Iesu e mase bena dina toi murinai, hahine haida na gara itana ela neganai, Iesu tauanina na asie davaria. Iehova ese Iesu na mase amo vada e hatorea isi.

Gabeai, Iesu na aposetolo taudia ediai e hedinarai.

Oibe, Iehova ese Iesu na tanobada tauanina ta se henia, to basita itaia diba tauani matamata ta e henia, aneru edia heğereğerena. Hahediba taudia matadiai, Iesu na guba ela.

Iesu ese ena mauri e heni, hutuma baine hamauridia helaoreana. (Mataio 20:28) Oibe, Iesu ese ena mauri e heni dainai, Dirava ese dala e kehoa mauri hanaihanai baita abia totona.

Iehova ese Iesu na King ai e halaoa, tanobada baine lohiaia totona. Ia bae durua taudia na 144,000. Unu abidadama taudia 144,000 na tanobadai mase amo e toreisi loumu bona gubai e mauri hanaihanaimu. Iesu bona 144,000 taudia ese kara maoromaoro guba gavamanina​—Dirava ena Basileia​—bae lohiaia.​—Apokalupo 14:1-3.

Dirava ena Basileia ese tanobada na paradaiso ai baine halaoa. Tuari, raskol karadia, ogoğami, bona hitolo bae ore. Taunimanima na mauri namona bae moalelaia.​—Salamo 145:16.