1. Nĩatĩa tũũmba gũtumĩra kagiita amwe na Jehova?

 TUNAPENDA kutumia wakati pamoja na watu tunaowapenda. Wenzi wa ndoa wenye furaha wanafurahia sana kutumia wakati pamoja jioni. Vijana wanafurahi kushirikiana na rafiki zao wa karibu. Na sisi sote tunafurahia kutumia wakati pamoja na waamini wenzetu. Hata hivyo, jambo muhimu zaidi ni kwamba tunapenda kutumia wakati pamoja na Mungu wetu. Tunaweza kufanya hivyo kwa kusali kwake, kusoma Neno lake, na kutafakari kusudi lake na sifa zake maridadi. Wakati tunaotumia pamoja na Yehova una thamani sana!​—Zab. 139:17.

2. Tũcemanagia na mathĩĩna jarĩkũ?

² Ingawa tunafurahia kutumia wakati pamoja na Yehova, tunakabili changamoto. Tunaishi maisha yenye shughuli nyingi, jambo linaloweza kufanya iwe vigumu kwetu kupanga muda kwa ajili ya mambo ya kiroho. Kazi ya kimwili, majukumu ya kifamilia, na shughuli nyingine muhimu zinaweza kuchukua muda wetu mwingi hivi kwamba tunahisi hatuna wakati wa kusali, kujifunza, au kutafakari.

3. Nĩ ũntũ bũrĩkũ bũngĩ bũũmba kũjũkia kagiita geetũ?

³ Kuna jambo lingine linaloweza kuiba muda wetu. Tusipokuwa waangalifu, tunaweza kujishughulisha na mambo ambayo si mabaya, lakini yanayoweza kutunyang’anya muda ambao tungeweza kutumia ili kumkaribia zaidi Yehova. Kwa mfano, fikiria suala la burudani. Sote tunapenda kuwa  na muda wa kupumzika pindi fulani. Lakini hata burudani inayofaa inaweza kuchukua muda mwingi, hivi kwamba tunabaki na muda mchache kwa ajili ya mambo ya kiroho. Tunapaswa kuwa na usawaziko inapohusu burudani.​—Met. 25:27; 1 Tim. 4:8.

4. Nĩmbi tũgacũnkũũna nandĩ?

⁴ Katika makala hii, tutachunguza kwa nini tunahitaji kutanguliza mambo muhimu zaidi maishani. Pia, tutazungumzia jinsi tunavyoweza kutumia vizuri kabisa wakati wetu pamoja na Yehova, na jinsi tunavyoweza kunufaika kwa kufanya hivyo.

5. Gũcũnkũũna ũtaaro bũrĩa bũkwonora kĩrĩ Aefeso 5:15-17 kũũmba gũtethia atĩa muntũ ũmwĩthĩ athithia matua jamega ũtũũrone?

⁵ Chagua maisha bora. Mara nyingi vijana wanahangaika kuhusu njia bora ya kutumia maisha yao. Upande mmoja, washauri wa elimu na watu wa ukoo wasio waamini huenda wakawahimiza wafuatilie elimu ya juu ili baadaye wapate kazi yenye mshahara mnono. Elimu hiyo inaweza kuchukua muda wao mwingi sana. Kwa upande mwingine, wazazi na ndugu na dada kutanikoni huenda wakawatia moyo vijana watumie maisha yao katika utumishi wa Yehova. Ni nini kinachoweza kumsaidia kijana anayempenda Yehova afanye uamuzi bora kabisa? Atanufaika kwa kusoma na kutafakari andiko la Waefeso 5:15-17. (Soma.) Baada ya kusoma mistari hiyo, huenda kijana akajiuliza maswali haya: ‘“Mapenzi ya Yehova” ni nini? Ni uamuzi gani ambao utamfurahisha? Ni uamuzi gani utakaonisaidia kutumia wakati wangu vizuri kabisa?’ Kumbuka, ‘siku hizi ni zenye uovu’ na mfumo huu unaotawaliwa na Shetani utaharibiwa hivi karibuni. Ni jambo la hekima kutumia maisha yetu kufanya mambo ambayo yatamfurahisha Yehova.

