1. Nĩatĩa tũgunĩkaga rĩrĩa tweta kĩrĩ Mũriikana jwa gĩkuũ kĩa Jesũ jwa o mwaka?

 BILA shaka unakubali kwamba fidia ni zawadi yenye thamani sana! (2 Kor. 9:15) Kwa kuwa Yesu alidhabihu uhai wake wa kibinadamu, tunaweza kuwa na urafiki wa karibu pamoja na Yehova Mungu. Pia, unaweza kuwa na tumaini la kuishi milele. Hivyo, inafaa tuonyeshe shukrani kwa fidia na kwa Yehova, ambaye alichochewa na upendo kuiandaa! (Rom. 5:8) Ili kutusaidia kuendelea kuonyesha shukrani na kutosahau kamwe kile ambacho Yehova na Yesu walitufanyia, Yesu alianzisha Ukumbusho wa kila mwaka wa kifo chake.—Luka 22:​19, 20.

 2. Nĩmbi tũkaarĩĩria kĩthoomone gĩkĩ?

² Mwaka huu, tutaadhimisha Ukumbusho Jumamosi, Aprili 12, 2025. Bila shaka sisi sote tunapanga kuhudhuria. Tutanufaika sana ikiwa tutatumia muda wakati wa majira ya Ukumbusho kutafakari a mambo ambayo Yehova na Mwana wake wametufanyia. Katika makala hii, tutazungumzia kile ambacho fidia inatufundisha kumhusu Yehova na Mwana wake. Katika makala inayofuata, tutasaidiwa kuelewa jinsi tunavyoweza kunufaika kutokana na fidia hiyo na jinsi tunavyoweza kuonyesha shukrani.

MANTŨ JARĨA ĨKŨŨRI RĨA JESŨ RĨTŨRITANAGA BWEGIE JEHOVA

 3. Nĩatĩa gĩkuũ kĩa muntũ ũmwe kĩrĩngĩũmba gũkũũra antũ babaingĩ? (Tega kinya mbica.)

³ Fidia inatufundisha kuhusu haki ya Yehova. (Kum. 32:4) Jinsi gani? Fikiria jambo hili: Tulirithi dhambi inayoongoza kwenye kifo kutoka kwa Adamu ambaye hakutii. (Rom. 5:12)  Ili kutuweka huru kutokana na dhambi na kifo, Yehova alipanga Yesu atoe fidia. Lakini dhabihu ya mtu mmoja mkamilifu ingewezaje kuwakomboa mamilioni ya watu? Mtume Paulo anaeleza hivi: “Kama vile kupitia kutotii kwa mtu mmoja [Adamu] wengi walifanywa kuwa watenda dhambi, vivyo hivyo pia kupitia kutii kwa mtu mmoja [Yesu] wengi watafanywa kuwa waadilifu.” (Rom. 5:19; 1 Tim. 2:6) Kwa maneno mengine, mtu mmoja mkamilifu ambaye hakutii alisababisha tuwe watumwa wa dhambi na kifo. Hivyo, alihitajika mtu mmoja mkamilifu ambaye angetii ili kutuweka huru.

 4. Nĩkĩ Jehova atarekererie antũ ba nkoro injega barĩa baarĩ nciarwa cia Adamu, batũũra kenya na kenya?

⁴ Je, kweli Yesu alihitaji kufa ili kutuokoa? Je, Yehova hangeweza kuamua tu kuwaruhusu wazao wa Adamu wenye mioyo minyoofu waishi milele? Kwa wanadamu wasio wakamilifu, jambo hilo lingeonekana kuwa lenye fadhili na njia nzuri ya kutatua tatizo. Lakini kufanya hivyo hakungezingatia haki kamilifu ya Yehova. Kwa kuwa Yehova ni mwenye haki, hangeweza kamwe kupuuza dhambi nzito ya Adamu ya kutotii.

 5. Nĩkĩ tũrĩna mma atĩ, Jehova nathithagia mantũ jaagĩrĩte rĩonthe?

⁵ Hata hivyo, namna gani ikiwa Yehova hangeandaa fidia na hangefuata viwango vyake vya haki kwa kuwaruhusu wana na mabinti wasio wakamilifu wa Adamu waishi milele? Huenda watu wangefikiri kwamba Mungu angepuuza viwango vyake vya haki katika masuala mengine pia. Kwa mfano, je, atashindwa kutimiza ahadi zake? Hatuhitaji kuwa na wasiwasi kuhusu uwezekano wa jambo hilo kutokea. Kwa nini? Kwa sababu Yehova alitenda kwa haki hata ingawa jambo hilo lilimgharimu sana—kumtoa Mwana wake mpendwa kuwa dhabihu. Hivyo, tunaweza kuwa na uhakika kwamba sikuzote atafanya jambo lililo sawa.

