kwona bũrĩ bũbũũmũ kwĩthĩrwa na weteeri?

² Ingawa tunafurahi kushirikiana na watu wenye subira, huenda isiwe rahisi sikuzote sisi wenyewe kuonyesha subira. Kwa mfano, huenda ikawa vigumu kwetu kuwa watulivu tunapolazimika kusubiri kwenye foleni ndefu ili kupata huduma fulani, hasa ikiwa tumechelewa. Huenda tukakasirika wengine wanapofanya jambo linalotuudhi. Na wakati mwingine, inaweza kuwa vigumu kwetu kuendelea kuusubiri ulimwengu mpya ambao Yehova ametuahidi. Je, ungependa kuwa mwenye subira zaidi? Katika makala hii, tutachunguza jinsi tunavyoweza kuwa wenye subira na kwa nini sifa hiyo ni muhimu sana. Pia, tutachunguza mambo yanayoweza kutusaidia kuwa wenye subira zaidi.

3. Nĩatĩa muntũ arĩ na weteeri athithagia rĩrĩa athũũrua?

³ Fikiria njia nne ambazo tunaweza kuonyesha subira. Kwanza, mtu mwenye subira si mwepesi wa hasira. Anajitahidi kuwa mtulivu na anajizuia asikasirike wengine wanapomuudhi au anapokuwa chini ya mkazo. Maneno “si mwepesi wa hasira”  yanapatikana mara ya kwanza katika Biblia Yehova anapofafanuliwa kuwa “Mungu mwenye rehema na huruma, si mwepesi wa hasira, [na mwenye] upendo mwingi mshikamanifu na kweli.”​—Kut. 34:6.

4. Nĩatĩa muntũ arĩ na weteeri athithagia rĩrĩa ũntũ bwacererwa?

⁴ Pili, mtu mwenye subira anaweza kungoja kwa utulivu. Anapolazimika kungoja jambo fulani kwa muda mrefu zaidi kuliko alivyotarajia, mtu mwenye subira anajitahidi kuwa mtulivu na hakasiriki. (Mt. 18:26, 27) Kuna hali nyingi ambazo tunahitaji kungoja kwa utulivu. Kwa mfano, tunahitaji kusikiliza kwa subira mtu fulani anapozungumza bila kumkatiza. (Ayu. 36:2) Pia, huenda tukahitaji kuwa wenye subira tunapomsaidia mwanafunzi aelewe fundisho fulani la Biblia au ashinde zoea fulani lisilofaa.

5. Nĩ njĩra ĩrĩkũ ĩngĩ tũũmba kwonania nayo weteeri?

⁵ Tatu, mtu mwenye subira hatendi haraka-haraka bila kufikiri. Ni kweli kwamba katika hali fulani tunahitaji kutenda upesi. Hata hivyo, mtu mwenye subira anapohitaji kufanya jambo muhimu, haanzi kulifanya papo hapo, wala halifanyi haraka-haraka. Badala yake, anatenga muda wa kutosha ili kujitayarisha vizuri. Kisha anafanya jambo hilo kwa muda unaohitajika.

6. Nĩatĩa muntũ arĩ na weteeri athithagia rĩrĩa agũkũrũkĩĩra magerio kana mantũ jamoomũ?

⁶ Nne, mtu mwenye subira anajitahidi kukabiliana na majaribu bila kulalamika. Katika kisa hiki, sifa ya subira inahusiana sana na uvumilivu. Bila shaka, si kosa kuzungumza na rafiki wa karibu na kumweleza jinsi tunavyohisi kuhusu jaribu fulani. Hata hivyo, mtu mwenye subira atajitahidi kabisa kuendelea kuvumilia huku akidumisha mtazamo unaofaa. (Kol. 1:11) Tukiwa Wakristo, tunahitaji kuonyesha subira kwa njia hizo zote. Kwa nini? Acheni tuchunguze sababu kadhaa.

