1. Nĩmbi bigwĩragia antũ babaingĩ rĩrĩa beja mĩcemanione yeetũ? (Tega kinya mbica.)

 WAZIA wenzi wa ndoa wakihudhuria mkutano kwa mara ya kwanza katika Jumba la Ufalme la Mashahidi wa Yehova. Wanavutiwa sana na jinsi wanavyokaribishwa kwa uchangamfu na upendo ulio miongoni mwa watu kutanikoni. Wakiwa wanarudi nyumbani kutoka kwenye mkutano, mke anamwambia mume wake, ‘Kuna jambo tofauti kuhusu Mashahidi wa Yehova—nilifurahia sana kuwa pamoja nao.’

2. Nĩmbi bitũmĩte antũ bamwe bagiitara?

² Upendo uliopo miongoni mwa wale walio katika kutaniko la Kikristo ni wa pekee sana. Bila shaka, Mashahidi wa Yehova si wakamilifu. (1 Yoh. 1:8) Hivyo, kadiri tunavyozidi kuwafahamu zaidi wale walio katika kutaniko, inaelekea ndivyo tutakavyoona baadhi ya udhaifu walio nao. (Rom. 3:23) Kwa kusikitisha, baadhi ya watu wameruhusu kutokamilika kwa wengine kuwakwaze.

3. Nĩmbi bimenyithanagia athingati ba mma ba Jesũ? (Johana 13:34, 35)

³ Tazama tena andiko la msingi la makala hii. (Soma Yohana 13:34, 35.) Ni sifa gani inayowatambulisha wafuasi wa  kweli wa Kristo? Ni upendo, si ukamilifu. Pia, ona kwamba, Yesu hakusema: ‘Kwa jambo hili mtajua kwamba ninyi ni wanafunzi wangu.’ Alisema: “Kwa jambo hili wote watajua kwamba ninyi ni wanafunzi wangu.” Hivyo, Yesu alionyesha kwamba si wafuasi wake tu, bali pia wale walio nje ya kutaniko la Kikristo wangetambua wafuasi wake wa kweli kupitia upendo usio na ubinafsi ulio miongoni mwao.

4. Nĩ mantũ jarĩkũ jegie Akristũ ba mma antũ bamwe bomba kwenda kũmenye?

⁴ Watu ambao si Mashahidi wa Yehova wanaweza kujiuliza hivi: ‘Upendo unawatambulishaje wafuasi wa kweli wa Yesu? Yesu aliwaonyeshaje upendo mitume wake? Tunawezaje kuiga mfano wa Yesu leo?’ Inafaa kwa Mashahidi kutafakari majibu ya maswali hayo. Kufanya hivyo kunaweza kutusaidia kuonyesha upendo kikamili zaidi, hasa tunaposhughulika na udhaifu wa wengine.​—Efe. 5:2.

5. Tarĩĩria biugo bia Jesũ birĩa bikwoneka kĩrĩ Johana 15:12, 13.

⁵ Yesu alieleza wazi kwamba upendo wa pekee ungewatambulisha wafuasi wake. (Soma Yohana 15:12, 13.) Ona kwamba Yesu aliwaamuru hivi: “Mpendane kama vile nilivyowapenda.” Hilo linamaanisha nini? Yesu aliendelea kufafanua kwamba huo ni upendo wa kujidhabihu—upendo ambao unamchochea Mkristo hata kufa kwa ajili ya mwamini mwenzake ikilazimu. b

6. Nĩatĩa Rũteto rwa Mũrungu rwinyagĩĩria baita ya wendo?

⁶ Neno la Mungu linakazia sana kuhusu upendo. Ifuatayo ni baadhi ya mistari ambayo watu wengi wanaipenda zaidi: “Mungu ni upendo.” (1 Yoh. 4:8) “Lazima umpende jirani yako kama unavyojipenda  mwenyewe.” (Mt. 22:39) “Upendo hufunika dhambi nyingi.” (1 Pet. 4:8) “Upendo haushindwi kamwe.” (1 Kor. 13:8) Mistari hii na mingine inaonyesha wazi kwa mtu yeyote jinsi ilivyo muhimu kusitawisha na kuonyesha sifa hii yenye kuvutia.

