Haiti ai raskol oredia edia daḡedaḡe karadia dainai dika bada herea e havaraia. South Africa bona Mexico ai daḡedaḡe karadia dainai dika na e bada herea, Latin American tanodiai danu. Ena be gabu haida ai daḡedaḡe karadia na e maraḡimu, to henaohenao bona kohu hadika karadia dainai momo na e garimu bona e lalohekwahimu.

 Baibul ese Tanobada heḡeḡemadai ai kara havara karadia e varamu badina be ede e gwauraia toma?

 Baibul ese kara havara na e gwauraia “tanobada dokona” toana ta. (Mataio 24:3) Iesu Keriso ese una toa kahana idauidau e herevalaidia neganai, e gwa:

•   “Kara havara danu baine vara rohoroho, bena diaḡau edia lalokau do baine keruma.”​—Mataio 24:12.

 Baibul ese danu e hahedinaraia “dina gabedia ai” taunimanima na ‘bae lebulebu; bae daḡedaḡe bona kara namo basie ura heni.’ (2 Timoteo 3:1-5) Taunimanima na sibodia edia ura e tahumu dainai hari ina negai kara havara karadia na e badamu.

 To badi namona dainai ita na mai eda helaro. Baibul na e gwa kara havara na kahirakahira be oremu.

•   “Asi vanahana kara dika tauna baine puki; ena gabu ba tahua, to basio davaria. A manau taudia ese tano bae abia; maino ena harihari-bada idia ese bae moalelaia.”​—Salamo 37:10, 11.

 Baibul ese e gwauraia helaro namona bona hari ina negai e varamu ḡaudia ese Baibul ena peroveta herevadia e haḡuḡurumu dalana ba dibaia. Mani ini atikol ba itadia.

 “A Real Hope for a Better Tomorrow”

 “‘Dina Gabedia,’ Eiava ‘Nega Dokona’ Toadia be Dahaka?”

 “Baibul ese Taunimanima Edia Kara bona Lalohadai be de Gwaurai Guna, A?”