7. Kũringana na Jakubu 5:7, 8, nĩkĩ weteeri bũrĩ ũntũ bwa gĩtũmi mono? (Tega kinya mbica.)

⁷ Tunahitaji kuwa wenye subira ili tuokolewe. Kama watumishi waaminifu walioishi zamani, tunahitaji kumngojea Mungu kwa subira ili atimize ahadi zake. (Ebr. 6:11, 12) Biblia inalinganisha hali yetu na hali ya mkulima. (Soma Yakobo 5:7, 8.) Mkulima anajitahidi sana kupanda na kutia maji kwenye mimea yake, lakini hajui wakati hususa ambapo mimea hiyo itakua. Basi, mkulima anangojea kwa subira, akitumaini kwamba atavuna mazao. Vivyo hivyo, tunashiriki katika mambo ya kiroho kwa bidii ingawa ‘hatujui Bwana wetu atakuja siku gani.’ (Mt. 24:42) Tunangoja kwa subira, tukiwa na uhakika kwamba kwa wakati unaofaa, Yehova atatimiza mambo yote ambayo ametuahidi. Ikiwa tutakosa subira, huenda tukachoka kungoja na kuanza kumwacha Yehova hatua kwa hatua. Pia, huenda tukaanza kufuatilia mambo ambayo yatatupa furaha ya muda mfupi. Lakini ikiwa tuna subira, tunaweza kuvumilia hadi mwisho na kuokolewa.​—Mika 7:7; Mt. 24:13.

8. Nĩatĩa weteeri bũtũtethagia gũkaranĩria na antũ bangĩ? (Akolosai 3:12, 13)

⁸ Kuwa wenye subira kunatusaidia tunaposhughulika na wengine. Hutusaidia kuwasikiliza wengine kwa makini wanapozungumza. (Yak. 1:19) Pia, subira huendeleza amani. Hutulinda dhidi ya kutenda haraka-haraka na kusema jambo lisilo la fadhili tunapokuwa na mkazo. Na ikiwa tuna subira, hatutakuwa wepesi wa hasira mtu fulani anapotukasirisha. Badala ya kulipiza kisasi, ‘tutaendelea kuvumiliana na kusameheana kwa hiari.’​—Soma Wakolosai 3:12, 13.

9. Nĩatĩa weteeri bũtũtethagia rĩrĩa tũkũbatara gũtua matua? (Njuno 21:5)

⁹ Pia, subira inaweza kutusaidia kufanya maamuzi mazuri. Badala ya kutenda haraka-haraka au kuongozwa na hisia, tutatumia muda kufanya utafiti na kuchanganua maamuzi mbalimbali tunayoweza kufanya. (Soma Methali 21:5.) Kwa mfano, ikiwa tunatafuta kazi, huenda tukashawishiwa kukubali kazi ya kwanza ambayo tunapata, hata ikiwa kazi hiyo itavuruga ibada yetu kwa Yehova. Hata hivyo, ikiwa tuna subira tutatumia muda kuchunguza mambo kama vile umbali, saa tutakazotumia kazini, na jinsi kazi hiyo itakavyoathiri familia yetu na hali yetu ya kiroho. Tunapokuwa na subira, tunaweza kuepuka kufanya uamuzi mbaya.

10. Nĩatĩa Mũkristũ oomba kũthithia nĩkenda akũria nkuma ya weteeri na amĩtũũria?

¹⁰ Sali ili uwe mwenye subira zaidi. Subira ni moja kati ya sifa za tunda la roho. (Gal. 5:22, 23) Basi, tunaweza kusali ili tupate roho takatifu na kumwomba Yehova atusaidie kusitawisha sifa za tunda la roho. Tunapokabili hali inayofanya iwe vigumu kwetu kuwa wenye subira, ‘tunaendelea kuomba’ tupewe roho takatifu ili itusaidie kuwa wenye subira. (Luka 11:9, 13) Pia, tunaweza kumwomba Yehova atusaidie kuona mambo kulingana na maoni yake. Kisha, baada ya kusali, tunapaswa kujitahidi kabisa kuonyesha subira kila siku. Kadiri tunavyosali ili tuwe na subira na kujitahidi kuwa wenye subira, ndivyo sifa hiyo itakavyozidi kutia mizizi katika mioyo yetu na kuwa sehemu ya utu wetu.