 6. Nĩ na njĩra ĩrĩkũ ĩmwe ĩkũũri rĩa Jesũ rĩonanagia wendo bwa Jehova? (1 Johana 4:​9, 10)

⁶ Ingawa fidia inatusaidia kuelewa kwamba Yehova ni mwenye haki, inatusaidia hasa kuelewa kina cha upendo wake. (Yoh. 3:16; soma 1 Yohana 4:​9, 10.) Fundisho la fidia linafunua kwamba Yehova angependa tupate uzima wa milele na pia tuwe sehemu ya familia yake. Fikiria jambo hili: Adamu alipotenda dhambi, Yehova alimfukuza na hivyo hangeendelea kuwa sehemu ya familia ya waabudu Wake. Matokeo ni kwamba sisi sote tumezaliwa nje ya familia ya Mungu. Lakini kwa msingi wa fidia, Yehova anatusamehe dhambi zetu na hatimaye atawakaribisha watu wote ambao wanaonyesha imani na wale ambao ni watiifu  katika familia yake. Hata sasa tunaweza kufurahia uhusiano wa karibu pamoja na Yehova na waabudu wenzetu. Kwa kweli, Yehova ametuonyesha upendo wake mwororo!—Rom. 5:​10, 11.

 7. Nĩatĩa mĩthangĩko ĩrĩa Jesũ aakũrũkĩrĩre ĩtũtethagia kũmenya ũrĩa Jehova atwendete?

⁷ Tunaweza kuelewa vizuri zaidi jinsi Yehova anavyotupenda ikiwa tutachunguza jinsi fidia ilivyomgharimu. Shetani anadai kwamba hakuna mtumishi wa Mungu ambaye ataendelea kuwa mshikamanifu kwa Yehova inapokuwa vigumu kufanya hivyo. Ili kujibu shtaka hilo, Yehova alimruhusu Yesu ateseke kabla ya kufa. (Ayu. 2:​1-5; 1 Pet. 2:21) Yehova aliona wapinzani wa kidini wakimdhihaki Yesu, askari wakimpiga mijeledi na kuchana ngozi yake, na akitundikwa mtini. Kisha, Yehova alitazama Mwana wake mpendwa akifa kifo chenye maumivu makali. (Mt. 27:​28-31, 39) Yehova alikuwa na nguvu za kuingilia kati na kuzuia mambo hayo wakati wowote. Kwa mfano, wapinzani waliposema: “Acheni Mungu amwokoe ikiwa anamtaka,” Yehova angeweza kufanya hivyo. (Mt. 27:​42, 43) Hata hivyo, ikiwa Mungu angeingilia kati, hakuna fidia ambayo ingelipwa na tungeachwa bila tumaini. Hivyo, Yehova alimruhusu Mwana wake avumilie kuteseka hadi alipovuta pumzi yake ya mwisho.

 8. Rĩ, Jehova naĩgĩrue bũbũĩ nkorone rĩrĩa Mũtana waawe aathangĩkagua? Taarĩĩria. (Tega kinya mbica.)

⁸ Hatupaswi kufikiri kwamba kwa sababu Mungu ni Mweza-Yote, basi yeye hana hisia! Tumeumbwa kwa mfano wake, tukiwa na uwezo wa kuwa na hisia, hivyo inapatana na akili kwamba Yehova pia ana hisia. Biblia inamtaja kuwa anahisi “uchungu” na ‘huzuni.’ (Zab. 78:​40, 41) Fikiria pia mfano wa Abrahamu na Isaka. Utakumbuka kwamba Abrahamu aliagizwa amtoe mwana wake wa pekee kuwa dhabihu. (Mwa. 22:​9-12; Ebr. 11:​17-19) Fikiria jinsi Abrahamu alivyohuzunika na kuhangaika alipokuwa akijitayarisha kumuua Isaka haraka kwa kutumia kisu. Ni lazima Yehova alihuzunika hata zaidi alipomtazama Mwana wake akitendewa kwa ukatili na kuuawa na watu wasiomwogopa Mungu!—Tazama video Igeni Imani Yao—Abrahamu, Sehemu ya 2 kwenye jw.org.

