A tanikiu henimumu badina ina buklet ome duahia amo ai Iehova ena Witnes taudia, emai ḡaukara, bona emai orea ome dibadia. Reana ina buklet amo ome diba daidia be ina negai Iehova ena ura e karaiamu. A hagoadamumu Dirava ba dibaia noho, bona o dibamu ḡaudia na emu bese bona turamu ediai ba herevalai, bona hanaihanai emai kongrigeisen heboudia baoma.—Heberu 10:23-25.

Iehova idibana karana bo habadaiamu neganai, bo lalopararamu ia ese oi na e lalokau henimumu. Una ese oi be hagoadamumu, Iehova ba lalokau henia totona. (1 Ioane 4:8-10, 19) To emu mauri lalonai, una lalokau be ede ba hahedinaraia toma? Dahaka dainai Dirava ena taravatu ba badinaia na namo? Dahaka ese emu ura baine hagoadaia, bena ai ida Dirava ena ura baita karaia hebou? E stadi henimumu tauna ida unu henanadai haeredia ba tahu, unu amo oi bona emu famili na ‘Dirava ena lalokau ai ba noho, ia ese mauri hanaihanai dalana ai baine hakaumui.’—Iuda 21.