11-12. Nĩatĩa Jehova onanĩtie weteeri?

¹¹ Tafakari mifano iliyo katika Biblia. Biblia ina mifano ya watu wengi ambao walikuwa na subira. Tunapotafakari kuhusu masimulizi hayo, tunaweza kujifunza njia za kuonyesha subira. Kabla ya kuchunguza mifano hiyo,  acheni tuzungumzie mfano bora kabisa wa Yehova wa kuonyesha subira.

¹² Katika bustani ya Edeni, Shetani alilichongea jina la Yehova na akatokeza shaka ikiwa kweli Yehova ni Mtawala mwenye haki na mwenye upendo. Badala ya kumwangamiza papo hapo mchongezi huyo, Yehova alionyesha sifa ya subira na kujizuia, akijua kwamba muda ungehitaji kupita ili kuthibitisha kwamba utawala Wake ndio bora. Na anapoendelea kusubiri, amevumilia suto ambayo jina lake limeletewa. Isitoshe, Yehova amekuwa akingoja kwa subira ili watu wengi zaidi wapate nafasi ya kupata uzima wa milele. (2 Pet. 3:9, 15) Matokeo ni kwamba mamilioni ya watu wamejifunza kumhusu. Ikiwa tutakazia fikira manufaa ya subira ya Yehova, inaelekea kwamba itakuwa rahisi zaidi kwetu kusubiri hadi wakati ambapo ataleta mwisho.

13. Nĩatĩa Jesũ aigerekanĩtie bwega buru na weteeri bwa Ĩthe? (Tega kinya mbica.)

¹³ Yesu anaiga kikamilifu subira ya Baba yake, na alionyesha sifa hiyo alipokuwa duniani. Haikuwa rahisi sikuzote kwake kuonyesha subira, hasa kuwaelekea waandishi na Mafarisayo waliokuwa wanafiki. (Yoh. 8:25-27) Ingawa hivyo, kama Baba yake, Yesu hakuwa mwepesi wa hasira. Hakulipiza kisasi alipotukanwa au kuchokozwa. (1 Pet. 2:23) Yesu alivumilia majaribu kwa subira bila kulalamika. Ndiyo maana Biblia inatuambia hivi: “Mfikirieni sana yule ambaye amevumilia maneno makali kama hayo kutoka kwa watenda dhambi”! (Ebr. 12:2, 3) Kwa msaada wa Yehova, sisi pia tunaweza kuvumilia kwa subira majaribu yoyote ambayo tutakabili.