 9. Nĩatĩa Aroma 8:​32, 38, 39 ĩgũgũtethia gũciũkĩrwa nĩ ũrĩa Jehova akwendete, o na kinya Akristũ bangĩ?

⁹ Fidia inatufundisha kwamba hakuna anayetupenda zaidi kuliko Yehova—hata watu wetu wa ukoo wa karibu au rafiki yetu wa karibu zaidi. (Soma Waroma 8:​32, 38, 39.) Bila shaka, Yehova anatupenda kuliko tunavyojipenda wenyewe. Je, ungependa kuishi milele? Yehova angependa hata zaidi uishi milele. Je, ungependa kusamehewa dhambi zako? Yehova  angependa hata zaidi dhambi zako zisamehewe. Jambo pekee analotarajia tufanye ni kukubali zawadi hiyo yenye thamani kwa kuonyesha imani na kuwa watiifu. Kwa kweli, fidia ni wonyesho mkubwa wa upendo wa Mungu. Na katika ulimwengu mpya, tutajifunza hata zaidi kuhusu upendo wa Yehova.—Mhu. 3:11.

MANTŨ JARĨA ĨKŨŨRI RĨA JESŨ RĨTŨRITANAGA BŨMWEGIE

10. (a) Nĩmbi bĩatũmĩre Jesũ aigua bũbũĩ ĩgiita rĩa gĩkuũ kĩawe? (b) Nĩ na njĩra ĩrĩkũ Jesũ aateteere rĩitwa rĩa Jehova? (Tega kinya kathandũkũ “ Utimilifu wa Yesu Ulilitetea Jina la Yehova.”)

¹⁰ Yesu anajali sana kuhusu sifa ya Baba yake. (Yoh. 14:31) Yesu alihuzunika kwa sababu alishtakiwa kuwa mkufuru na mchochezi na jambo hilo lingeliletea suto jina la Baba yake. Hiyo ndiyo sababu alisali hivi: “Baba yangu, ikiwa inawezekana, niondolee kikombe hiki.” (Mt. 26:39) Kwa kudumisha utimilifu wake kwa Yehova hadi kifo, Yesu alilitetea kabisa jina la Baba yake.

11. Nĩatĩa Jesũ oonanĩrie neendete antũ mono? (Johana 13:1)

¹¹ Pia, fidia inatufundisha kwamba Yesu anawajali sana watu, hasa wanafunzi wake. (Met. 8:31; soma Yohana 13:1.) Kwa mfano, Yesu alijua kwamba baadhi ya mambo ambayo angefanya katika huduma yake duniani yangekuwa magumu sana, hasa kifo chake chenye maumivu makali. Hata hivyo, alipokuwa akitimiza mgawo wake duniani, hakuufanya tu kwa sababu ameagizwa na Yehova. Badala yake, Yesu alihubiri, alifundisha, na kuwahudumia wengine kwa moyo wake wote. Hata siku ya kifo chake, Yesu alitumia wakati wake kuosha miguu ya mitume wake na kuwapatia faraja na maagizo katika maneno yake ya mwisho kwao. (Yoh. 13:​12-15) Kisha, alipokuwa ametundikwa mtini, Yesu alitumia dakika chache kumpa tumaini mhalifu ambaye  alikuwa karibu kufa na alifanya mipango ili Yohana amtunze mama yake. (Luka 23:​42, 43; Yoh. 19:​26, 27) Hivyo, upendo wenye kina wa Yesu haukuonyeshwa tu kupitia kifo chake, bali pia kupitia maisha yake yote duniani.

12. Nĩ na njĩra ĩrĩkũ Jesũ etĩte na mbere kwiritanĩria tontũ bwetũ?

¹² Ingawa Kristo alikufa “mara moja kwa wakati wote,” bado anajidhabihu kwa ajili yetu. (Rom. 6:10) Jinsi gani? Anaendelea kutumia wakati na jitihada ili kutupatia mambo mengi mazuri ambayo yanawezekana kwa sababu ya fidia. Fikiria mambo ambayo kwa sasa anafanya kwa bidii. Yeye ni Mfalme wetu, Kuhani Mkuu, na kichwa cha kutaniko. (1 Kor. 15:25; Efe. 5:23; Ebr. 2:17) Anasimamia kazi ya kuwakusanya watiwa-mafuta na umati mkubwa, kazi ambayo itakamilika kabla ya dhiki kuu kuisha. b (Mt. 25:32; Marko 13:27) Pia, anahakikisha kwamba watumishi wake waaminifu wanalishwa vizuri kiroho katika siku hizi za mwisho. (Mt. 24:45) Na katika Utawala wa Miaka Elfu Moja, ataendelea kutufanyia mambo mazuri. Kwa kweli, Yehova alimtoa Mwana wake kwa ajili yetu!