6. Nĩ ĩtua rĩrĩku Maria athithĩrie, na nĩkĩ rĩarĩ ĩtua rĩa ũũme?

⁶ Tanguliza mambo muhimu zaidi. Nyakati nyingine, kutumia vizuri kabisa wakati wetu kunahusisha kuchagua jambo moja kati ya mambo mawili ambayo si mabaya. Tunaona hilo katika simulizi linalojulikana sana kuhusu wakati Yesu alipowatembelea Maria na Martha nyumbani kwao. Yesu alipowatembelea, Martha alifurahi sana hivi kwamba akaanza kutayarisha mlo mkubwa. Wakati huo, Maria, dada yake, alitumia fursa hiyo kuketi karibu na Bwana wake ili asikilize mafundisho yake. Ingawa Martha alikuwa na nia nzuri, Maria “alichagua fungu bora.” (Luka 10:38-42, maelezo ya chini.) Baada ya muda kupita, huenda Maria alisahau chakula kilichoandaliwa siku hiyo, lakini tunaweza kuwa na hakika kwamba hakusahau kamwe mambo aliyojifunza kutoka kwa Yesu. Kama tu Maria alivyothamini muda mfupi aliotumia pamoja na Yesu, sisi pia tunathamini muda tunaotumia pamoja na Yehova. Tunaweza kutumiaje vizuri kabisa wakati wetu pamoja na Yehova?

7. Nĩkĩ bũrĩ ũntũ bwa bata gũcwa kaanya ga kũromba, kwiritana na kũthũganĩria mantũ?

⁷ Tambua kwamba sala, kujifunza, na kutafakari ni sehemu ya ibada yetu. Tunaposali, tunawasiliana na Baba yetu wa mbinguni, ambaye anatupenda sana. (Zab. 5:7) Tunapojifunza Biblia, tunapata “ujuzi kumhusu Mungu” ambaye ni Chanzo cha hekima yote. (Met. 2:1-5) Tunapotafakari, tunachunguza sifa za Yehova zenye kuvutia na pia kusudi  lake zuri sana kwa ajili ya viumbe wote, na sehemu yetu katika kusudi hilo. Hiyo ndiyo njia bora kabisa ya kutumia vizuri muda wetu! Lakini tunaweza kunufaikaje zaidi na muda mchache tulio nao?

8. Nĩmbi tũũmba kwĩritana kuumania na ũrĩa Jesũ atumĩĩre kagiita kaawe arĩ rwanda?

⁸ Ikiwa inawezekana, tafuta mahali penye utulivu. Fikiria mfano wa Yesu. Kabla ya kuanza huduma yake hapa duniani, Yesu alikaa siku 40 nyikani. (Luka 4:1, 2) Akiwa mahali hapo penye utulivu, Yesu angeweza kusali kwa Yehova na kutafakari jinsi ambavyo angeweza kutimiza mapenzi ya Baba yake. Bila shaka, kufanya hivyo kulimsaidia Yesu ajitayarishe kwa ajili ya majaribu ambayo yangefuata. Unaweza kunufaikaje kutokana na mfano wa Yesu? Ikiwa familia yenu ni kubwa, huenda isiwe rahisi sikuzote kupata mahali penye utulivu nyumbani. Ikiwa hali iko hivyo, unaweza kwenda nje ili kupata mahali penye utulivu. Dada anayeitwa Julie, hufanya hivyo anapotaka kutumia wakati pamoja na Yehova katika sala. Yeye na mume wake wanaishi katika nyumba ndogo huko Ufaransa, na si rahisi kupata muda wa kuwa peke yake. Julie anasema hivi: “Basi, kila siku mimi huenda kutembea kwenye bustani. Nikiwa huko ninaweza kuwa peke yangu, kukaza fikira, na kuzungumza na Yehova kutoka moyoni.”