7. Nĩkĩ Shaitani atĩũmba kũgwatithania antũ amwe ndene ya wendo bwa mma?

⁷ Watu wengi wanauliza hivi: ‘Unawezaje kutambua dini ya kweli? Dini zote zinadai zinafundisha ukweli, lakini kila moja hufundisha jambo tofauti kumhusu Mungu.’ Shetani amefaulu kuwachanganya watu kwa kutokeza mashirika mengi ya kidini ya uwongo. Lakini hawezi kamwe kutokeza undugu wa ulimwenguni pote wa Wakristo wanaopendana. Ni Yehova pekee anayeweza kufanya hivyo. Hilo linapatana na akili kwa sababu upendo wa kweli unatoka kwa Yehova—kwa kuwa na roho yake na baraka zake juu ya kikundi cha waabudu. (1 Yoh. 4:7) Hivyo, haishangazi kwamba Yesu alisema upendo usio na ubinafsi ungewatambulisha wafuasi wake wa kweli.

8-9. Antũ babaingĩ baringithĩtue atĩa nĩ wendo bũrĩa bonete gatĩgatĩne ka Akũũjĩ ba Jehova?

⁸ Kama vile Yesu alivyotabiri, watu wengi wamewatambua wafuasi wa kweli kupitia upendo wa kweli ulio miongoni mwao. Kwa mfano, ndugu anayeitwa Ian anakumbuka kusanyiko la kwanza la eneo alilohudhuria, ambalo lilifanywa kwenye uwanja wa michezo karibu na nyumbani kwake. Ian alikuwa katika uwanja huo miezi michache mapema akitazama mchezo fulani. Anasema hivi: “Wakati wa kusanyiko kulikuwa na tofauti kubwa. Mashahidi walijiendesha kwa njia nzuri na walivalia nadhifu, na watoto wao walikuwa na adabu.” Anaongezea hivi: “Zaidi ya yote, watu hao walionekana kuwa wenye kuridhika na wenye amani—mambo niliyotamani. Sikumbuki hotuba yoyote iliyotolewa siku hiyo, lakini siwezi kusahau mwenendo wa Mashahidi.” c Bila shaka, mwenendo kama huo ni matokeo ya upendo wa kweli tulio nao miongoni mwetu. Kwa sababu tunawapenda ndugu na dada zetu, tunawatendea kwa fadhili na heshima.

⁹ Ndugu anayeitwa John alihisi vivyo hivyo alipoanza kuhudhuria mikutano ya kutaniko, anasema hivi: “Niliguswa moyo na urafiki . . . [wa] kila mtu aliyekuwa huko—walionekana kama watakatifu. Upendo wao wa kweli ulinisadikisha kwamba nilikuwa nimeipata dini ya kweli.” d Tena na tena, visa kama hivyo vinaonyesha wazi kwamba watu wa Yehova wanajithibitisha kuwa Wakristo wa kweli.

10. Nĩrĩ kaingĩ twĩthagĩrwa na kaanya gakega ga kwonania wendo bwa Gĩkristũ? (Tega kinya nteto gaiti.)

¹⁰ Kama ilivyotajwa mwanzoni, hakuna mwamini mwenzetu ambaye ni mkamilifu. Nyakati nyingine, watasema au kufanya mambo yanayotuumiza. e (Yak. 3:2) Katika pindi hizo, tuna fursa ya pekee ya kuonyesha upendo wa Kikristo kupitia jinsi tunavyotenda. Kuhusiana na jambo hilo, tunaweza kujifunza nini kutokana na mfano uliowekwa na Yesu?​—Yoh. 13:15.

11. Nĩ nkuma irĩkũ inthũũku Jakubu na Johana boonanĩrie? (Tega kinya mbica.)

¹¹ Yesu hakutarajia ukamilifu kutoka kwa wafuasi wake. Badala yake, aliwasaidia kwa  upendo kurekebisha sifa mbaya walizokuwa nazo ili wapate kibali cha Yehova. Pindi moja, mitume wawili, Yakobo na Yohana, walimtuma mama yao amwombe Yesu awapatie vyeo vikubwa katika Ufalme. (Mt. 20:20, 21) Hivyo, Yakobo na Yohana walikuwa wakionyesha sifa ya kiburi na kujitakia makuu.​—Met. 16:18.