MENYA ŨTIGA KWIRITANA

13. Nĩatĩa kũthũgaanĩria mantũ kĩndeene kũũmba gũgũtethia gwĩta na mbere, kwiritana bwegie wendo bũrĩa Jehova na Jesũ batwonagia?

¹³ Unaweza kuendelea kujifunza kuhusu upendo ambao Yehova Mungu na Kristo Yesu wanatuonyesha ikiwa utaendelea kutafakari kuuhusu. Huenda katika ya majira ya Ukumbusho ya mwaka huu, unaweza kusoma kwa makini kitabu kimoja au zaidi cha Injili. Usijaribu kusoma habari nyingi sana kwa wakati mmoja. Badala yake, soma kwa mwendo wa taratibu na utafute sababu nyingine zinazotuchochea kumpenda Yehova na Yesu. Na kwa kadiri uwezavyo, shiriki na wengine mambo ambayo umejifunza.

14. Kũringana na Zaburi 119:97 na nteto irĩa irĩ gaiti, nĩatĩa kũthithia ũcunkũũni kũũmba gũtũtethia kwiritana bwegie ĩkũũri na mooritani jangĩ kuuma Bibiriene? (Tega kinya mbica.)

¹⁴ Ikiwa umekuwa katika kweli kwa miaka mingi, huenda ukajiuliza ikiwa inawezekana kujifunza mambo mapya kuhusu mambo tunayoyajua vizuri kama vile haki ya Mungu, upendo wake, na fidia. Ukweli ni kwamba hakuna mwisho wa kujifunza inapohusu mambo hayo na habari nyingine. Hivyo, unaweza kufanya nini? Tumia kikamili habari nyingi zinazopatikana  kwenye machapisho yetu. Unaposoma andiko ambalo hulielewi vizuri, fanya utafiti. Kisha, siku hiyo yote, tafakari kuhusu mambo mapya ambayo umejifunza na yale uliyojifunza kumhusu Yehova, Mwana wake, na upendo wao kukuelekea.—Soma Zaburi 119:97 na maelezo ya chini.

15. Nĩkĩ tũbuĩrĩte gwĩta na mbere gũcwaa mũthithũ Bibiriene?

¹⁵ Usivunjike moyo ikiwa hutapata jambo jipya au lenye kusisimua kila mara unapojifunza au kufanya utafiti. Kwa njia ya mfano, wewe ni kama mtu anayetafuta dhahabu. Kwa subira, wale wanaotafuta dhahabu hutumia saa au siku nyingi kabla ya kupata hata kipande kidogo sana cha dhahabu. Hata hivyo, wanaendelea kutafuta kwa sababu kila kipande cha dhahabu ni chenye thamani kwao. Kwa kweli, kila hazina ya kweli ya Biblia ni yenye thamani kubwa hata zaidi! (Zab. 119:127; Met. 8:10) Hivyo, uwe na subira na ushikamane na ratiba yako ya usomaji wa Biblia.—Zab. 1:2.

16. Nĩatĩa tũũmba kwigerekania na Jehova na Jesũ?

¹⁶ Unapojifunza, tafuta njia za kutumia mambo unayojifunza. Kwa mfano, iga haki ya Yehova kwa kuwatendea wengine bila ubaguzi. Iga upendo wa Yesu kwa Baba yake na wengine kwa kuwa tayari kuteseka kwa ajili ya jina la Yehova na kujitoa kwa ajili ya Wakristo wenzako. Pia, mwige Yesu kwa kuwahubiria wengine ili wao pia wapate fursa ya kukubali zawadi hiyo ya Yehova yenye thamani kubwa sana.

17. Nĩmbi tũkairitana kĩthoomone kĩu kĩngĩ?

¹⁷ Kadiri tunavyoielewa na kuithamini fidia, ndivyo tutakavyompenda zaidi Yehova na Mwana wake. Nao pia watatupenda hata zaidi. (Yoh. 14:21; Yak. 4:8) Hivyo, acheni tutumie maandalizi ya Yehova ili tuendelee kujifunza kuhusu fidia. Makala inayofuata itazungumzia baadhi ya njia tunazoweza kunufaika kutokana na fidia na jinsi tunavyoweza kuonyesha tunathamini upendo huo wa Yehova.