9. Amwe na kwĩthĩrwa na mantũ jamaingĩ ja kũthithia, nĩatĩa Jesũ onanĩrie atĩ nakũjũkia na ũritũ ngwatanĩro yawe amwe na Jehova?

⁹ Yesu alikuwa na maisha yenye shughuli nyingi. Wakati wa huduma yake hapa duniani, umati wa watu ulimfuata kila mahali, na wote walitaka atumie muda pamoja nao. Pindi moja “jiji lote lilikuwa limekusanyika mlangoni” ili wamwone. Hata hivyo, Yesu alitenga wakati wa kuimarisha uhusiano wake pamoja na Yehova. Asubuhi kabla ya jua kuchomoza, alitafuta “mahali pasipo na watu” ili atumie wakati pamoja na Baba yake akiwa peke yake.​—Marko 1:32-35.

10-11. Kũringana na Mathayo 26:40, 41, nĩ ũtaaro bũrĩkũ Jesũ aere aritwa bawe barĩ muundene jwa Gethsemane, ĩndĩ nĩatĩa gwakarĩkĩre?

¹⁰ Katika usiku wa mwisho wa maisha yake hapa duniani, huduma yake ilipokuwa ikikaribia kumalizika, kwa mara nyingine tena Yesu alitafuta mahali penye utulivu ambapo angeweza kutafakari na kusali. Alipata mahali penye utulivu kwenye bustani ya Gethsemane. (Mt. 26:36) Pindi hiyo, Yesu aliwapa wanafunzi wake ushauri muhimu kuhusu sala.

¹¹ Fikiria kilichotokea. Walipofika kwenye bustani ya Gethsemane, muda ulikuwa umesonga sana, labda ulikuwa usiku wa manane. Yesu aliwaomba mitume ‘waendelee kukesha,’ naye akawaacha akaenda kusali.  (Mt. 26:37-39) Lakini alipokuwa akisali, walilemewa na usingizi. Alipowakuta wamelala, kwa mara nyingine tena Yesu aliwahimiza ‘waendelee kukesha na kusali bila kuacha.’ (Soma Mathayo 26:40, 41.) Aligundua kwamba walikuwa na mkazo sana na walikuwa wamechoka. Kwa huruma Yesu alisema kwamba “mwili ni dhaifu.” Mara mbili zaidi Yesu alienda kusali, na aliporudi aliwakuta wanafunzi wake wakiwa wamelala badala ya kusali.​—Mt. 26:42-45.

12. Nĩatĩa tũũmba kũthithia gũkethĩrwa magiita jamwe nĩtũkwigua twatĩki mono kana tũnogi mono mwanka tũkaremwa nĩ kũromba?

¹² Chagua wakati unaofaa. Nyakati nyingine huenda tukahisi tuna mkazo sana au tumechoka sana hivi kwamba hatuwezi kusali. Ikiwa umewahi kukabili hali kama hiyo, kumbuka wengine wanahisi hivyo pia. Unaweza kufanya nini? Wale ambao wamezoea kusali kwa Yehova mwishoni mwa siku, wameona kwamba inafaa kutumia muda kusali mapema jioni kabla hawajachoka sana. Wengine wamegundua kwamba ni rahisi zaidi kukaza fikira ikitegemea namna wanavyokaa wanaposali. Hata hivyo, namna gani ikiwa unahisi una wasiwasi sana au umevunjika sana moyo hivi kwamba huwezi kusali? Mweleze Yehova jinsi unavyohisi. Unaweza kuwa na hakika kwamba Baba yetu mwenye rehema anaelewa hali yako.​—Zab. 139:4.

