Baibul ese Aramagedono e herevalaiamu neganai, ia na dia kaha tamonai mo be varamu tuarina, to ia na tanobada gavamanidia bona Dirava padadiai be varamu tuarina.

•   “Idia na lauma dika-hereadia,  . . bona tanobada idoinai hanua hanua pavapavadia e lao henidiamu, eha gogodiamu, siahu idoinai Diravana ena dina badana tuarina dainai. Bena lauma dikadia ese e gogodia gabu ta ai, ladana Heberu gadodiai ai be Aramagedono.”​—Apokalupo 16:14, 16.

 Ina hereva “Aramagedono” na Heberu gado herevana Har Meghid·dohnʹ amo e abia, anina na “Megido Ororona.” Guna Israel ai, Megido na hanua ta. Una badi dainai, momo na e laloamu Aramagedono na Israel ai be varamu. To Megido na gabu maraḡina dainai dia heḡereḡere “tanobada idoinai hanua pavapavadia” na unuseniai edia tuari taudia ida bae hegogo.

 Apokalupo bukana na “toa” eiava laulau herevadia amo e torea. (Apokalupo 1:1, NWT) Aramagedono na dia gabu korikorina ta e herevalaiamu, to tanobada idoinai hanua pavapavadia bae hebou bena Dirava bae tuari henia.​—Apokalupo 19:11-16, 19-21.