12. Rĩ, nĩ Jakubu na Johana akĩ boonanĩrie nkuma inthũũku? Tarĩĩria.

¹² Si Yakobo na Yohana pekee walioonyesha sifa mbaya katika pindi hiyo. Ona jinsi mitume wengine walivyotenda: “Wale wengine kumi waliposikia jambo hilo, wakawakasirikia hao ndugu wawili.” (Mt. 20:24) Tunaweza kuwazia jinsi Yakobo, Yohana, na mitume wengine walivyorushiana maneno makali. Huenda wale mitume wengine walisema jambo kama hili: ‘Mnafikiri ninyi ni nani hata mwombe vyeo vikubwa katika Ufalme? Si ninyi pekee mliofanya kazi kwa bidii pamoja na Yesu. Kama tu vile ninyi, sisi pia tunastahili kupokea mapendeleo ya pekee!’ Vyovyote vile, kwa muda mfupi mitume waliruhusu hali hiyo iwazuie kuonyeshana upendo wa kindugu.

13. Nĩatĩa Jesũ aathithĩrie arĩkwona gũtaũkĩrwa kwa atũmwa bawe? (Mathayo 20:25-28)

¹³ Yesu alishughulikiaje hali hiyo? Hakukasirika. Hakusema kwamba angeenda kutafuta mitume wanaofaa zaidi, wanaume waliokuwa wanyenyekevu zaidi na ambao  sikuzote wangetendeana kwa upendo. Badala yake, Yesu alizungumza na wanaume hao wanyoofu kwa subira. (Soma Mathayo 20:25-28.) Aliendelea kushughulika nao kwa upendo, hata ingawa hiyo haikuwa mara ya kwanza wala ya mwisho kwa mitume hao kujaribu kuamua ni nani miongoni mwao alikuwa mkuu zaidi.​—Marko 9:34; Luka 22:24.

14. Mĩrerere ya atũmwa ba Jesũ yaakari atĩa?

¹⁴ Bila shaka, Yesu alifikiria malezi ya mitume wake. (Yoh. 2:24, 25) Walilelewa katika mazingira ambayo viongozi wa kidini walikazia sana umashuhuri na vyeo vikubwa. (Mt. 23:6; linganisha video The Front Seats in the Synagogue kwenye nwtsty habari za utafiti Mathayo 23:6.) Pia, viongozi wa dini ya Kiyahudi walijiona kuwa waadilifu kupita kiasi. f (Luka 18:9-12) Yesu alielewa kwamba mazingira kama hayo yanaweza kuathiri maoni ya mitume kujihusu na kuwahusu wengine. (Met. 19:11) Alikuwa mwenye usawaziko kuhusu yale aliyotarajia kutoka kwa wanafunzi wake na alionyesha subira walipokosea. Alijua kwamba walikuwa na nia nzuri, hivyo kwa subira aliwasaidia kushinda sifa ya kiburi na kujitakia makuu, na kuwasaidia waonyeshane upendo.

15. Nĩmbi bingĩ tũmba kwiritana kuumania na rũgono rwa Jakubu na Johana?

¹⁵ Tunaweza kujifunza mengi kutokana na kisa cha Yakobo na Yohana. Walikosea walipoomba vyeo vikubwa katika Ufalme. Lakini pia, mitume wengine walikuwa wamekosea waliporuhusu hali hiyo ivuruge umoja wao. Hata hivyo, Yesu, alishughulika na mitume wote 12 kwa njia yenye fadhili na upendo. Tunajifunza nini? Jambo muhimu si tu yale ambayo wengine wanafanya, lakini pia jinsi sisi tunavyotenda kuelekea makosa na udhaifu wao. Ni nini kinachoweza kutusaidia kutenda kwa njia nzuri? Mwamini mwenzetu anapotukosea, tunaweza kujiuliza hivi: ‘Kwa nini ninasumbuliwa sana na jambo ambalo amenitendea? Je, hilo linafunua sifa fulani mbaya ambayo ninahitaji kufanyia kazi? Je, inawezekana kwamba mtu aliyeniumiza anakabiliana na matatizo fulani? Hata ikiwa ninahisi kwamba nina haki ya kukasirika, je, ninaweza kuonyesha upendo usio na ubinafsi kwa kuachilia kosa?’ Kadiri tunavyoshughulika na wengine kwa njia ya upendo, ndivyo tutakavyothibitisha kwamba sisi ni wafuasi wa kweli wa Yesu.