13. Nĩatĩa into bia kielektroni biũmba gũtwangaratania rĩrĩa tũgũtumĩra kagiita geetũ amwe na Jehova?

¹³ Epuka vitu vinavyoweza kukukengeusha unapojifunza. Sala si njia pekee inayoweza kuimarisha uhusiano wetu na Yehova. Kujifunza Neno la Mungu na kuhudhuria mikutano ya kutaniko kunaweza pia kutusaidia tumkaribie zaidi Mungu. Je, kuna jambo unaloweza kufanya ili kutumia vizuri kabisa muda unaojifunza kibinafsi na unaotumia kwenye mikutano ya kutaniko? Jiulize, ‘Ni nini kinachonikengeusha fikira wakati wa mikutano au ninapojifunza?’ Je, ni kupokea simu, barua-pepe, au ujumbe mfupi kwenye simu au kifaa kingine cha kielektroni? Leo, mabilioni ya watu wanatumia vifaa hivyo muhimu. Baadhi ya watafiti wanasema kwamba tunapotaka kukaza fikira, kuwepo tu kwa simu karibu yetu kunaweza kutukengeusha. Profesa mmoja wa saikolojia, anasema  hivi: “Huwezi kukazia fikira jambo unalofanya. Akili yako inakuwa kwingine.” Kabla ya kipindi cha kusanyiko la mzunguko au eneo kuanza, mara nyingi tunakumbushwa kuweka vifaa vyetu vya kielektroni kwenye mfumo ambao hautawakengeusha wengine. Je, tunaweza kufanya vivyo hivyo tunapokuwa peke yetu ili vifaa vyetu visitukengeushe sisi wenyewe na kuvuruga wakati tunaotumia pamoja na Yehova?

14. Kũringana na Afilipi 4:6, 7, nĩatĩa Jehova atũtethagia kwĩthĩrwa na ũkiri mathũganione?

¹⁴ Mwombe Yehova akusaidie ukaze fikira. Unapotambua kwamba akili yako inatangatanga wakati wa kujifunza au wakati wa mkutano wa kutaniko, mwombe Yehova akusaidie. Ikiwa una wasiwasi au mahangaiko, huenda isiwe rahisi kwako kuweka kando mambo yanayokuhangaisha na kukazia fikira mambo ya kiroho, lakini ni muhimu sana ufanye hivyo. Sali ili upate amani ambayo italinda moyo wako na pia ‘nguvu zako za akili.’​—Soma Wafilipi 4:6, 7.

15. Nĩatĩa tũgunĩkaga twatumĩra kagiita amwe na Jehova?

¹⁵ Ukitumia muda ili kuzungumza, kumsikiliza, na kutafakari kuhusu Yehova utanufaika sana. Jinsi gani? Kwanza, utafanya maamuzi mazuri zaidi. Biblia inatuhakikishia kwamba “anayetembea na wenye hekima atakuwa na hekima.” (Met. 13:20) Kadiri unavyotumia wakati pamoja na Yehova, Chanzo cha hekima, ndivyo utakavyokuwa na hekima zaidi. Utaelewa vizuri zaidi jinsi ya kumfurahisha na jinsi unavyoweza kuepuka kufanya maamuzi yanayomuumiza.

16. Nĩatia gũtumĩra kagiita amwe na Jehova gũtũtethagia kwaa arimũ babeega?

¹⁶ Pili, utakuwa mwalimu mzuri zaidi. Tunapojifunza Biblia na mtu fulani, mojawapo ya malengo yetu muhimu zaidi ni kumsaidia mwanafunzi wetu amkaribie Yehova. Kadiri tunavyowasiliana na Baba yetu wa mbinguni, ndivyo upendo wetu kwake unavyozidi kuongezeka na tunaboresha zaidi uwezo wetu wa kumfundisha mwanafunzi wetu ampende Yehova. Ilikuwa hivyo pia kwa Yesu. Alimfafanua Baba yake kwa maneno yenye hisia changamfu na upendo, hivi kwamba wafuasi wake waaminifu walichochewa kumpenda Yehova pia.​—Yoh. 17:25, 26.

