BA GIMA!
Tuari Bona Climate E Idaumu Dainai, Aniani Na Dia Heḡereḡere—Baibul be Dahaka E Gwaumu?
Ukraine ai e varamu tuarina bona climate e idaumu dainai, gabu momo ai aniani na dia heḡereḡere. Una dainai, taunimanima momo na e hekwarahimu adia bae abi totona.
“Tuari dainai aniani abia dalana na auka, climate e idaumu, bona hekwakwanai ma haida e varamu.”—António Guterres, UN secretary-general, July 17, 2023.
“Diba bada taudia na ini e gwa toma, Russia ese Ukraine amo aniani bae abi ena agreement se duruamu dainai tano haida, heḡereḡere North Africa bona Middle East ai aniani davadia be bada herea.”—Atalayar.com, July 23, 2023.
Mani Baibul ese aniani ena hekwakwanai bona vaira nega e herevalai dalana aita itaia.
Baibul na e gwa doe na bae vara
Iesu na e peroveta: “Bese ta bese ta ida bae heala-ala heheni, bona basileia ta basileia ta ida bae tuari. Gabu idau-idau ai doe. . . bae vara.”—Mataio 24:7.
Apokalupo bukana ese hosi gui taudia 4 ena laulau herevadia e gwaurai. Una hosi gui tauna ta ese tuari e laulaulaia. Bona ia murinai hosina be hitolo e laulaulai, una negai aniani na dia momo bona davadia na bada herea. “Bena hosi korema-koremana ta na itaia; e gui kau tauna na metau ihahetohona ḡauna e abia kau imana ai. Bena ere . . . na kamonai, eto, ‘uit irau ta davana na silver monina ta! bona bali irau toi davadia na silver monina ta.’”—Apokalupo 6:5, 6, Contemporary English Version.
Baibul ese aniani ena hekwakwanai e perovetalai herevana na hari “dina gabedia ai” e ḡuḡurumu. (2 Timoteo 3:1) “Dina gabedia” bona Apokalupo buka ese e gwauraia hosi gui taudia 4 ba dibadia totona, ina vidioThe World Has Changed Since 1914 ba itaia bona ina atikol ladana “The Four Horsemen—Who Are They?” ba duahia.
Baibul amo heduru baita abi dalana
Baibul lalonai sisiba namodia na momo, una ese ita be durudamu nega aukadiai, aniani davadia e badamu negadiai eiava aniani lasi negadiai baita haheaukamu. Haheitalai haida na ina atikol “How to Live on Less ai ba ita.”
Baibul ese e hahedinaraia ḡau iboudiai na be namo loumu. Baibul ese ini gwauhamata e gwaurai, “aniani reidia na tano ai bae vara momomomo” bona momo ese anidia bae ani. (Salamo 72:16) Una helaro ai diba ma haida bavabi bona emu abidadama una helaro ai ba hagoadaia totona, ina atikol ladana “A Real Hope for a Better Tomorrow” ba duahia.
You May Also Like
BA GIMA!
Drought Momo E Varamu—Baibul be Dahaka E Gwaumu?
Ina hekwakwanai baine ore diba, a? Vaira nega be mai helarona eiava?
ABOUT US
Ta Ba Noia Oi Bae Vadivadimu
Baibul ese e haerelaimu henanadaina ta ba herevalaia, eiava Iehova ena Witnes ediai diba ma haida bavabi.
