Vanegai tanobada lohiadia, saiens taudia, bona teknoloji mai dibadia namonamo taudia na artificial intelligence a (AI) eiava robot ena siahu e herevalaia. Idia na e gwa artificial intelligence na mai ena namo, to taunimanima ese bae ḡaukaralaia kerere karana danu e lalohadailaia.

•   May 4, 2023 ai United States edia vice president Kamala Harris na e gwa, “Hari ina negai teknoloji lalonai AI ena siahu na bada herea, badina taunimanima edia mauri be hanamoamu . . . to danu eda noho namona na baine hadikaia diba, eiava eda maoro ḡau haida ai baine koki diba, bona be aukamu gavamani baita kamonai henidia.”

•   BMJ Global Health ai international group of doctors bona health-care experts e gunalaidiamu doktana, Dr. Frederik Federspiel na May 9, 2023 ai e halasia atikol ta ai ini e gwa toma: “Artificial intelligence (AI) ese dala haida ai eda helt baine hanamoa, to danu dala ma haida ai tauanida bona eda hemami baine hadikadia diba.” b

•   May 1, 2023 ai The New York Times na ini e gwa toma: “Taunimanima ese AI na de ḡaukaralaiamu infomeisin koikoidia e halasimu. Kahirakahira, taunimanima edia moni ḡaukara danu be hadikamu. Teknoloji kampanidia ai e ḡaukaramu taudia na e lalohekwarahimu badina e lalomu nega vairai AI ese taunimanima na bae hahisidia diba.”

 Nega e laomu lalonai taunimanima na be lalopararamu AI be ḡaukaralaiamu neganai una ese namo eiava dika be havaraiamu. Baibul be dahaka e gwaumu?

 Baibul ese e hahedinaraiamu taunimanima ese teknoloji amo e karamu ḡaudia ese namo ta basine havaraiamu.

1.  1. Ena be taunimanima na badi maorodia dainai ḡau ta e karaia, to gabeai baine vara ḡauna na asi dibadia.

   •   Tau ta vairanai dala ita-itana na maoro, a dokona na mase e lao heniamu dalana.”​—Hereva Lada-isidia 14:12.

2.  2. Ta na asi dibana bema ia ese teknoloji amo e karaiamu ḡauna na haida ese be ḡaukaralaia namonamomu eiava lasi.

   •   “Murigu ai bainema tauna enai [egu ḡaukara] baina rakatanidia. Bona daika dibana ia na baine aonega eiava baine kavakava? A mai aonegagu ida dina henunai na hekwarahilaiva ḡaudia iboudiai na ia ese baine biagudia.”​—Kohelete 2:18, 19.

 Unu ḡau ese daradara e havaraiamu dainai Ihavarada Diravana amo hahekau daladia baita abi na namo.

 Taunimanima ese teknoloji amo e karamu ḡaudia ese tanobada eiava taunimanima e hadikadiamu, to Ihavarada Diravana na e gwauhamata taunimanima unu bamodia na be haorediamu.

•   “Tanobada na e mia hanaihanaimu.”​—Kohelete 1:4.

•   “Kara maoromaoro taudia ese tano bae abia, bae noholaia hanaihanai.”​—Salamo 37:29.

 Baibul amo Ihavarada Diravana ese vaira negai maino bona noho namo baita abia hahekau herevadia e henidamu. Baibul amo diba ma haida bavabi totona, atikol ladana “Is There a Reliable Guide to a Secure Future?” bona “A Real Hope for a Better Tomorrow” ba duahidia.