17. Nĩkĩ kũromba na kwiritana gutũtethagia gwĩkĩra inya wĩtĩkio bwetũ?

¹⁷ Tatu, imani yako itaimarika zaidi. Fikiria kinachotokea unapomwomba Yehova mwongozo, faraja, au msaada. Kila wakati Yehova anapojibu sala hizo, imani yako kwake inaimarika. (1 Yoh. 5:15) Ni jambo gani lingine linaloweza  kukusaidia kuimarisha imani yako? Funzo la kibinafsi. Zaidi ya yote, “imani hufuata jambo lililosikiwa.” (Rom. 10:17) Hata hivyo, mbali na kupata ujuzi, mengi zaidi yanahitajika ili kujenga imani yenye nguvu. Tunahitaji kufanya jambo gani lingine?

18. Ejana ngerekano ĩrĩa ĩkwonania bata ya kũthũganĩria jarĩa ũkwiritana.

¹⁸ Tunahitaji kutafakari mambo tunayojifunza. Fikiria mambo aliyojionea mwandikaji wa Zaburi ya 77. Alitaabika kwa sababu alihisi kwamba yeye na Waisraeli wenzake walikuwa wamepoteza kibali cha Yehova. Mawazo hayo yalimhangaisha sana hivi kwamba alikosa usingizi usiku. (Mstari wa 2-8) Alifanya nini? Alimwambia hivi Yehova: “Nitautafakari utendaji wako wote na kutafakari shughuli zako.” (Mstari wa 12) Bila shaka, mtunga zaburi huyo alijua vizuri sana mambo ambayo Yehova alikuwa amewafanyia watu Wake wakati uliopita, lakini bado alijiuliza hivi: “Je, Mungu amesahau kuonyesha kibali chake, au je, hasira yake imekomesha rehema yake?” (Mstari wa 9) Mtunga zaburi huyo akatafakari kuhusu utendaji wa Yehova na ukweli wa kwamba wakati uliopita Mungu alikuwa amewaonyesha rehema na huruma. (Mstari wa 11) Matokeo yakawaje? Mtunga zaburi huyo alisadiki kwamba Yehova hangewaacha watu Wake. (Mstari wa 15) Vivyo hivyo, imani yako itaimarika zaidi unapotafakari mambo ambayo Yehova amewafanyia watu wake na yale ambayo amekufanyia wewe kibinafsi.

19. Nĩ gũkũrũkĩĩra njĩra ĩrĩkũ ĩngĩ tũgunĩkaga twatumĩra kagiita amwe na Jehova?

¹⁹ Jambo la nne na muhimu zaidi ni kwamba upendo wako kwa Yehova utaongezeka. Zaidi ya sifa zote, upendo utakuchochea kumtii Yehova, kujidhabihu ili kumfurahisha, na kuvumilia majaribu yoyote. (Mt. 22:37-39; 1 Kor. 13:4, 7; 1 Yoh. 5:3) Hakuna jambo lingine lenye thamani zaidi kuliko kuwa na urafiki wa karibu pamoja na Yehova!​—Zab. 63:1-8.

20. Nĩatĩa ũkathithia kenda ũtigĩĩra nũgũtumĩra bwega kagiita gaku amwe na Jehova?

²⁰ Kumbuka kwamba sala, kujifunza, na kutafakari ni matendo ya ibada. Kama Yesu, tafuta mahali patulivu ili kutumia wakati pamoja na Yehova. Epuka kukengeushwa fikira na mambo yasiyo ya lazima. Mwombe Yehova akusaidie ukaze fikira unapokuwa kwenye utendaji wa kiroho. Ukitumia vizuri kabisa wakati wako sasa, Yehova atakubariki kwa kukupa uzima wa milele katika ulimwengu mpya wa Mungu.​—Marko 4:24.