BA GIMA!
Abata Badadia—Baibul be Dahaka E Gwaumu?
Tanobada heḡeḡemadai taunimanima momo na abata badadia ese edia gabu e hadika. Ripoti haida na ini:
“Dina haida lalonai China ena siti badana ai medu bada herea e diho, una na laḡani 140 gunadiai e diho meduna heḡerḡerena. Saturday bona Wednesday ai e diho meduna ena bada na . . . 744.8 millimeters (29.3 inches) bamona.”—AP News, August 2, 2023.
“Southern Japan ai, Typhoon Khanun e kau, bona Thursday na dina iharuana medu bada e diho bona lai goadana e toa, una ese taunimanima rua e hamasedia. . . . Central Taiwan ena ororo gabudiai lai goadana na mai meduna ida be kaumu, bona abata na reana be daemu 0.6 meters (2 feet).”—Deutsche Welle, August 3, 2023.
“Wiken ai Nova Scotia ai medu bada herea e diho dainai gabu ibounai na e abata, ina na laḡani 50 gunadiai Atlantic Canada ai e diho meduna heḡereḡerena.”—BBC News, July 24, 2023.
Baibul ese disasta unu bamodia be ede e herevalaidia toma?
“Dina gabedia” toadia
Baibul ese ita ta noholaiamu negana na e gwauraiamu “dina gabedia.” (2 Timoteo 3:1) Iesu ese eda nega e perovetalaia neganai, e gwa, ita ese “hahegari ḡaudia” baita itamu. (Luka 21:11) Weda e idaumu dainai gabu momo ai dikadika momo e varamu.
Eda helaro badina
Ena be tanobada ai hahegari ḡaudia momo e varamu, to Baibul ese e hadibadamu ita na mai eda helaro. Dahaka dainai? Iesu na e gwa: “Ini ḡau bae vara ba itaia, vada ba diba Dirava ena basileia vada eme kahira-kahira.”—Luka 21:31; Mataio 24:3.
E varamu bona ta itamu ḡaudia ese e hahedinaraiamu Dirava ena Basileia ese tanobada ḡaudia iboudiai, water cycle danu, baine hanamodia lou.—Iobu 36:27, 28; Salamo 107:29.
Dirava ena Basileia ese tanobada baine hanamoa lou dalana o uramu ba diba totona, atikol ladana “Who Will Save the Earth?” ba itaia.