16. Nĩmbi bingĩ tũmba kwiritana kuumania na ngerekano ya Jesũ?

¹⁶ Pia, mfano wa Yesu unatufundisha kwamba tunapaswa kujitahidi kuwaelewa waamini wenzetu. (Met. 20:5) Yesu aliweza kusoma mioyo. Sisi hatuwezi kufanya hivyo. Lakini tunaweza kuonyesha subira kuelekea udhaifu wa ndugu na dada zetu. (Efe. 4:1, 2; 1 Pet. 3:8) Ni rahisi zaidi kufanya hivyo ikiwa tutajifunza kuhusu malezi yao. Fikiria mfano mmoja.

17. Mũtegeeri ũmwe wa mũthiũrũko aagunĩkĩre atĩa arĩkũmenya mũtana wa baaba ũmwe bwega?

¹⁷ Mwangalizi anayesafiri anayetumikia Afrika Mashariki anamkumbuka ndugu fulani ambaye alihisi kwamba hakuwa mwenye fadhili. Mwangalizi huyo wa mzunguko alitendaje? Anasema hivi: “Badala ya kumwepuka ndugu huyo, niliazimia kumjua vizuri zaidi.”  Kwa kufanya hivyo, mwangalizi huyo alijifunza baadhi ya mambo kuhusu malezi ya ndugu huyo ambayo yalikuwa yameathiri utu wake. Mwangalizi huyo anaendelea kusema hivi: “Nilipoelewa jinsi ndugu huyo alivyopambana sana ili kushinda athari za malezi yake na maendeleo makubwa aliyofanya, nilimthamini zaidi. Tukawa marafiki wazuri.” Kwa hakika, tunapojitahidi kuwaelewa ndugu na dada zetu, mara nyingi inakuwa rahisi zaidi kuwaonyesha upendo.

18. Tũmba gũciũria biũria birĩkũ rĩrĩa twaatĩrua nĩ barĩa tũthathayia nabo? (Njuno 26:20)

¹⁸ Huenda nyakati nyingine tukahitaji kuzungumza na mwamini mwenzetu ambaye ametukosea. Hata hivyo, kwanza, ni vema kujiuliza maswali kama: ‘Je, nina habari kamili?’ (Met. 18:13) ‘Je, inawezekana kwamba hakukusudia kunikosea?’ (Mhu. 7:20) ‘Je, nimewahi kufanya kosa kama hilo?’ (Mhu. 7:21, 22) ‘Je, kwa kuzungumza na mtu huyo, nitafanya tatizo liwe kubwa zaidi kuliko lile ninalojaribu kutatua?’ (Soma Methali 26:20.) Tunapotenga wakati kufikiria maswali hayo, huenda tukafikia mkataa kwamba upendo wetu kwa ndugu yetu unaweza kutuchochea kuachilia tu kosa.

19. Ũtuĩte ĩtua rĩa kũthithia atĩa?

¹⁹ Wakiwa kikundi, Mashahidi wa Yehova wamethibitika kuwa wafuasi wa kweli wa Yesu. Tukiwa mtu mmoja-mmoja tunathibitisha kwamba sisi ni wafuasi wa kweli wa Yesu tunapoonyesha upendo usio na ubinafsi kuwaelekea ndugu na dada zetu licha ya udhaifu wao. Tunapofanya hivyo, huenda tukawasaidia wengine watambue dini ya kweli na wajiunge nasi katika kumwabudu Yehova, Mungu wa upendo. Acheni tuazimie kuendelea kuonyesha upendo ambao unawatambulisha Wakristo wa kweli.