14. Nĩmbi tũũmba kwiritana kuumania na weteeri bwa Iburahimu? (Ahibirania 6:15) (Tega kinya mbica.)

¹⁴ Namna gani ikiwa mwisho unaonekana  kuwa mbali kuliko tulivyotarajia? Labda tulitarajia kwamba tayari mwisho ungekuwa umefika muda mrefu uliopita. Huenda tukawa na wasiwasi kwamba mwisho hautafika tukiwa hai. Ni nini kinachoweza kutusaidia tuendelee kungojea kwa subira? Fikiria mfano wa Abrahamu. Abrahamu alipokuwa na umri wa miaka 75 na bila mtoto, Yehova alimwahidi hivi: “Nitakufanya kuwa taifa kubwa.” (Mwa. 12:1-4) Je, Abrahamu aliona ahadi hiyo ikitimizwa? Hakuona ikitimizwa kikamili. Baada ya kuvuka Mto Efrati na kusubiri kwa miaka 25, Abrahamu aliona mwana wake, Isaka, akizaliwa kimuujiza, na baada ya miaka mingine 60, wajukuu wake, Esau na Yakobo walizaliwa. (Soma Waebrania 6:15.) Lakini Abrahamu hakuona kamwe wazao wake wakiwa taifa kubwa na kurithi Nchi ya Ahadi. Hata hivyo, mwanamume huyo mwaminifu alifurahia urafiki wa karibu pamoja na Muumba wake. (Yak. 2:23) Na Abrahamu atakapofufuliwa, atasisimka sana kujua kwamba imani na subira yake ilitokeza baraka kwa mataifa yote! (Mwa. 22:18) Somo ni nini? Huenda sisi binafsi hatutaona ahadi zote za Yehova zikitimizwa moja kwa moja. Hata hivyo, ikiwa tutakuwa wenye subira kama Abrahamu, tunaweza kuwa na uhakika kwamba Yehova atatuthawabisha sasa na kwa njia kubwa hata zaidi katika ulimwengu mpya alioahidi.​—Marko 10:29, 30.

15. Nĩ ũntũ ta bũrĩkũ tũũmba gũcũnkũũna ĩgiita rĩa wiritani bwetũ twingwa?

¹⁵ Biblia ina mifano mingine mingi ya watu walioonyesha subira. (Yak. 5:10) Kwa nini usijiwekee lengo la kufanya utafiti kuhusu mifano ambayo watu hao walituwekea? b Kwa mfano,  ingawa Daudi alitiwa mafuta alipokuwa na umri mdogo ili awe mfalme wa wakati ujao wa Israeli, alisubiri kwa miaka mingi kabla ya kuanza kutawala akiwa mfalme. Simeoni na Ana walimwabudu Yehova kwa uaminifu walipokuwa wakimsubiri Masihi aliyeahidiwa. (Luka 2:25, 36-38) Unapochunguza masimulizi hayo, tafuta majibu ya maswali yafuatayo: Ni nini ambacho huenda kilimsaidia mtu huyo awe mwenye subira? Alinufaikaje kwa kuonyesha subira? Ninawezaje kumwiga? Huenda pia ukanufaika kwa kujifunza kutokana na wale ambao hawakuonyesha subira. (1 Sam. 13:8-14) Unaweza kujiuliza hivi: ‘Ni nini kilichofanya wakose subira? Walipatwa na matokeo gani mabaya?’

16. Baita imwe cia kwĩthĩrwa na weteeri nĩ irĩkũ?

¹⁶ Fikiria manufaa ya kuonyesha subira. Tunapoonyesha subira, tunakuwa wenye furaha na watulivu zaidi. Hivyo, subira inaweza kutusaidia tuwe na hali nzuri kiakili na kimwili. Tunapowaonyesha wengine subira, tunakuwa na uhusiano mzuri zaidi pamoja nao. Kutaniko letu linakuwa na umoja zaidi. Ikiwa mtu fulani atatuudhi, hatutakasirika upesi na hivyo tutazuia hali isiwe mbaya zaidi. (Zab. 37:8, maelezo ya chini; Met. 14:29) Lakini jambo muhimu zaidi, tunapokuwa na subira, tunamwiga Baba yetu wa mbinguni na kumkaribia hata zaidi.

17. Nĩ ũntũ bũrĩkũ tũbuĩrĩte kũthithia?

¹⁷ Subira ni sifa yenye kupendeza na ambayo inatunufaisha sana! Ingawa huenda isiwe rahisi sikuzote kuonyesha subira, kwa msaada wa Yehova tunaweza kuendelea kusitawisha sifa hiyo. Na tunapoendelea kuungoja ulimwengu mpya kwa subira, tunaweza kuwa na uhakika kwamba “jicho la Yehova linawalinda wale wanaomwogopa, wale wanaongojea upendo wake mshikamanifu.” (Zab. 33:18) Acheni sisi sote tuazimie kuendelea kujivika subira.